أحببتها رغم كل شيء 🥰

الحلقة ١٦

الحلقة السادسة عشر
#احببتها_رغم_كل_شيء
#بوسي_مصطفي
........ ....
في فيلا أسر
سهر تقوم من السرير وتحاول تهدي مني
سهر/ اهدي بس يا خالتو. ..مالك يا حبيبتي في ايه ماانتي كنتي كويسه دلوقتي
مني واضعه أيدها ع قلبها/ معرفش يا سهر قلبي اتقبض مره واحده يا تري في ايه؟
سهر/ خير يا خالتو. ...إن شاء الله
منى / لا انا قلبي حاسس إن في حاجة. ..عمر إحساسي مخيب ابدا
يخبط أسر ويدخل/ في ايه يا جماعه. ..ايه يا سهر انتي تعبانه؟
سهر بحزن / انا كويسه. ..شوف بس خالتو مالها
أسر مقرب ناحية مني/:ايه يا طنط انتي تعبانه؟
اطلبلك الدكتور
منى وهي بتقوم/ لا ملوش لزوم انا هبقي كويسه. ..بعد اذنكو
أسر ممسك أيدها / مستحيل نسيبك تخرجي كده لازم نطمن عليكي ولا ايه يا سهر؟

منى / يا جماعه انا كويسه متشغلوش بالكو بيه
سهر / خلاص لو مصممه أسر يوصلك
منى / لا يا حبيبتي مش عايزة أتعبه انا هاخد تاكسى واروح استريح الظاهر الضغط علي عليه شوية
اسر / وعايزة تنزلي وانتي كده. ..مستحيل طبعا
اتصل أسر بالدكتور اللي جه ولاقى إن مني ضغطها   كان عالي
بالأسفل
عمار وأسر قاعدين تحت
اسر/ متقلقش دي حاجة بسيطة ..هتبقي كويسه. .إن شاء الله
عمار/ انا عارف ماما لما بتتعب بيحصلها ايه وقبل كده قولتلها متمشيش لوحدك علشان لو حصل لها حاجة تلاقي حد يلحقها
اسر/ وكويس انها كانت معانا وقتها هدي نفسك بقي واشرب الليمون
حسام يدخل من باب الفيلا
يقوم أسر يرحب بيه
حسام /ايه يا ابني انت حبيت قعدة البيت ولا ايه
اسر/ ظروف بقي. ..اقعد واقف ليه
حسام/ انا آسف ماخدتش بالي
اسر/ عمار أخو سهر
حسام / آه طبعاً هههههه عمار اومال هيكون مين. ..
مشوفتكش من زمان اوي
عمار يصافح حسام / وانا كمان ههههه اخبارك ايه
حسام/ الحمد لله. ..بس يرضيك كده البيه مش عايز يجي يشوف شغله وسايب كل حاجة ع دماغي
عمار / معلش بقي احنا اللي عطلناه النهاردة
اسر/ مفيش عطله ولا حاجة هي جات كده لوحدها
حسام /صحيح قولي سهر عامله ايه؟
اسر/ الحمد لله. ..احسن من الأول
عمار/:هي سهر تعبانه؟!
اسر/ لا دي كانت حاجة بسيطة ..والحمد لله. .خفت
تنزل مني ومعاها سهر. ..يجري عمار ع والدته
عمار وهو بيقبل ايدها/ الف سلامة عليكي يا ست الكل
أسر ل سهر/ ايه اللي نزلك ياحبيبتي
سهر/ انا بقيت كويسه متقلقش
حسام / الف سلامة عليكي يا سهر
سهر/ متشكرة يا حسام
عمار/ سلامتك يا سهر. ..انا لسه عارف دلوقتي من أسر
سهر/ تسلم يا ابن خالتي
منى / طب يلا بينا بقي يا ابني
اسر/ مستعجلة ع ايه بس
عمار/ معلش بقي نبقي نجيلكو في ظروف افضل من كده
اسر/ طب اوصلكو. ..ثواني هشغل العربية
عمار بهمس/ مينفعش علشان ابن عمك
حسام/لا ياجماعه عادي انا اصلا خارج
أسر / طيب ابقوا طمنونا لما توصلوا
......
في الكويت وتحديدا في المستشفي
نادر قاعد قصاد غرفة العمليات خايف ومضطرب
جسمه بيرتعش من  الحاله اللي شاف فيها صاحبه ملابسه ملطخه بالدم قدر هو ومجموعة من الشباب إخراج اياد من السيارة بعد متقلبلت علي جنبها
تيجي ممرضة / حضرتك اللي جاي مع المريض اللي في غرفة العمليات
نادر باضطراب / آه حضرتك. ..هو في حاجة
الممرضة/ عايزينك في الاستقبال
نادر/ ممكن تطمنيني لو سمحتي
الممرضه/ انا معرفش حاجة عن حالته هو لسه مخرجش من غرفة العمليات. ...إن شاء الله. . يخرج بالسلامة والدكتور يطمنك. .
نادر/ يارب
الممرضة / حضرتك محتاجينك بس في الاستقبال علشان ياخدوا منك شوية بيانات بخصوص المريض
نادر يتجه للاستقبال ليعطي بيانات اياد لموظف هناك
..........
في شقة منى.
منى باضطراب / طب اتصلي تاني يا بنتي
سلمى / يا ماما انا اتصلت اكتر من أربع مرات
عمار/ اصبري بس يا ماما يمكن مزنوق في الشغل ولا حاجة ساعة وهيكلمك
سلمى / انا قولتلك إنه اتصل بيه امبارح وطمني عليه قلقانه ليه بس ؟
منى / قلبي واكلني عليه. ..خايفة
وتبكي مني
عمار/ إن شاء الله. ..خير بس اهدي يا ماما مش كده انتي تعبانه ومش ناقصه
التليفون يرن
عمار/ ايوه يا علا. ..ايه طيب انا جاي حالا
منى / ايه يا ابني في ايه
عمار/ اياد سخن اوي حرارته واحد وأربعين لازم أنزل اخده للدكتور
سلمى / طيب ابقي طمنا عليه
ياعمار
منى / خلي بالك من نفسك يا حبيبي.
ينزل عمار جري.
منى / انا قلبي مش مطمن من امبارح حاسه بحاجة هتحصل
سلمى /هدى نفسك بس يا ماما. ..ادخل اعملك ليمون يروق دمك ويهدي اعصابك شوية
................
في فيلا أسر
ملك/ قوله يا حسام علشان دا مبيسمعش الكلام وراكب دماغه ومش عايز  يخرج يشوف شغله
حسام/ ما انا قولتله قبل كده يا طنط عمي بس بيقرص ودنه وهو عارف علي بيه كويس مبيحبش حد يوقف قصاده
اسر/ انت عارف كويس اني مغلطتش وتصرف زي اللي عملته ده لو كان اتعمل في شركة تانيه كان صاحب الشركة هيكافيء الموظف ع حسن تصرفه مش ينقله من مكتبه ويعامله بالطريقة دي
حسام/ هو باباك كده. ..غيروا انت بقي!!!!!
اسر/ لا انا هغير مكان شغلي واشتغل في مكان تاني يقدروا تعبي ومجهودي اللي ببذله في الشغل
ملك/ وتسيب شركة والدك وتشتغل عند حد تاني يتحكم فيك
اسر/ وهو أنا دلوقتي مش صاحب الشركة بيتحكم فيه
حسام / ايوه يا أسر بس دا مهما يكون والدك بردو هيقسي عليك شوية بس عمرك مهتون عليه وهيصالحلك صدقني وهيرجعك مكتبك تاني
ملك / ايوه يا حسام عقلوا ياابني
وتقوم ملك تدخل المطبخ وشوية تخرج وفي ايدها كوباية لبن
اسر/ لمين دي يا ماما ؟
ملك/ هطلعها لسهر تلاقيها يا حبة عيني ماكلتش حاجة من امبارح
ينظر حسام ل أسر بدهشة/ هي مامتك مالها النهاردة ؟!
أسر / اسكت متقروش.... ياريت تفضل كده ع طول وتبقي كويسه مع سهر
حسام/ طيب همشي انا بقي ورايا شغل متلتل وانت فكر كويس في الكلام اللي قولتهولك
اسر/ هفكر
حسام/ طيب سلام
يخرج حسام ويصعد أسر السلم
يخبط ع الباب ويدخل
ملك ممسكه كوباية اللبن / علشان خاطري الشويه دول بس يا سهر
اسر/ يا سيدي يا سيدي ع الدلع ههههه فكرتيني بنفسي وانا صغير يا ماما
ملك/ طول عمرك مغلبني حتي بعد مكبرت
سهر/ خلاص مش قادرة أرجوكي ياطنط كفاية
ملك/ طيب خلاص ولواني كان نفسى تشربيها كلها بس مش مهم كويس بردو اللي شربتيه
نظرت سهر ل اسر بحيره
ملك / تتغذى بقي اليومين دول خصوصاً بقي اني عرفت إنك بطلتي الحبوب دي. ..مش كده يا اسر؟
اسر/ تتغذي علشان صحتها دي أهم حاجة
ملك ببتسامة / اسيبكوا انا بقي علشان تاخدوا راحتكو
تخرج ملك من الغرفة
سهر تشاور ل أسر يجي بسرعة
يقرب اسر ببتسامة/'عايزة ايه؟ !!!
سهر/ هي دي مامتك ولا انا بتهيءلي؟!!!
اسر/ ههههههههههه يا حبيبتي ماما طيبه صدقيني بس هي أوقات كده بتقفش
سهر/ ههههههه أوقات بس؟ !!! وبعدين انت قولت ايه ل مامتك اسر/ عادي يعني هي سألتني سؤال بريء وانا جاوبتها
سهر/ سؤال بريء؟ !!
اسر/ سمعتي خالتك قالت ايه ؟
سهر بارتباك / ها. ..مش فاكره
اسر بمكر/ ايه بقي النصايح اللي قالتهالك
سهر / اسكت هو انا  مقولتلكش؟
اسر بغمز وهو مقرب من سهر/ قولتيلي ايه؟
سهر / خالتو يعني بتحب تهزر شوية مش كل حاجة بتقولها بتبقى بجد
اسر ببتسامة وهو يقبلها / لا بقي انا عايز اعرف نصحتك بايه
سهر/ اسر انا تعبانه أرجوك أبعد شوية
اسر/ هههههههه حد يبعد عن القمر بردو وبعدين ايه الناس اللي بتحلو الصبح دي
يقرب يقفل الستاير
توقف سهر بتعب
اسر/وريني بقي هتهربي مني ازاي
سهر/ علشان خاطري يا حبيبي رجلي بتوجعني مش قادرة أقف عليها
اسر ببتسامة وهو بيحملها/ وحد قالك توقفي عليها هههههههه 
.......
تنزل ملك تحت تنادي ع الداده/ عزيززززه
تخرج عزيزة من المطبخ/ نعم يا هانم
ملك / خدي دول
عزيزة/ ايه دول يا هانم
ملك/ دي أجرة الواد اياه واسمعي دي آخر مره تجبيلي  الاشكال دي
عزيزة/ ليه يا هانم هو مش نفذ كل اللي مطلوب منه
ملك/ لا يا فالحه وبعدين تعالي قوليلي هنا الواد دا ازاي يطلع فوق في اوضة ابني
عزيزة/ مش علشان يخوفها يا هانم
ملك/'انا قولت يخوفها وهو ف الجنينه في المطبخ هنا مثلاً اما توصل إنه يطلع اوضة نوم ابني دي مهزلة انتي افتكري ايه دا مهما كان دي ع ذمته والواد دا بقي لو كان اتهف ف دماغه وعمل فيها حاجة كنت هقطم رقبتك انتي وهو
عزيزة /'خلاص يا هانم مش هيعمل كده تاني
ملك/ مفيش مرة تانية خلاص اديلوا أجرته زي ما اتفقنا ودي آخر مرة
عزيزة/ طب هتعملي معاها ايه؟ !!
ملك/ انا هتصرف ملكيش دعوة
ملك لنفسها / هسيبهولك شوية يا سهر بس بعد كده هقلبوا عليكي
عزيزة/ محتاجة حاجة تانية يا هانم
ملك/ اعمليلي قهوة واخفي القهوة اللي كنتي بتعملي منها لسهر مبقاش ليها لازمه
عزيزة/ بس يا هانم
ملك تقاطعها/ اعملي اللي بقولك عليه من غير مناقشة
انا ليه طرق تانية أسهل من كده بكتير
...............
في المساء في شقة منى.
سلمى خارجة من المطبخ ببتسامة يقرب رامي ياخد منها الصنيه رامي ببتسامة/ تسلم ايدك
سلمى / دوق العصير الأول  حاسه انى زودت السكر.
رامي بهمس/ وعلي ايه تحطي سكر ما كفاية انت يا جميل
سلمى / مش وقت حب دلوقتي انت مش شايف ماما عامله في نفسها ايه
رامي/ متروقي بقي يا طنط. ..إن شاء الله. ..مفيش حاجة
تلاقيه بس مشحنش التليفون ولا اتسرق منه
مني/'بنتصل بيه من الصبح مبيردش دا كله محشنش التليفون يعنى معندوش شغل محتاج التليفون يكلم حد. ..يا ناس انا هتجنن عايزة اطمن ع ابني
تبكى مني
رامي يقرب منها / طيب خلاص يا طنط اهدي هنتصل تاني
ويمسك رامي التليفون يتصل مفيش رد
مني بتعيط/ يبقي اكيد ابني جراله حاجة
سلمين بتعيط / علشان خاطري يا ماما متعمليش في نفسك كده اعمل حاجة يارامي
مني/ اتصلي باخوكي خليه يجي يتصرف دا كله عند الدكتور
سلمين/ طيب حاضر يا ماما
............
في المستشفي
نادر في غرفة اياد/ حمدا لله ..علي سلامتك يا وحش
اياد بتعب/ الحمد لله....
نادر/ دا أنا كنت هتجنن من منظر العربية وقولت خلاص الواد اتفرم هههههههه
اياد/ ليه عمر. ...لسه ساعتي مجاتش
نادر/ علشان تاخد بالك بعد كده. ..انت اصلا من أول اليوم وانت مش مظبوط الصبح تخبط عربية وانت خارج من الشغل تعمل حادثة ايه كنت سرحان في ايه
هي مصر
تعمل فيك كل ده
اياد/ بقولك ايه فين تليفوني 
نادر/ نعم! !!! وأنت بقي عايز التليفون يطلع سليم من الحادثة دي قول...الحمد لله. ..انك طلعت منها بكسور بس محصلكش حاجة تانية
اياد/ طب انا كنت عايز أكلم اختي في مصر هي متعودة اني بكلمها كل يوم بالليل ع النت اطمنها عليه
نادر/ لازم يعني ع العموم هنزل اشحن تليفوني علشان تكلمها
اياد/ متشكر يا نادر
نادر/ يا عم ولا يهمك بس متتعودش ع الدلع دا بقي
يومين كده لما صحتك تبقي تمام هرجع معاك زي الأول هههههههه
اياد/ لو مش أيدي ورجلي متجبسين مكنتش قدرت تنطق براحتك بقي اليومين دول بس هطلعهم علي جتتك بلا
نادر/ ههههههه تخف بس بالسلامة واعمل اللي انت عايزة
سلام خمسه ورجعلك
اغمض اياد عينيه لينام وعادت إليه الذكريات مرة تانية
فلاش باك
بعد كام شهر من الدراسة بعد انتهاء اليوم الدراسى
اياد وسهر في المحل
اياد واقف نظراته كلها ناحية سهر وهي واقفة مع الزباين
لحد ملمحته نظر ليها ببتسامة ثم تابع عمله
يقرب زبون من سهر
الزبون/ لو سمحتي يا انسة
سهر/ نعم  في ايه خدمة ممكن أقدمها لحضرتك
يقرب اياد ناحيتهم
اياد/ نعم!.. لو محتاج حاجه ممكن تكلم أي شاب ف المحل الزبون/ بس طلبي حضرتك مش هتقدر تفيدني فيه
اياد بانفعال ل سهر / روحي انتي شوفي شغلك
الزبون/ وحضرتك مين علشان تعرف انا محتاج ايه
اياد/ انا وزميلي شاغلين في القسم الرجالي.... في أي حاجة ممكن اساعدك فيها
الزبون/ بس مش هشتري ملابس رجالي
اياد/ نعم
الزبون/ انا كنت عايز اشترى هدية لزوجتي وكنت عايز اخد رأي الآنسة في شكل الهدية اللي ممكن أقدمهالها
اياد/ بس الانسه مش متجوزه يعني مش هتقدر تساعدك
الزبون / اومال شغالة ف قسم الحريمي ليه
اياد/ شيء ميخصكش ع فكرة
الزبون بانفعال/ فين صاحب المحل. ..فين اللي مشغلك
سهر/ خلاص يا باشمهندس احنا آسفين لحضرتك
الزبون/ لأ أنا عايز صاحب المحل ده اتفاهم معاه واشوف انت شغال ايه هنا بالظبط
سهر/ خلاص يا استاذ حقك علينا قولي حضرتك محتاج ايه وانا اساعدك
يقرب جميل منهم / ايه الدوشة دي؟ !
الزبون/ حضرتك صاحب المحل؟
جميل/ المحل وصاحب المحل تحت أمرك
الزبون/ متشكر لذوقك بس اللي حضرتك مشغله دا مبيعرفش حاجة ف الشغل
جميل/ ليه بس كده انا كل اللي شغالين هنا كفاءة ف شغلهم
الزبون / الأستاذ قولته اني محتاج اشتري هدية لمراتي حاجة حريمي يعني مش عايز الآنسة تساعدني
جميل ينادي ع عايدة / عايدة شوفي الأستاذ عايز ايه
اما انتوا حسابكو معايا بعدين
في مكتب جميل
جميل يخبط ع المكتب بغضب/'انت بقي علشان بنت خالتك فكل يوم هتعملي مشكلة دا ميبقاش شغل يا استاذ
اياد / حضرتك انا معرفش انه هيشتري حاجة خاصة بالست بتاعته
جميل بانفعال/ حريمي رجالي ملكش فيه الزبون زي مايحب
اياد / يعني ايه حضرتك
جميل / يعني حتى لو محتاج حاجة رجالي واختار بنت من البنات اللي شغالين هنا تساعده بردو ملكش فيه واتفضل شوف شغلك وآخر مرة يا اياد يشتكيلي زبون منك انت مش في بيتكو يا حبيبي علشان تقول دي بنت خالتي الشغل شغل
....
سهر جايه ناحية اياد
سهر/ ها. ..عملت ايه جوه
اياد/ شوفي شغلك يا سهر ومتبقيش تتكلمي مع زبون تاني
سهر/ متبطل بقي هو كل يوم تعملي مشكلة انا بالشكل ده مش هشتغل علشان حضرتك تستريح
اياد/اللي هيقرب منك هقتله انتي سامعه
سهر بسخرية / مجنون
أثناء الطريق
اياد/ يعني مضايقة من خوفي عليكي
سهر/ تخاف عليه من ايه عيله صغيرة انا!؟
اياد/ انتي بتزعلي من خوفي عليكي
سهر/ دا مش خوف دي غيره مجنونه
اياد/ استني رايحه فين
سهر/ همشي لوحدي ولو سمحت متجيش ورايا
اياد بحزن/بقى كدة ياسهر؟
.........
يرجع اياد بيتهم يتفاجأة بوالدة
يضع ياسين فنجان القهوة / ايه زيارة مش متوقعه
اياد/ ازاي حضرتك يابابا
ياسين/ طالما بدأتها بحضرتك يبقي لسه زعلان مني قرب يا واد عايز أتكلم معاك شوية
اعمليلوا قهوة يا مني ولا اقولك جهزيلنا العشا هتعشي معاكو الليلة
نظرت مني ل اياد بدهشة
سلمين بفرحه/ بجد يا بابا. ...يااااه حضرتك معملتهاش من زمان اوي
ياسين / تعالي نتكلم جوه يا اياد
يتجه ياسين ناحية غرفة الأولاد ...عمار قاعد ع مكتبه بيذاكر
ياسين/ عمار اخرج دلوقتي عايز اتكلم مع اخوك شوية
يخرج عمار
ياسين ل اياد/ اقفل الباب وتعالى
يقرب اياد من والده ياسين يضع يده ع كتف اياد
ياسين ببتسامة /' انا مبسوط منك علشان سمعت كلامي وبعدت عن بنت خالتك
نظر ليه اياد بحزن
ياسين/ وعلشان كده انا عندي ليك خبر هيفرحك اوي
اياد / خير يا بابا
ياسين/ لاقيتلك شغل في شركة كبيرة بمرتب خيالي هيرحمك من الشغل ف المحل ده وكمان صاحب الشركة دا واحد صاحبي اوي ممكن تشتغل معاه دلوقتي وبعد متتخرج كمان
اياد/ كويس
ياسين / نيجي بقي للأهم
اياد/'اللي هو ايه يا بابا؟
ياسين /'مش انت عايز تتجوز أنا بقي لاقيتلك عروسة بنت زي القمر مال وجمال وحسب ونسب
اياد / بابا انا
يقاطعه ياسين / اسمع بس هتشوفها وانت اللي هتحكم
اياد/ اشوفها! !!!!
ياسين / ماهي البنت اللي بقولك عليها دي شغاله ف الشركة
هي مش شغاله ف الشركة وبس دي تعتبر صاحبة الشركة
اياد/ بس انا مش عايز اتجوز
ياسين/ يعني ايه. ..ياابني دا أبوها صاحب الشركة ودي بنته الوحيدة يعني كل حاجة هتبقى ليك. ..فرصة متتعوضش
اياد/ وانا مش هتجوز
ياسين/ اوعى تكون البت دي لسه بتشاغلك
اياد/ بابا لو سمحت أنا مش عيل صغير علشان حضرتك تختارلي البنت اللي هرتبط بيها
تخبط مني وتدخل/ يلا يا جماعه العشا جاهز
ياسين بغضب/ عقلي ابنك يا مني وإن كان لسه عنده أمل إنه يتجوز البت دي يبقى ينسى لاني ممكن اعمل كتير
القضية ممكن افتحها من جديد وساعتها هدخل اختك وبنت أختك السجن وأقول انهم كانوا متسترين ع صاحب القهوة وبيساعدوه في بيع البضاعة اللي كان بيخبيها ف الشقة عندهم
اياد / يااااه للدرجة دي مضايقينك وعايز تنتقم منهم
يخرج ياسين بغضب
مني/ هو في ايه ياابني مش كنا خلصنا من الموضوع دا بقى ايه اللي فتحه تاني
....
في المستشفى
نادر/ اياد اتفضل التليفون شحنته
اياد مردش
نادر/ انت ياابني. ...انت يا عم. ...اياد. ...اياااااااااد
اياد / مين
نادر/ هههههه حلوه مين دي!!!!!
اياد/ شحنت التليفون ؟
نادر/  اتفضل اتكلم براحتك وانا هخرج اشرب حاجة وارجعلك
اياد/ اخد التليفون اعمل بيه ايه
نادر/ انت مش بتقول عايز تكلم اختك في مصر
اياد/ وهمسك التليفون ازاي يا فالح انت مش شايف أيدي الاتنين متجبسين
نادر/ آه صحيح معلش نسيت
اياد/ اتصل بقي  وهات التليفون ع ودني وامسكه وانا بتكلم
نادر/ حاضر. ..قولي الرقم
..............
في فيلا أسر
اسر/ كفاية بقي يا حبيبتي مفضلش ف معدتك حاجة
سهر وهي خارجه من الحمام ماسكه بطنها / هموت يا أسر
وتقعد ع السرير / معرفش ايه اللي حصللي
اسر/ يمكن يكون جالك برد ولا حاجة
سهر/ هو اللبن دا اللي من وقت مشربته وانا معدتي بتتقطع من الوجع
اسر/ علشان بس مكانش ليكي نفس وشربتيه غصب عنك
سهر/ معاك حق بس خوفت مامتك تزعل وانا مش ناقصة مصدقت انها اخيرا رضيت عننا
اسر/ هنزل اعملك ساندوتشات وحاجة سخنه تشربيها تدفي معدتك
سهر / متحرمش منك يا حبيبي
يقبل أسر يدها/ ولا منك يا عمري
شوية ورجعلك
تهز سهر راسها ببتسامة

وتستند بدماغها ع الكرسي وتسرح بعدها في ذكرياتها
.......
فلاش باك
سهر راجعه من شغلها تفتح باب الشقة
وداد ببتسامة وهي قاعدة ع السفرة/ تعالي يا سهر اتعشي يا حبيبتي
سهر تنظر للسفرة/ احنا عندنا ضيوف ولا ايه ؟!!!!!
وداد ببتسامة/ الأستاذ سراج مش ضيف دا صاحب مكان
سراج / متشكر يا حاجة
سهير/ احنا عزمنا الأستاذ سراج وقولنا يشرفنا ف بيتنا المتواضع ده
سراج/ الشرف ليه يا هانم
غمزت وداد ل سهير
سهير/ هقوم أجيب الحلو
وداد/ مبتاكلش ليه يا متر اكلنا مش عاجبك
سراج/ يا خبر مش عاجبني ازاي تسلم ايدك انتي وسهير هانم
تدخل سهر المطبخ لوالدتها
سهير/ ايه يا حبيبتي مقعدتيش تاكلي ليه
سهر/ الراجل دا جاي ليه يا ماما
سهير تجري تقفل باب المطبخ/ اششششش وطي صوتك ومتبقيش قليلة الذوق
سهر/ جاي ليه ؟!!!!!!
سهير / جدتك عزمته علشان وقفته معانا ف القسم وف قضية الطلاق اللي رفعتها ع راضي
سهر/ انا مبرتحش للراجل ده
سهير/ انتي مبترتحيش لحد. ..لو مش عايزة تاكلي بره استني بقي لما ينزل ولا كلي ف المطبخ
سهر/ لا انا هدخل انام. ..بس هقولك حاجة يا ماما افتكري إن حضرتك اتجوزتي تلات مرات بعد بابا يعني كفاية كده
سهير/ مبقاش الا مفعوصه زيك تلمحلي بالكلام
سهر/ المفعوصه دي زهقت من كل حاجة حواليها
تفتح سهر الباب وتخرج بأنفعال وتتجه ناحية غرفتها
سراج بحرج/ استاذن انا بقي يا جماعه
وداد / تستاذن فين. ..انت لسه قعدت
تخرج سهير/ ايه عايز تكسف أيدي. .دوق وقولي رأيك
سراج/ من غير مدوق تسلم ايدك. ..بس واضح إن الانسه سهر راجعه تعبانه وعايزة تستريح
سهير/ طيب براحتك
سراج/ هبقي أجي مره تانية لانى متكلمتش ف الموضوع اللي كنت جيلك فيه
سهير ببتسامة/ تشرف وتنور
يخرج سراج
وداد بانفعال/ شوفتي بنتك قليلة الذوق قابلت الراجل ازاي
سهير/ سبيها دلوقتي يا ماما انا ليه حساب معاها بعدين علشان تعلى صوتها عليه بعد كده
تخرج سهر من الغرفة بانفعال/ الراجل دا كان جاي ليه يا تيته 
وداد/ وانتي مالك يا بت انتي
سهر/ جاي عايز يتجوز ماما مش كده
سهير / وهنفرض انتي عايزة ايه دلوقتي يا سهر
وداد/ وتفترضي ليه؟ !...انتي خايفة منها؟ !!!
ايوه جاي طالب أيد مامتك. ..
نظرت سهر لوالدتها اللي كانت بتتجب النظر ليها
سهر بتنهيدة تركتهم ودخلت اوضتها
.......... .
#احببتها_رغم_كل_شيء
#بوسي_مصطفي