الحلقة الثانية
#احببته_رغم_كل_شيء2
#بوسي_مصطفي
________________________________💕
في شقة سهير
منى / انا هريح ع الكنبه يابنتي لما تخلصي صحيني
سهر/ معلش ياخالتو تعباكي مع معايا ع طول
منى / ايه اللي بتقوليه دا ياسهر تعب ايه بس يابنتي
بقولك ايه الشقة متربه ومش نضيفه لا انا ولا انتي هنقدر ننضفها هجبلك واحده بنت حلال تنضفهالك وتخليهالك تبرق
سهر بتنهيده/ من يوم مقفلتها وهي زي ماهي
وحشوني اوي
مني/ متقلبيش عليه المواجع ياسهر
سهر بتمسح دموعها ودخلت اوضتها
جرس الباب يرن تقوم مني تفتح الباب
منى / أم إبراهيم اتفضلي ياحبيبتي يااهلا وسهلاً
أم ابراهيم/ ازيك ياام عمار عامله ايه يااختي
منى / الحمدلله
أم إبراهيم / انتي هنا لوحدك
منى / لا سهر معايا
عايزاها اندهالك
أم إبراهيم / لا ياحبيبتي مستغناش بس كنت جايه اخد حاجه ليه وقعت في البلكونة عندكو من كام يوم وانا بنشر الغسيل
منى / اتفضلي ياحبيبتي هاتيها
أم إبراهيم / لا معلش يااختي هاتيها انتي
منى / حاضر
دخلت مني البلكونة وجات بسرعة
منى / اتفضلي
أم إبراهيم / متحرمش منك ياحبيبتي بقولك ايه ياام عمار
منى / نعم يااختي
أم ابراهيم/ هي الشقة هتفضل مقفوله كده يااختي
منى / هنعمل ايه اديكي شايفه سهر ساكنه بعيد وكل فين وفين لما بتيجي تهويها شوية
أم إبراهيم / انا بقول تبيعوها احسن ع الأقل الشقة تتسكن بدل ماهي مهجوره كده
منى / سهر مش هتوافق
عندك انتي حد يشتري
منى / لأ معنديش بس بقول الشقة تتسكن ويعيش فيها ناس بدل قفلتها دي
الجيران خايفه وعايزة تسيب العمارة
منى / خايفين من ايه يااختي
أم إبراهيم / بصراحة بقي يامني الشقة دي بنسمع فيها أصوات غريبه كده ومحدش بقي عايز يسكن في الشقة اللي قصادكو دي
منى / أصوات ايه
ماانتي واقفه أهو سمعتي حاجه
أم ابراهيم/ دا بيبقى بالليل بس وانا ببقي خايفه اطلع من شقتي حتي ولاد ابني بطلوا يجوا عندي
منى بضيق/ احنا مش هنبيع واستحالة نفرط في الشقة
أم ابراهيم / انا قولتلك اللي عندي وسكان العمارة كلهم قالوا كده وصاحب البيت عنده خبر وقالنا الشقة أما تتأجر أو تبعوها قفلتها دي هتطفش السكان بعد اذنك
منى / مع السلامة ياحبيبتي ابقي اقفلي بابك كويس
سهر خارجة من اوضتها / يلا ياخالتو ننزل
منى / يلا يابنتي
💞_________________________________________
في شقة اياد
اياد/ قوليلي بقي في ايه
سلمى / هو انت قاعد لوحدك
اياد/ آه انا لوحدي منه خرجت مع صحابها
سلمى / كنت عايزة اخد ماما تعيش معايا
اياد/ ليه ماهي علا قاعدة مع ماما وأهم مونسين بعض
سلمى / بصراحة ماما تعبانه ومش مستريحه مع علا
اياد / مين قالك كده
انا بكلم ماما دايماً وعمرها مقالتلي حاجه زي كده
سلمى / علا خلقها ضيق وكلامها وحش اوي مع ماما
انا بقي مش مستحمله الوضع ده وعايزاها تيجي تقعد معايا
اياد / مينفعش ياسلمي اصبري يمكن أنزل قريب
سلمى / ليه
انت تقصد تنزل نهائي
اياد/ بيني وبينك زهقت من الغربه وبصراحة انتوا وحشني اوى والشغل هنا بقي يخنق بجد
سلمى / استحمل شوية كمان... وبعدين انت معاك مراتك وابنك اومال عمار يعمل ايه ؟!
اياد/ نفسى استريح
شغل ليل ونهار وعمري عمال يضيع هنا
نسيت بلدي ونسيت المكان اللي تربيت فيه
سلمى / هو انتوا كلكوا زهقانين
رامي كمان زهقان من الشغل وعايز يعمل مشروع
بيقولي نفسه يصحي براحته وينام براحته واتخنقنا مع بعض وكنت هسيبله البيت
اياد/ خليه يستني شوية انا بفكر أنزل واعمل مشروع واهو يبقي معايا فيه
سلمى / ماشي بس قولي اعمل ايه زعلانه اوى ع ماما
اياد/ ماانا بقولك اصبري. .. هتتحل متقلقيش.
سلمى / طيب اوعى تقول ل عمار حاجه علشان ميزعلش ويتخانق مع علا انت عارفه
اياد / لا متخافيش ولا كأني عرفت حاجه بس ابقي من وقت للتاني تروحي تشوفي ماما وتشوفي طلباتها
ماما كبرت وصحتها مبقتش زي الأول
سلمى / انا عندها تقريباً كل يوم متقلقش خد بالك انت من نفسك ومن مراتك وابنك سلملي عليها لما ترجع
اياد/ يوصل ياقلب اخوكي. ..سلام أدخل اناملي شوية علشان أكمل شغل
أنت تقرأ
أحببتها رغم كل شيء 🥰
Romansaاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
