الحلقة الخامسة عشر
#احبتتها_رغم_كل_شيء2
_________________________
في شقة حسام
يارا/ حسام بطل بقي تتقلب كتير انا تعبت بجد
قام حسام وقعد ع السرير
يارا/ انت كمان قومت. ..في ايه مش عوايدك يعنى
حسام / ايه مالي
يارا/ راجع بدري ومسهرتش بره زي عوايدك
حسام/ مش قولنا بطلنا
يارا/ طب قولي مالك في ايه
حسام/ مخنوق اوي وحاسس بالذنب
يارا بغضب/ حسام انت خونتني؟
حسام/ الموضوع مش كده. .الحكاية
يارا/ حكاية! هي فيها حكاية كمان. .أنطق قول في ايه
حسام/ بس توعديني متقوليش لحد
يارا/ طيب بس قول
حسام/ لأ قولي الأول
يارا/ اوعدك مش هقول لحد
حسام/ أسر اتجوز
يارا/ هههههههههههه نكته جديدة دي
حسام/ انا بتكلم بجد
يارا/ انت بتقول ايه؟!
حسام / كتب كتابه امبارح
يارا/ وانت عرفت منين. ..هو قالك
يارا/'ماانا كنت شاهد ع العقد
يارا صرخت/ كمان. ..ليه عمل كده
مالها سهر مش عاجباه في ايه
حسام/ المشكلة مش في سهر
المشكلة في البنت السكرتيرة اللي اتعينت جديد في الشركة
يارا/ هي اللي كانت في فرح وليد صح؟
حسام/ ايوه
يارا/ وليه ياحسام معقلتوش ورجعته عن الجنان ده
حسام/ قولتله بس هو قالي إنه بيحبها
يارا/ يااخي حبك برص انت وهو
والغلبانه دي ذنبها ايه
حسام/ اوعى تقوليلها
يارا/ مسيرها تعرف.....مفيش حاجه بتستخبي
بس قولي ازاي كتب الكتاب ومقالش لحد
وازاي اصلا أهلها وافقوا
حسام/ وميوافقوش ليه
شاب وسيم وغني وكاتبلها مؤخر قد كده وشقة كمان
يارا / ياعيني عليكي ياسهر وع اللي هيجرالك
حسام/ انا اصلا مش طايقه من وقتها
يارا/ طب رحت معاه ليه ياحسام وانت عارف اللي فيها
حسام/ معرفش ازاي اقنعني انا هطق من وقتها ومش عارف اعمل ايه
________________________
في شقة منى
عمار/ خلاص ياعلا هاتي العشاء عشان ناكل مع ست الحبايب
مني/ لا ياابني اتعشا انت ومراتك انا مليش نفس
عمار / يبقي لسه زعلانه من علا
ياعلا تعالي عايزك
مني / استني ياابني متندهاش
انا مش زعلانه ولا حاجه. ...متكبرش الموضوع
عمار/ لا ياماما هو الموضوع كبير لوحده وهي هانتني انا ومعملتليش احترام
مني سكتت
خرجت علا من المطبخ
علا/ ايوه ياعمار في حاجه
عمار / تعالي عاوزك
مني هتقوم. ..عمار مسك ايدها
علا/ هو في ايه
عمار/ تعالي اعتذري لماما وبوسي راسها
مني/ لا لا ياابني انا مش عاوزه حد يبوس راسي
قربت علا وباست رأس مني
علا/'انا آسفة ياطنط حقك عليه
عمار/ ها ياماما قولتي ايه
مني/ مين قالك اني زعلانه
عادي بابنتي اعملي اللي انتي عاوزاه
علا/ يبقي لسه زعلانه مني ياطنط
عمار / طب حقك عليه انا ياماما
وانحني عمار وباس رجلها
مني وهي بتبعده عنها/ لا ياحبيبي متعملش كده
انا مسمحاها ومش زعلانه منها
علا وهي بتعيط/ صدقيني ياطنط انا معرفش كنت بتعامل كده مع حضرتك ازاي بس انتي اكيد كنتي حاسه بيه
مني/ خلاص ياعلا انتي زي سلمى ومحصلش حاجه
ابتسم عمار/ خلاص ياعلا جهزي العشاء عشان هنبات هنا الليلة
______________________
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
