الحلقة الثالثة والعشرون
#احببتها_رغم_كل_شيء
#بوسي_مصطفي
........ ..
في فيلا أسر
أسر ل سهر وهو يضع كوب الماء / تسلم ايدك يا حبيبتي
تبتسم سهر في صمت
أسر / سهر كنت عايز اقولك حاجة
سهر/ قول. ..شكلنا مش هنام الليلة
أسر / انتي مش شايفة إن موضوع الحمل ده اتاخر شوية
سهر بارتباك/ عادي يا أسر انت ناسي اني كنت باخد منع حمل
اسر/ ايوه بس انا بقول تغيري الدكتورة اللي بتابعي معاها دي ونشوف غيرها
سهر/ زي متحب
وتقوم سهر يمسك أسر ايدها / ايه رايحه فين
سهر/ هدخل الحمام
اسر/ اضايقتي من كلامي؟
سهر/ لا ابدا انت معاك حق طبعاً
أسر / طيب اوعى تكوني زعلتي
هزت سهر رأسها ببتسامة
اسر/ تصبحي ع خير يا حبيبتي
سهر/ وانت من أهل الخير
..............
في شقة منى.
إياد / لا بجد اللمه حلوه اوي يا جدعان دا الواحد مكنش عايش.
عمار بمزح/ ههههههه يا عم تلاقيك عملتهم ع قلبك قد كده قال لمه قال
اياد / تسلم ايدك يا ست الكل
منى / بالف هنا وشفا ع قلبك يا حبيبى
سلمى / يا سلام وانا مفيش تسلم ايدك
اياد/ لا طبعا تسلم ايدك يا سلمي بس قوليلي انتي عملتي أنهي صنف من دول علشان أحكم بقى.
عمار/ تلاقي الفرخه المحروقةدي هي اللي محمراها هههههههههههههه
سلمى / يا سلام ع تقل دمك يااخي
منى / ههههههههههه انت بتقول فيها هي فعلا اللي محمره الفراخ
سلمى / حتي انتي يا ماما طيب مش همد أيدي في حاجة تاني
إياد / يا عم صحي عيالك دول خليني اوزع عليهم الهدايا
عمار/ علا صحيهم بسرعة يلا
سلمى / اه صحيهم ياعلا علشان لو مصحيوش هتضيع عليهم هدايا عمهم
ههههههههه.
اياد بهمس/ سهر اخدت هديتها
سلمى / شلتها في الدولاب هبقي اروحلها واديهالها انت شايف كانت عامله ازاي
اياد/ طيب ماشي
منى / قومي يلا ساعديني يا سلمي وشيلي معايا الأطباق
سلمى / حاضر
تقوم علا معاهم وتدخل المطبخ تروقه
علا ل سلمى / هي سهر كانت هنا ؟
سلمى / اه
علا/ كان نفسي اشوفها هي مشيت ليه كده ع طول
نظرت سلمى لعلا/ مش فاهمه سؤالك
علا/ هي شافت اياد
سلمى / اه وجوزها كان هنا كمان
علا/ يا خبر وايه اللي حصل
سلمى / في ايه يا علا مالك نازله أسأله ليه عايزة توصلي لايه بالظبط
علا بارتباك/ لا عادي بسأل يعني. ..أصلها وحشاني وكان نفسي اشوفها بعد اذنك
وتخرج علا من المطبخ
سلمى / عليه بردو. ..قال كان نفسك تشوفيها قال !!!
ليه فاكراني مش فهماكي؟!!!!!
......................
بعد حوالي ساعة يدخل اياد علشان ينام
يغير هدومه ويقعد ع السرير يقلب ف تليفونه تخبط مني
اياد/ اتفضلي يا ماما
تدخل منى / ايه يا حبيبى منامتش يعني زي مقولت
اياد/ كنت هنام اهوه بس قولت ابعت رسالة لواحد صاحبي يطمني ع الشغل
منى / ليه هو انت مش مفروض في اجازة
اياد/ اه طبعا بس الشغل في الشركة مش مضمون وممكن بين يوم وليلة الاقيهم مشغلين واحد مكاني
منى / بجد ده؟!!!
اياد / حصلت لأصحاب ليه كتير
منى / إن شاء الله. ..يا حبيبي تروح تلاقي مكانك في الشغل زي ماهو
اياد كنت عايزة اتكلم معاك شوية.
ترك إياد التليفون من أيده وركز مع والدته/ اتفضلي يا ماما انا سامع حضرتك.
تمسد منى علي كتفه / كنت عايزة اقولك ياريت تنسى الماضي وتقفل عليه بقفل ميتفتحش ابدا اكيد فاهمني.
إياد / اه طبعا فاهم
بس ليه بتقولي كده يا ماما هو حصل مني حاجة؟
منى / لا يا حبيبي انا بس عايزاك تتلفت لحياتك ومستقبلك
مش عملت قرشين حلوين بردو؟
إياد / الحمد لله
منى / خلاص يبقي نشوفلك عروسة واهو تخطب وتتجوز قبل متسافر
اياد/ خطوبة وجواز كده ع طول؟!
منى / هتستني ايه تاني ياابني؟
إياد / هشتري شقة الأول وبعد كده نشوف موضوع العروسة ده.
منى /خلاص براحتك ياحبيبي.
إياد/ سؤال اخير ياماما.
منى /ها... خير.
إياد سكت.
منى /م تقول ياابني عايز تسألني في ايه؟
إياد /ولا حاجه خلاص... تصبحي ع خير.
نظرت منى ليه وهي عارفه إنه كان هيسألها ع سهر واتردد وخاف من رد فعلها.
منى /وانت من اهل الخير ياابني...استريح ياحبيبي انت في وسط اهلك هنا
ابتسم إياد وهو بيغمض عيونه
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
