أحببتها رغم كل شيء 🥰

الحلقة ١٧

الحلقة السابعة عشر
#احببتهارغم كل شيء
#بوسي
.....................
دخلت سهر غرفتها وظلت تبكي
سهير متجهه ناحية غرفة سهر تمسك وداد بايدها / رايحه فين سبيها تتفلق
سهير/ معلش يا ماما دي مهما كان بنتي وقلبي بيتقطع لما بشوفها كده
وداد/ ايه هترفضيه؟!!!
سهير/ هو كان اتكلم ولا قال حاجة
وداد/ ماهي بنتك السبب طفشتوا بس متقلقيش انا متأكدة إنه كان جاي وناوي يفاتحك ف الموضوع
سهير/ مش عارفة يا ماما انا بفكر أنسى موضوع الجواز ده وأعيش زي ما انا وخلاص كفاية اللي جرالي 
وداد/ يا خايبه بقي عايزة ترفضي راجل زي ده دي البدله اللي لابساه بس بالشيء الفلاني ولا شوفتي الهدايه اللى جايبها
بالحق افتحي نشوف باقي الحاجة
سهير/ عندك يا ماما ف اوضتي هدخل اشوف سهر
تخبط سهير الباب
سهر ببكاء/ مش عايزة اشوف حد
تدخل سهير ببتسامة/"ولا حتي ماما
سهر تتلفت الناحية التانية سهير تقرب ناحيتها
سهير/ سهر يا حبيبتي لو مش عايزة بلاش. ..بس انتي هتستفيدي ايه من قعدتي كده من غير ونس وانتي كلها سنتين تلاته  وتتجوزي وتسبيني لوحدي اعمل ايه انا وقتها
سهر/ اتجوزي. ..اتجوزي يا ماما بس لازم تعرفي إنك موتى أي مشاعر ليه من ناحيتك
سهير/'كده يا سهر في واحده تقول لمامتها كده
سهر ببكاء/ علشان مفيش أم بتعمل كده ف بنتها. ..لما اياد اتقدملي رفضتي وانا سكت احتراماً لحضرتك
سهير/ آه يعني بتحطي دي قصاد دي عايزاني كمان اسكت واسمع كلامك. .لعلمك يا سهر انا عرفت إن ياسين هيجوز ابنه لبنت راجل غني اوي علشان احنا مش قد المقام
سهر قعدت بدهشة/ مين قال لحضرتك كده؟!!!
سهير/ خالتك بنفسها هي اللي قالتلي وكمان باباه مصمم وقريب هتسمعي أخباره مع عروسته
سهر بتبكي
سهير/ ميستاهلش دموعك يا حبيبتي أسألي نفسك هل هو دلوقتي بيعيط علشانك ولا نسى كل حاجة
.........
أسر / سهر. ..سهر
سهر / ها. ..انت جيت يا حبيبي
اسر/ انتي كنتي سرحانه ف ايه
سهر / ابدا مفيش بس افتكرت حاجة ضحكتني هههههههههههههههه
اسر/ هههههههههههههههه
طب م تضحكيني معاكي
قربت سهر من أسر واتعلقت في رقبته
اسر/ههههههه ايه الحب اللي بالرقبه ده هتخنق يا حبيبتي
سهر/ شيلني
اسر/ هههههههههههههههه مش عايز ارد عليكي زي
سهر بغضب / هتقولي اتشليتني
اسر/ لا يا حبيبتي. ..ألف بعد الشر عليكي
نشيل هههههههههههه احنا ورانا حاجة
سهر/ ايوه كده اتعدل
اسر/ ههههههههه خدي بالك انا عمري ماحد عمل معايا كده بس علشان بحبك مقدرش ارفضلك طلب
سهر/ بإمارة... هنا
اسر/ ههههههه انتي لسه فاكره
سهر/ كنت بتحبها مش كده
اسر/ فاكرة اول يوم شوفتك فيه
سهر/ يا نهار دا كان يوم
اسر/ القلم لسه معلم علي وشي لحد دلوقتي
سهر/ هههههههه مش انا
أسر / ما انا عارف دا كان واد كده ابن حلال حب يجاملكوا ويعمل فيها راجل
سهر/ هو مكانش يعرف إن ملكش ذنب يا حبيبي
اسر/ كله من حسام هو السبب يغلس ع البنات ويدبسني انا
سهر/ ههههههههههه بس هو كمان أكل حتة علقة يومها
اسر/ يستاهل
سهر / من يومها وهو كل ميشوفني انا وسلمي يتداري مننا
اسر/ ما انتوا كمان ملقتوش غيره علشان تسألوه ع المدرج بتاعكوا
سهر/ انا قولتلها بلاش قالتلي يا بنتي هنا عادي البنات تكلم الولاد
اسر/ وأول مكلمته ثبتها بكلمتين وهوب حضرتك دخلتي ما بينهم تزعقي والبيه بقي اللي جه عمل فيها شهم واخدني انا كمان بذنب الأستاذ ابن عمي
سهر/ هههههههههه وحد قالك تتدخل وتدافع عنه اديك اضربت معاه
أسر / شمتانه في جوزك
سهر/ ههههههه ماهو وقتها مكنتش جوزي يا حبيبي
أسر / طيب يا سهر انا بقي هلعب معاكي لعبه اللي  يكسب  يضرب التاني ب القلم
سهر/ وطبعا حضرتك اللي هتكسب وهتضرب انا القلم عايز تاخد تارك يعني
أسر بغمز/ طب ايه رأيك العقاب يكون حاجة تانية
سهر/ موافقة بس هي ايه
يقرب أسر يقبلها / زي كده مثلا
سهر يتورد وجهها خجلا
سهر/ وطبعاً ف الحالتين انت اللي كسبان
اسر/ هههههههههههههههه
سهر/ لا   يا عم   مش لاعبه
أسر بغمز/ هههههه مش بمزاجك ع فكرة
...........
بالأسفل
ملك/ دلوقتي دلوقتي
بديعه من طرف واحده دجاله/ آه يا هانم هي قالتلي كده
ملك/ بس مينفعش دلوقتي
بديعه/ انتي مش عايزة تنولي مرادك والبنيه متخلفش
ملك/ آه
بديعه/ خلاص يبقي تجيبي المعلوم بس يكون اكتر حاجة بتلبسها لجوزها
ملك/ طب ودي أعرفها ازاي
بديعه / يا هانم يعني متعرفيش ايه اكتر لون بيحبه ابنك
ملك / هشوف بس استني شوية يكونوا ناموا
بديعه/ الشيخه عفاف قالتلي لازم تعمله ع قطارها الليله وإلا يفسد
ملك/ طب هي هتعمل ايه
بديعه/ وانا ايش عرفني يا هانم أهي حاجات كده بتقعد تقراها وترشها علي قطر الواحده من دول علشان تنول المراد
بس انا بصراحه أول مرة يورد عليه واحده زيك
ملك/ ليه يعني
بديعه/ في حما مش عايزة مرات ابنها تحمل؟ !!!
ملك/ آه انا وبالمرة لو تعرف تعمل حاجة تخليه ميطقش يقرب منها ياريت تعملها
بديعه / يااااه بتكرهيها اوي كده ولا دي غيره ؟
تقوم ملك / انا هطلع فوق ورجعالك
بديعة/ متنسيش يكون لون جوزها بيحبه لإن دا اللي اكيد بتلبسه كتير
ملك تنادي على عزيزة
عزيزة / نعم يا هانم
تقرب ملك منها وبهمس/ خلي بالك من البنت دي وانا نزله ع طول
عزيزة/ حاضر يا هانم
قربت عزيزة وقعدت مع بديعه يتكلموا مع بعض
ملك بتفتح باب الغرفة بهدوء
أسر نايم ومحتضن سهر نظرت لسهر بضيق وقربت من الدولاب وهي ماشية ع أطراف اصابعها فتحت الدولاب بحذر
ملك لنفسها / يا تري أنهي قميص بتلبسيه يالي متتسميش
سهر بتتقلب. ..وقفت ملك ف مكانها وقلبها هيوقف
مراقبه حركات سهر لحد مانامت في هدوء
ملك / ايه الحيره دي بس يا تري أنهي واحد
آه. .وأيدها جات ع لون معين عارفة إن أسر بيحبه
ملك/ هو الروز دا اللي أسر بيحبه انا عارفة بيحب الورد والدهان والملابس حتي النضارات وجلاد الأوراق بنفس اللون
قفلت الدولاب مرة تانية بهدوء بعد مااخدت القميص
أسر يتقلب ويقرب من سهر
ملك بتتنفس بخوف
احتضن أسر سهر مره تانية ووضع رأسها ع صدره
خرجت ملك وهي مرعوبه من الخوف وقفلت الباب بسرعة
ملك تقعد ع السلم بتعب تجري عزيزة ناحيتها
ملك/ اديها البتاع ده
بديعه/ أهم حاجة بعد ماجيبهولك ميتغسلش يفضل ف الدولاب كده زي ماهو علشان تلبسه باللي عليه
ملك/ طيب خدي بقي جزء كمان من
الحساب والباقي لما ترجعيلي الحاجة
بديعه/ طيب فتوكوا بعافيه
عزيزة/ هو ايه دا يا هانم
ملك/ وانتي مالك يا ست انتي حاشرك نفسك في كل حاجة ليه
عزيزة/ انا آسفة يا هانم
.........
في شقة منى.
سلمى / خلاص بقي يا ماما بتعيطي ليه دلوقتي مش اطمنتي عليه وكلمك وهزرتوا مع بعض
منى / بس بردو قلبي مش مطمن حاسه إنه تعبان وبيداري عليه
رامي/ استأذن انا بقى ياطنط
منى / اقعد ياابني اتعشي معانا. ..عمار زمانه جاي
رامي/ لا معلش بقي اعذروني عندي كام مشوار كده هخلصهم واروح ع البيت
سلمى / ايه أخبار الشقة
رامي/ العمال شغالين فيها. .محتاجة حاجة يا طنط
منى / سلامتك يا حبيبي
رامي وسلمين واقفين قدام باب الشقة
رامي / سلمي ابقي اتصلي ب ماما أسألي عليها
سلمى / ليه هي مامتك تعبانه
رامي/ لأ بس يعني متتصليش إلا لو كانت تعبانه ؟!
سلمى / حاضر هتصل بس انا عارفة هتسمعني كلمتين من إياهم  من تحت لتحت كده
رامي/ ابقي استحملى بقي
سلمى / نعم ليه يعني؟!
رامي/ معلش عدي اليومين دول ع خير لحد منتجوز
سلمى / ليه داخلين حرب؟ !!!
رامي/ بصراحه ماما زعلانه ومبتكلمنيش
سلمين/ آه فهمت
عمار طالع ع السلم وشايل ابنه يقرب من باب الشقة
عمار/ مساء الخير واقف ليه كده يارامي مبتدخلش ليه؟
رامي / لا انا هنا من بدري ومروح. ..ألف سلامة يا دودو
اياد نايم
عمار/'تسلم يا حبيبي طب ادخل نقعد مع بعض شوية
سلمى تاخد اياد الصغير وتدخل جوه
رامي/هستاذن انا بقي معلش اعذرني مشغول ف تشطيب الشقة انت عارف
عمار/ ولواني كنت محتاج أتكلم معاك ف موضوع بس خلاص وقت تاني بقي
رامي/ لو موضوع مهم انا هقعد عادي
عمار/ لا مش عايز اعطلك
علا طالعه ع السلم بتعب/ عمار أنزل خد مني ياسمين نفسي اتقطع
رامي يقرب ياخد ياسمين منها
علا/'متشكرة يا رامي
رامي/ سلام بقي بعد اذنكو
يدخلوا الشقة
مني/ ايه يا حبيبي عملت ايه
عمار/ الحمد لله. ..الحرارة نزلت.
علا / دا انا شوفت يوم النهاردة
مني/ معلش يا بنتي هي العيال كده بتوجع القلب
عمار/ المهم اياد كلمكوا وقالكوا ايه
سلمى / بيقول إنه كان نايم من وقت مرجع من الشغل والتليفون وقع منه الصبح واتكسر ومعرفش بقي يتصل
عمار/ الحمد لله. ..إنه كويس
منى / شوفتوا نسيتوني
عمار/ خير يا ماما
منى / خالتك تعبانه اوي ابقي روحلها اطمن عليها يا ابني
عمار/ تعبانه عندها ايه
منى / مش عايزة تقولي بس هي كل كام يوم تروح المستشفي وانا مش مطمنه للحكاية دي وكمان متغيره وزنها نزل خالص ووشها باين عليه التعب
عمار/ هروحلها الصبح ولواني مبحبش اروح هناك بسبب الواد اللي اتجوزته ده
منى / هنعمل ايه ماانت عارف خالتك
عمار/ هي سهر مالها يا ماما
سلمى / هي سهر تعبانه؟ !
منى / دا جرح بسيط في رجلها
علا/ من ايه يا طنط
منى / معرفش يا بنتي مقالتش
علا/ خلاص يبقي نروح الصبح لسهر وطنط نطمن عليهم
عمار/ إن شاء الله
................
في الصباح في شقة اياد
نادر/ تمام كده مستريح ؟
اياد/ آه. .تمام
نادر/ هنزل انا اشوف شغلي وهبقي استأذن ساعة هجيلك ب الغدا علشان تاخد الدوا
اياد/ لا متتعبش نفسك وانت راجع ابقي هات الغدا معاك
نادر/ هشوف ظروفي ايه هحاول اجي بدري. ..سلام
اياد/ نادر معلش افتحلي التليفزيون
نادر / حاضر
ينزل نادر. ..اياد مندمج في مشاهدة التليفزيون
وبعدها يغمض عينه لينام ولكن يتجسد أمامه مشهد له هو وسهر
فلاش باك
سهر و اياد واقفين ف المخزن بيتكلموا
اياد / طب ممكن تسمعيني
سهر/ اسمع ايه خلاص يا اياد قفل ع الموضوع دا بقي لانه بصراحه اخد حجم أكبر من حجمه وبقي  بايخ بصراحه
اياد/ بقي موضوع ارتباطنا في نظرك موضوع بايخ!؟
سهر/ وتافهه كمان. .خلاص خلصنا
اياد بانفعال/'خلصنا من ايه انت بتتكلمي كده ازاي
سهر/ وانت حضرتك بتزعقلي ليه
اياد/ انا آسف معلش أعصابي تعبانه شوية
سهر/ وانا بقي مفروض أتحمل كل الناس انا خلاص زهقت
اياد/ استني يا سهر انا عندي حل
سهر/ حل ايه. ..انت عارف إن النهاردة كتب كتاب ماما ولحد دلوقتي مش عارفة هبات فين
اياد/ ليه هي تيته هتبات فين
سهر / معرفش انا قولتلها هاتي المفتاح ابات عندك ف الشقة قالتلي مش هتباتي لوحدك
اياد / خلاص تعالي باتي عندنا
سهر/ مينفعش
اياد/ ليه يا سهر احنا طول عمرنا متربيين مع بعض و
سهر تقاطعه/ لكن دلوقتي مينفعش تيته جايه تبات عندكو وانا مش هعرف ابات عندنا ف الشقة ومش عارفة اروح فين
اياد/ نتجوز يا سهر
سهر بسخرية/ هههههههه ضحكتني وانا مليش نفس
اياد / نروح نكتب الكتاب ونرجع البيت ونحطهم قدام الأمر الواقع سهر/ مش عارفة شوفت المشهد دا في انهي فيلم !؟
اياد/ انا مبهزرش يا سهر. ..
سهر/ وانا مستحيل أوافق علي كده
وبعدين ايه موضوع العروسة اللي باباك جيبهالك هههههه ايه هي الدنيا اتقلبت
اياد / دا موضوع كده كان بابا كلمني فيه بس علشان انسي موضوع الارتباط بيكي
سهر / والظاهر إنك لازم تنسى
اياد / سهر استني
تخرج سهر من المخزن يتبعها اياد
جميل قاعد ف مكتبه
عال اوي واخدين راحتكو جوه ولا همكوا حاجة
اومال منشفاها عليه ليه؟ ...بس مسيرك توقعي في أيدي
ياكتكوته
بعد شوية
قدام العمارة اللي ساكنه فيها مني
سهر واياد واقفين
اياد/ طيب بس اطلعي الجو برد
سهر/ اطلع بس قول لتيته اني مستنياها تحت لو مش هتيجي معايا خليها تبعت المفتاح
اياد/ ليه هتباتي لوحدك ف الشقة ولا ايه!؟
سهر/ بس قولها كده اكيد هتنزل لما تقولها الكلمتين دول
اياد يطلع فوق
مني/ عايز جدتك فى ايه
اياد/ سهر واقفه تحت وعايزة تيته تنزل معاها علشان يباتوا في الشقة
مني/ جدتك نايمه أدخل صحيها
اياد/ لو دخلت وهي نايمه هتزعق ادخليلها معلش يا ماما
منى بتصحي ف وداد/ ايه يا بنتي النهار طلع ولا ايه
منى / لا يا ماما احنا لسه بالليل
وداد / اومال بتصحيني ليه
منى / سهر تحت وعايزاكي تنزلي علشان تباتي معاها في الشقة بتاعتك
وداد/ ليه هي مش هتبات في شقتهم
منى / واضح انها مكسوفه من جوز أمها
وداد/ لا وانتي الصادقة دي عايزة تعمل مشكلة وبس علشان تنكد ع أمها
منى / انا معرفش بتحامي ليه ع سهير هى غلطانه بصراحة جواز ايه وبنتها بقت عروسة ياماما
وداد/ وانتي زعلانه ليه متسبيها ف حالها
منى / انا زعلانه ع بهدلة بنتها بالشكل ده
وداد/ خليها تطلع تبات هنا معانا
منى / اياد بقول مش راضيه
وداد/ ماهو مقدمهاش حل بقي غير إنها ترجع الشقة عند أمها
منى / طب هاتي المفتاح يا ماما وانا هبات معاها هناك
وداد/ مينفعش لاني أجرت الشقة
منى / اجرتيها؟!!!
وداد/"آه احتاجت فلوس وأجرتها وبعدين انا مبقعدش فيها انا يااما عندك يااما عند اختك
منى / طب والعمل
وداد/ خليها تطلع تبات هنا وخلي ليلتها تعدي ع خير انا مبحبش الدلع ده
تنزل مني واياد تحت لسهر
منى / تعالي يا سهر معانا فوق
سهر/ معلش يا خالتو مش قادرة اطلع عايزة المفتاح تعبانه وعايزة انام
منى / أصل جدتك نايمه اطلعي باتي بس للصبح انتي معندكيش امتحان الصبح
سهر ' عندى بس يا خالتو مش هينفع اطلع
منى / ماهو مش هتباتي لوحدك يلا بقي الجو برد
تطلع سهر فوق
منى / ادخلي بقي نامي جنب سلمى
سهر / حاضر بس
منى / هجبلك بيجامه تنامي فيها
اياد / تصبحو ع خير
تدخل سهر تنام جنب سلمين بهدوء
في الصباح تصحي سلمين تتفاجأ بسهر نايمه جنبها
تخرج من الغرفة وتدخل المطبخ
سلمى لمنى / ماما هي سهر جات أمتي
مني / طب قولي صباح الخير الأول
سلمى / صباح الخير
منى / صباح النور. ..سهر جات بالليل متأخر
سلمى / هي هتقعد معانا ع طول
منى / معرفش وبطلي بقي أسأله وادخلي صحي اخواتك علشان يفطروا ويلحقوا ينزلوا بدري عندكو امتحانات
منى / حاضر بس متعمليش حسابي مش هقدر أكل اي حاجة
منى / ليه يا حبيبتي
سلمى / خايفة اوي يا ماما المواد عندنا صعبه اوي
اياد معدي وداخل الحمام باب غرفة سلمين مفتوح
سهر نايمه جوه مش متغطيه ينظر ليها اياد ولسه هيبعد عن الغرفة
وداد / بتعمل ايه يا واد عندك
اياد/ ابدا يا تيته داخل الحمام
وداد / ودا بقي الحمام؟!
سلمى جايه
اياد بانفعال/ لما تخرجي ابقي اقفلي الباب وراكي انتى ناسيه إن سهر نايمه
وداد/ لا يا واد ثبتني بالكلمتين دول
وتقفل وداد باب الغرفة
اياد/ اثبتك ايه يا تيته؟!
وداد/ عليه بردو ايه مكنتش واقف تتفرج دلوقتي
اياد بدهشة / اتفرج!!!!!
منى خارجه من المطبخ/ في ايه بس يا ماما
اياد/ انا داخل اغسل وشي عشان اتهبب انزل
منى /حد يقولي في ايه