الحلقة التاسعة عشر
#احببته_رغم_كل_شيء2
#بوسي_مصطفي
__________________________
تاني يوم الصبح
اياد قاعد ع السفرة بيفطر جاله تليفون
اياد / ايوه ياعادل (عادل شاب شغال معاه ف المحل)
لأ شوية وجاي
اوك.....تمام
منه/ انت نازل
اياد / ايوه. ..ليه في حاجه
منه/ كنت عاوزه أتكلم معاك شوية
اياد/ طيب بسرعة عشان مستعجل
منه/ هو انت ليه بتعاملني كده يااياد؟
اياد/ بعاملك ازاي مش فاهم؟!
منه/ ع الأقل تعتذرلي ع اللي عملته امبارح!
اياد/ اممم....
إللي هو ايه بقي؟
منه/'يعني تزقني جامد ووقعني
حتي م جيتش تقومني وطنط هي اللي قومتني!
اياد/ انتي سايبه كل اللي حصل امبارح وفاكره بس اني وقعتك.....انتي مش واخده بالك إنك زودتيها امبارح مع سهر؟!
منه/'انا اللي زودتها بردو ولا انت؟!
اياد/ انا كنت بدافع عن بنت خالتي اللي اخوكي قهرها وراح اتجوز عليها لكن انتي بتدافعي عن اخوكي وانتي عارفة إنه غلطان!
منه/'غلطان ولا مش غلطان انت ليه اديت الحق لنفسك إنك تعمل كده؟!
اياد/ عشان قولتلك يامنه قبل كده إن اخوكي لو فكر يمس سهر بس بكلمة انا همسحه من ع وش الأرض
لكن دا راح اتجوز عليها!
تقبلي اني اعمل فيكي كده؟!
منه/ ايوه بس كان رد فعلك أوفر شوية
كان ممكن يصالحها ويراضيها والموضوع يخلص وخلاص!
اياد/ لما تتحطي في نفس موقفها ابقي قوليلي بقي ع رد فعل اخوكي!
منه/ بس انت مش اخوها.
اياد / عندك حق انا مش اخوها وعلشان سهر ملهاش أخوات.
انا اعتبرت نفسي اخوها وابوها في نفس الوقت
ومش هسيب حقها يامنه.
منه / كل دا ليه يااياد
متسيبهم يحلو مشاكلهم مع بعض خليك انت بعيد.
اياد/ انتي عاوزه تبعديني ليه
يعني كمان هتخلي عنها
نبقي مش رجاله ع كده ونقعد ف البيت بقي ونلبس طرح عشان حضرتك خايفه ع اخوكي
منه / انا محبش إن الحوار مابينا يوصل للطريقة دي
اياد / معلش يابنت الأكابر اصلنا معشناش في فلل وقصور
احنا اتربينا في شقة ع قدنا في حارة اللي زيكو عمرهم م شافوها ولا يحبوا يروحوها
منه/'كل دا ليه يااياد عشان بقولك أبعد عن المشكلة اللي بين أسر وسهر
ادتني محاضرة في الصراع الطبقي انت عاوز ايه بالظبط
اياد/'عاوزك تقفلي ع الموضوع ده ومتناقشنيش فيه نهائي
سلام
ينزل اياد بعد م يخبط الباب جامد
منه يقعد ع السفرة وهي بتتصل بصديقتها رنا تتكلم معاها شوية
__________________________
علي قاعد جمب أسر ع طرف السرير
علي /'متقوم بقي ياابني شوف شغلك
هتفضل نايم كده ل امتى؟!
اسر/ معلش يابابا سيبني اليومين دول
لو روحت الشركة مش هقدر اركز في أي حاجه
علي/ طب قولي عملت ايه مع سهر؟
اسر/ ولا حاجه
علي / يعني ايه ولا حاجه؟!
اسر/ يعني هعمل ايه يابابا
هي مصره ع الطلاق وكمان ولاد خالتها قافلين الطريق بيني وبينها
علي/'يعني ايه الكلام ده
وانت هتوافقها
اسر/ انا تايه مش عارف اعمل ايه
علي / وايه المشكلة؟ ..م طلقها
اسر/ 'أطلقها؟!
علي /'ايه لسه بتحبها؟
اتنهد أسر بحزن وسكت
علي / تعرف إن مليكه كانت عامله حس في البيت
وحشتني بنت الايه دي
اسر/ بابا انا واقع في مصيبه أكبر من كده
علي /'عشان يعني اتجوزت هايدي
عادي ياابني فيها ايه.....انت ليك اربعه
اسر/'بس انا مش هقدر أكمل معاها
علي/ خلاص طلقها
اسر/ ياريت كان ينفع
علي/ ومينفعش ليه؟
أسر بخجل/ لانها حامل
علي ببتسامة/ بجد.....ههههههههههههههه
تدخل ملك/ بتضحك ع ايه ياعلي
علي/ بضحك ع ابنك اللي مفروض يفرح
اسر/ افرح!
افرح ع ايه؟!
علي / عشان هيجيلي حفيد قريب... برافو عليك ياواد
ملك/ هو دا اللي م فرحك اوي
علي / طبعا افرح إن العيله بتكبر
اسر/ بس انا مش عاوز الحمل دا يكمل
علي /'تبقي اتجننت
يعني ايه مش عاوزه يكمل
اسمع انت تروح معايا دلوقتي نروحلها وتراضيها وتجيبها هنا مش معقولة البنت تفضل قاعده هناك بالوضع ده
ملك/ يجيب مين؟
علي/ هايدي. ..مراته
ملك/ وسهر
علي/ هترجع
اسر/ ازاي بس يابابا هترجع
علي / متسألنيش هترجع ازاي. ..اللي يهمك إنها ترجع وخلاص
بس تعالي معايا زي م قولتلك
_________________________
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
