الحلقة الثانية عشر
#احببتها_رغم_كل_شيء
#بوسي_مصطفي
..................
في غرفة أسر
وضعها أسر ع السرير لتبتسم سهر وتمسك يده
أسر بغمز/ مش وقته عندي شغل
سهر بصوت ناعس/'هتتاخر
اسر/ معرفش ظروفي ايه النهاردة
سهر/ طيب هستناك ع الغدا
أسر / قولتلك معرفش ظروفي ايه النهاردة
متستنيش وقت متجوعي لازم تاكلي فاهمه
قامت سهر بلهفه واحتضنت أسر بقوة. .
اسر بقلق/ مالك يا حبيبتي. ..انتي تعبانه؟
سهر وعيونها مليئة بالدموع / لأ انا كويسه
اسر نظر ف عيونها بتأثر/ اومال ايه الدموع اللي انا شايفها دي سهر ودموعها نزلت ع خدها/ مش عايزاك تبعد عني
احتضنها اسر/ يا قلبي. ..هبعد عنك اروح فين دي كلهم كام ساعة وارجع لحضنك تاني
سهر/ أسر. ..بتحبني
اسر/ ههههههههه لأ مبحبكيش ووسعي بقي خليني أنزل اشوف شغلي
سهر تحدق به
اسر/ هههههههههه يا مجنونه بموت فيكي. ...بموت فيكي تحبي اسمع الجيران
سهر ووضعت يدها ع فمه/ لأ خلاص كفاية اني انا اسمعها منك
يقبل أسر يدها/ صدقيني يا حبيبتي الكام ساعة اللي ببعد فيها عنك بكون نفسي ارجع ليكي جري بس هعمل ايه علي بيه لو مرحتش هيعملي مشكلة وانا مش ناقص
سهر/ خلاص مع السلامة
اسر/ ايه دا بقي زعلانه ؟!!!
سهر/ لأ مش زعلانه
أسر يحاول يحملها بين ايديه. ..تجري سهر بعيد عنه وتوقف ف البلكونة
سهر بمزح/ طب انا هنا لو شاطر بقي تعرف تمسكني
اسر/ هههههه لا بقي انتي عايزة الجيران يتفرجوا علينا. .سلام يا قلبي
سهر/ كده طيب. ..سلام
اياد/مش هتاخر عليكي
سهر/خلي بالك من نفسك
ابتسم أسر ليها وخرج.
.....................
في شقة منى ...الباب يخبط تفتح مني
منى بدهشة/ رامي!!!!
رامي/ صباح الخير يا طنط
منى / صباح الخير يا ابني. ..اتفضل
يدخل رامي بحرج/ سلمي صاحيه
منى / هدخل اشوفها. ..أصل انا لسه يدوب صاحيه من النوم وكنت داخله اجهز فطار واصحيها
تفطر معانا بقي
رامي/ لا يا طنط متشكر. ..انا بس كنت عايز اتكلم مع سلمى كلمتين وهنزل ع طول
مني / حاضر هدخلها ...
اقعد واقف ليه ؟!
تدخل مني لغرفة سلمين
منى تحاول تصحي سلمين / سلمي قومي رامي قاعد بره عايزك
سلمى بغضب/ ودا عايز مني ايه؟!!!
منى / مالكو يا بنتي؟ ..انتوا متخانقين ؟!
سلمى وقربت من الدولاب وفتحته واخدت علبة الدهب بتاعتها وخلعت الدبله وخرجت
منى / استني يا مجنونه بتعملي ايه ؟!!!!
رامي اول مشافها/ صباح الخير يا سلمى
سلمى وخبطت العلبة ف ايد رامي واتكلمت معاه بغضب
سلمى / لا صباح ولا مسا. ..اتفضل حاجاتك اهيه
وشوية الدباديب والبرفانات اللي حضرتك جبتهم انا هدخل اجيبهملك بالمره علشان ميكونش ليك حاجة هنا
رامي يمسك ايدها بغضب/ ايه الجنان ده؟ !!...دا كله ليه يعني علشان بقولك استحملي ظروفي شوية
منى / اقعدي يا بنتي. ..اتفاهموا بالراحة شوية الأمور متتاخدش كده
سلمى بدموع / اومال تتاخد ازاي يا ماما ؟!!!!
خمس سنين راكني جنبو وكل شوية أعذار مره يقولي استحملي الشغل واقف اليومين دول. ..ومره ماما تعبانه. ..ومره أصل اختي جالها عريس وهتتجوز. ..ومره تانية أصل الفلوس مقصره معايا وانا استحمل وسنه ورا سنه لما خلاص داخله ع الخمسه والعشرين وكل أصحابي اتجوزوا مفضلش غيري والتلقيح بقي من دي ومن دي لما خلاص جبت أخرى
رامي/ وانا المرادي بقولك استحملي السنه دي بس أظن مش كتير واوعدك قدام مامتك لو منفذتش اتفاقي ليكي حق تعملي اللي انتي عايزاه
سلمى / وسنه ليه؟ !!!..الشقة مش هتاخد شهرين تشطيب وانا راضيه ادخل فيها حتي لو باوضة نوم بس
مش عايزة فرش
رامي/ شهرين مينفعش انتي عارفة بابا لسه متوفى يا سلمي
مفروض كانت تيجي منك مش انا اللي اقولك
منى / اسمحولي بقي اتكلم
رامي/ اتفضلي يا طنط
منى / شوف يا ابني انا علشان بحبك وعارفه انك متمسك ب بنتى وشاريها هقولك تخلص كل اللي ناقصك ف الشقة وتتجوزوا... شهر شهرين سنه وقت متخلص الشقة
التأجيل ملوش لزوم وإن كان علينا مش عايزين لا هيصه ولا زفه ولا أي حاجة تيجي تاخد عروستك وتروحي ع شقتكو وخلاص
رامي/ الشقة قدامها أقل من شهرين تشطيب العمال قربوا يخلصوا تركيب السراميك والدهان مبياخدش وقت يعني خمستاشر يوم ويكونوا مخلصين لكن بردو مينفعش اتجوز ف الوقت ده
سلمى / شوفتي يا ماما ادينا احنا اللي بنتحايل عليه دلوقتي وحضرته مش موافق
رامي/ يا سلمي قدري اللي انا فيه ارجوكي انا اللي فيه مكفيني
سلمى / خلاص وماله ...شيل دا من ده يرتاح دا عن ده
رامي/ يعني ايه؟ !!!!
سلمى / حاجاتك قدامك اهه اتفضل خدها وباقي الحاجة هتوصلك مع عمار
وتدخل سلمى غرفتها جري
تنظر منى ل رامي بصمت
رامي/ عاجبك كده يا طنط
منى / انا قولتلك ياابني خلص شقتك وتعالي خدها واحنا مش هنقول معملهاش فرح ليه كل اللي عايزينه نجوز بناتنا ونفرح بيها لكن انت عايز تقعدها ست سنين !!!لأ كده كتير بصراحه
رامي/ انا ليه كلام مع عمار هشوف رأيه ايه
منى / طيب اقعد بقي اشرب حاجة ولا أفطر معانا خمس دقايق والفطار يكون جاهز
رامي/ لا ياطنط معلش مش هقدر انتي عارفه البيت عندنا عامل ازاي ...والناس بتيجي تعزي. .انا بس جيت علشان أراضي سلمي
منى / علشان خاطري راضيها ياابني. ..متكسرش قلبها بعد دا كله
رامي/ حاضر هحاول أحل الموضوع .. بعد اذنك
................
في شركة علي الحسيني.
أسر داخل الشركة يقابل حسام
اسر/ صباح الخير
حسام بارتباك/ صباح النور. ..
اسر/ ايه مالك. ..اخدت دش ساقع من بابا زي كل يوم
حسام/ لا مش للدرجة دي. .
اسر/ اومال مالك
حسام بتردد/ ابدا خناقه عادية بيني وبين يارا
اسر/ ع الصبح كده؟ !!!
حسام / الصبح والضهر وكل وقت هعمل ايه البنات دول مجانين
اسر/ تلاقيك ضايقتها ما انا عارفك
حسام/ اسكت دي بنت شكاكه موت والغيره عندها ملهاش حدود
أسر / قولي عملت ايه علشان تغير!؟
حسام/ الهانم بتقلب في تليفوني ولاقيت رقم غريب وفتحت اارسايل
اسر/ اوباااا وكان فيها ايه بقي
حسام/ كلام عادي يعني
اسر/ كلام عادي بردو؟!!!..وهتعمل معاك مشكلة
حسام/ صدقني كلام عادي. ..بسأل عليها وبطمن ع أخبارها
اسر/ هي مين دي؟ !!
حسام / تقي يا عم
اسر/ وتكلمها وتسأل عن أخبارها ليه؟ !!! قولي
حسام/ فوكك من حوار البنات ده وخلينا ف المهم باباك قالك ع الوضع الجديد
اسر/ لأ. ..وضع ايه؟!!!...انت عارف مجتش امبارح ومعرفش حاجة
حسام / طب قابل بقي يا معلم. ..سلام
أسر يقرب من مكتبه
أسر لمدير المكتب / صباح الخير
مدير المكتب بارتباك / صباح الخير يا أسر بيه
أسر / هو في حد جوه
مدير المكتب بتردد/ آه. ..وليد بيه جوه
يخرج وليد / كريم لسه مخلصتش الأوراق اللي طلبتها منك
وبعدها ينتبه ل أسر
وليد بارتباك وهو بيبتلع ريقه/ صباح الخير
اسر/ وليد هو
يقاطعه وليد / تعالى نتكلم جوه
كريم اطلبلنا اتنين قهوة مظبوطة
يدخل اسر المكتب بتنهيدة
وليد/ انا هقولك ع كل حاجة بس تسمعني للآخر ولازم تعرف اني مليش ذنب ف الوضع الجديد ده
اسر/ من غير متقول حاجة الموقف واضح. ..بس انا عايز أسألك سؤال
وليد / اتفضل
اسر/ فين بقي مكتبي دلوقتي ولا خلاص مبقاش ليه مكان ف الشركة
يخبط على ويدخل
ينظر اسر ل والده بحيره وحزن
على / ايه يا وليد معرفتش اسر مكتبه ؟
اسر / انا كنت لسه بسأل
علي/ تعالى وانا اوصلك ليه
اسر/ تمام بس ممكن سؤال
علي / أسأل يا اسر بيه
اسر/ يا تري مكانتي ف الشركة زي ماهي ولا اتغيرت
علي/'مكتبك موجود جنب مكتب حسام
اسر/ متشكر. ..بعد اذنكو
يخرج اسر من المكتب
وليد/ بابا انا
يقاطعه علي/ أخرس انت ولا كلمة. ..وشوف شغلك
قدامك فرصة عمرك اشوف بقي هتستغلها ازاي
........ .
اسر يتجه لمكتبه الجديد
حسام/ اتفضل تعالي اكيد عرفت كل حاجة
اسر بغضب/ ايوه ....يا تري هتقعدني ع أنهي مكتب ف دول
حسام/ اللي تختاره مش هتفرق
اسر/ لا ازاي. ..مايمكن كمان متحددلي مكتب معين
حسام/ اسر انا عارف انك مضايق دلوقتي. ..بس انا متأكد إن عمي اللي بيعمله دا قرصة ودن مش اكتر وهيرجعك مكتبك تاني متقلقش
اسر وهو بيقعد/ متفرقش. ..وريني بقي الأوراق اللي هنشتغل فيها
حسام/ محسسني إنك موظف حكومة. ..متفوك بقي ياابني ولا مصطبحتش النهاردة
اسر/ انت فايق ورايق
حسام بغمز/ عليه بردو يعني مفيش حضن ولا قبله كده ولا كده اسر/ بطل قلة أدب وشوف شغلك ...ولو ملهوف ع الجواز كده اتجوز
حسام / بتهرب من سؤالي ليه؟!!!ها ليه؟
اسر/ لإن سؤالك ملوش إجابة عندي. . غير انك عيل حشري وسافل
حسام/ هههههههههههههههه
خلاص فهمت
اسر/ طب هاتلي بقي الورق اللي ع المكتب ده اشوف فيه ايه
حسام/ بقولك ايه يا أسر
أسر / نعم
حسام / هو الواحد يتجوز وخلاص ولا يستني شوية كده يكون استقر ع واحده
اسر/ هههههههه بالرغم اني مخنوق بس ضحكتني بجد يعني ايه تستقر دي مش فاهم
حسام/ يعني الواحد ازاي يتجوز واحده مش فيها كل المواصفات اللي هو عايزها
اسر/ ع أساس إنك مفكش عيوب يعني
انتي عايز واحده متفصله ع مزاجك
حسام / يعني اتجوز واحده بيضه وقصيرة وانا نفسي ف واحده طويله اتجوز واحده رفيعه وانا نفسي ف واحده وزنها يكون معقول يعني لا رفيعه ولا تخينه اتجوز واحده جميلة بس أهلها مش كويسين
اسر/ انت حلك حاجة واحده بس تنزل السوق وتنقي اللي يعجبك حسام/ بتهزر حضرتك
اسر/ أومال اعملك ايه انت عايز واحده كامله ودي بقي مش هتلاقيها
حسام / طب يعني افرض اتجوزت وحبيت ارجع ف كلامي
اسر/ نعم؟!!!
حسام/ يعني بعد متجوز شوفت واحده احلي من مراتي ساعتها اعمل ايه بقي
اسر/ طلق مراتك واتجوز البنت الحلوة اللي عجبتك وبعد متتجوزها هتلاقي احلي منها بردو مفيش مانع بقي
طلقها واتجوز غيرها ولا اقولك اتجوز أربعة وبدل ف الرابعه كل فترة كده علشان التجديد بردو مطلوب
حسام/ انت بتقول فيها. ..ياريت
اسر/ امشي يلا من قدامي. .انت واحد عينك فارغة وبكره يارا تطلعه عليك
حسام / انا بكلمك بجد ع فكرة. ..مبهزرش
اسر/ انت اتكلمت ع البيضه والسمره والطويلة والقصيرة
ونسيت حاجة اسمها الحب
حسام/ أه يا عم الحبيب انت. ..هو لسه ف حاجة اسمها حب ف الزمن ده
اسر/ أنا بكلم مين بس ؟!!!هو اللي زيك هيفهم يعني حب
حسام/ طيب نشوف شغلنا اتكلمنا كتير
اسر / ما انا بقول كده بردو
أنت تقرأ
أحببتها رغم كل شيء 🥰
Romansaاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
