أحببتها رغم كل شيء 🥰

الحلقة ٢٨

الحلقة الثامنة والعشرون
#احببتها_رغم_كل_شيء
#بوسي_مصطفي
*--------------------------*
سهر/ هي وصلت لكده كمان... أعمال وسحر واجبه ياملك هانم!؟
ملك / انتي فاهمه غلط يا سهر
سهر/ فاهمه غلط ايه اوعى تكوني فاكره اني مش عارفة انك عايزة تخلصي مني وانك انتي اللي عملتي الأكل امبارح وكنت أنا المقصودة بتكرهينى ليه اوي كده
وجريت سهر ناحية السلم جريت ملك تلحقها وبديعه خرجت بسرعة من الفيلا
ملك ممسكه ايد سهر وهي ع السلم
ملك بغضب وهي ضاغطه ع ايد سهر/ لو نطقتي بحرف من اللي سمعتيه في المطبخ مش هيحصل طيب يا سهر وهقلب الطربيزة عليكي وانتي عارفة ممكن اعمل ايه
سهر/ كمان قادرة تتكلمي وتهدديني انتي ايه بجد مش قادرة اتخيل إن في ام تعمل كدة في ابنها
ملك/ ليه انتي فاكره هتكسري عيني يا بت انتي
تصرخ سهر/ اوعى سيبي أيدي هتكسريها
ملك/ وهقطعلك لسانك دا كمان لو نطقت بحرف واحد
سهر بانفعال/ اوعى بقي سبيني
أسر جاي بسرعة ناحيتهم
أسر بقلق/ في ايه يا ماما. ..في ايه يا سهر بتصرخي ليه؟!
سهر/ علشان الست الوالدة ملك هانم مش سايبانا في حالنا
اسر/ ايه الكلام دا يا سهر
سهر بتنظر تحت / أسأل البنت اللي كانت معاها في المطبخ كانوا متفقين ع ايه
نظرت سهر ملاقيتش بديعه
ملك/ انتي يا بت انتي مش هتبطلي الجنان بتاعك ده شكلك عايزة ترجعي المستشفي تاني
اسر/ ماما
سهر / سمعت مامتك بتقول ايه مش كفايه الأعمال والدجل اللي بتعملها علشان تبعدنا عن بعض عايزة تطلعني مجنونه كمان
أسر بدهشه/ أعمال ايه؟ !!!
ملك/ شوفت المجنونه دي بتقول ايه
سهر/ انا مش مجنونه وانتي عارفه كدة كويس
وتتركهم سهر وتطلع اوضتها يتبعها أسر ويمسك أيدها عند باب الغرفة
أسر / ايه اللي قولتيه تحت دا يا سهر ؟!
سهر/ انا مجبتش حاجة من عندي انا سمعتها هي والبنت اللي كانت معاها وعرفت اتفاقهم مع بعض وانها مفروض كانت عملالي حاجة ع هدومي علشان مخلفش منك
أسر يمسك أيدها ويدخلها جوه
اسر/ انتي بتقولي ايه؟ !!!..مش فاهم حاجة
سهر/ مامتك اخدت قميص من عندي ادته لواحدة دجاله تعمل عليه حاجات تخليني مخلفش
أسر / وانتي بتصدقي في الحاجات دي ؟!
سهر/ مبصدقش بس هي ليه تعمل كده ؟!
أسر / يمكن تكوني سمعتي غلط ولا حاجة مش معقوله ماما تعمل كده
سهر بغضب/ انت هتكدبني كمان
اسر/ طب اهدي بلاش انفعال  اعصابك ياحبيبتي
سهر/ انتوا بجد عايزين تجننوني
اسر/ طب اقعدي بس وهدي نفسك
وقرب أسر من الدولاب واخد حاجة وضعها في أيده وقبض ايده عليها بقوة
سهر/ رايح فين
اسر/ دقيقة ورجعلك
خرج أسر وترك سهر في قمة انفعالها
يخبط ع باب غرفة والدته
ملك/ ادخلي ياعزيزة
ملك واضعه حقيبة ملابسها ع السرير وبتخرج الملابس من الدولاب
أسر / بتعملي ايه يا ماما
ملك/ زي ماانت شايف
أسر يقعد ع طرف السرير وهو ناظر لوالدته / ايه رأيك في اللي قالته سهر يا ماما
ملك/ جنان. ..حد يصدق الكلام ده انا اعمل كده يا أسر واروح للدجالين معقولة؟!!!
اسر/ ماما قميص سهر كان بيعمل عندك ايه؟
ملك/ قميص؟ ...قميص ايه؟! هي حصلت انا هسرق قمصان مراتك كمان يااسر؟!
اسر ووضع قميص سهر ع السرير بجواره/ دا كان بيعمل عندك ايه يا ماما شوفته هنا من كام يوم ع السرير بتاعك لما دخلت ع حضرتك
ملك بارتباك/ يعني اللي عمل  القميص ده معملش غيره ممكن يكون عندي زيه بس مش فاكره
اسر/اللي شوفته ع سرير حضرتك من كام يوم كان بتاع مراتي انا اتاكدت بنفسي ودورت في دولابها ملقتهوش
ملك/ يا سلام ويعني انت تعرف كل لبسها
اسر/ ماما الحاجات دي اكيد بتتعرف وانا متأكد إن هو قميص سهر ايه بقي موضوع الأعمال والحاجات اللي بتترش ع الهدوم اللي قالت عليها تحت دي
وكمان القميص اللي لاقيته هنا
انا وقتها ماخدتش بالي قولت يمكن دا ده جبته عندك بالغلط بس ربطت بينه وبين كلام سهر فعلا اتاكدت إن في حاجة بتحصل في البيت ده مش طبيعيه
ملك/ اسمع يا أسر انا مش هسيبك ليها حتي لو وصلت اني اقتلها
اسر/ يعني الأكل اللي أكلت منه حضرتك اللي عملتيه مش كده؟!
تصميمك اني اصحى سهر علشان تاكل ونرفزتك لما عرفتي انها نايمه 
مفكرتيش في حاجة زي دي اني ممكن اقعد مكانها مثلاً وأكل من الطبق زي ما حصل بغض النظر ع إن حضرتك تفكري في حاجة زي كده وتأذي سهر اصلا
ملك/ خلاص بقيت قتالت قتله ومراتك الحمل الوديع
أسر / سهر معملتش لحضرتك حاجة من يوم متجوزنا وحضرتك واخده منها موقف كويس اني قادر أمسك اعصابي وانا بتكلم دلوقت
ملك/ ايه هتضربني؟ !!!!
اسر/ ماما ارجوكي ابعدي عن حياتي اللي هي علاقتي ب سهر انا ابنك اه بس متدخليش في اللي بيني وبين مراتي
ملك/ هي وصلت لكده
اسر/ انتي امي وع عيني وراسي انا اعملي فيه أي حاجة بس حياتي الخاصة بيني وبين مراتي أبوس ايدك بلاش تدخلي فيها
ملك بغضب/ أوك يا أسر هخرج من حياتك خالص وانسى عمري كله اللي ضيعته عليك وع شبابي اللي دفنته ونسيت نفسى وقعدت من غير جواز علشان اربيك
اسر/ انا مقدر دا كله بس ليه حضرتك عايزة تضيعي كل ده وتنتقمي من الإنسانه اللي حبيتها
ملك/ علشان بتحبها اكتر مني
اسر/ مفيش مقارنه بين حبي ليها وحبي ليكي انتي امي وهي مراتي وعمر الحب دا مهيكون زي ده ماما ارجوكي افهميني
ملك بغضب/ انا واحده مبتفهمش. .وخارجه يا أسر مش من الفيلا وبس من حياتك كلها
واخدت ملك شنطتها ونزلت تحت
*--------------------------------------------*
جري أسر لتحت/ استني بس يا ماما رايحه فين ؟
ملك/ همشي خليها تنفعك. ..بس مش هسيبها تتهني كتير
وشغلت ملك عربيتها وخرجت من الفيلا
نظر أسر لفوق لاقي  سهر واقفه في بلكونة الغرفة
دخل أسر الفيلا مرة تانية
سهر مازالت واقفه في البلكونة
قعد أسر ع طرف السرير ناظر إليها استدارت سهر وظلت محدقه ب أسر
اسر/ ايه يا سهر ساكته ليه
سهر بانفعال/ هقول ايه بعد اللي مامتك عملته. ..ايه اخدتنا في دوكه وعملت نفسها زعلانه واخدت بعضها وخرجت علشان محدش يكلمها ولا يسألها هي عملت كل دا ليه
اسر/ خلاص يا سهر بقي
قربت سهر من أسر وبغضب/ خلاص ايه انت مستوعب اللي مامتك عملته عارف يعني ايه كانت عايزة تخلص مني ؟!
يعني ايه تدخل اوضة نومي وتاخد هدومي وتعمل عليها حاجة قال ايه علشان مخلفش؟ !
ليه عملتلها ايه لكل ده؟!!!
بكت سهر قام أسر ومسد ع كتفها واحتضنها
اسر/ كفاية يا سهر بقي. ..أعمال ايه وكلام فارغ ايه؟ ..
انتي بتصدقي في الحاجات دي بردو
سهر/ الموضوع مش اني بصدق انا ب سأل نفسي ليه بتعمل معايا كده؟ !!!
اسر/ ماما بتحبني زيادة شوية ودي الطريقة اللي من وجهة نظرها تقدر تحافظ عليه بيها
سهر/ يعني لو اتجوزت أي واحده تانية كانت هتعمل كده ولا علشان مبتحبنيش من الأول وكانت رافضة الجوازة بتحاول تطفشني وتبعدني عن حياتك
اسر/ لو فضلتي تفكري كده هتتعبي وف الآخر مش هتلاقى إجابة أهم حاجة اننا مع بعض انسي بقي أي حاجة تانية
سهر/ ازاي بس أنسى
اسر/ احنا مش هنتغدا ولا ايه. ..انا جعان اوي
سهر ببتسامة/  بتحاول تغير الموضوع
حاضر هجزهلك الغدا
اسر/ هنزل معاكي يلا بينا
*-------------------------------*
في شقة سهير.
منى / ايه يا سهير يااختي مالك؟
صوتك في التليفون خضني
سهير/ سرقني وهرب يامني
إياد / هو مين دا يا خالتو
منى / هيكون مين غير المحروس جوزها. .
ومبلغتيش ليه؟ !!
إياد / تبلغ أيه يا ماما؟ ..دا جوزها يعني الشرطة هتقولها دي مشاكل عائلية حليها مع جوزك؟
يعني ملهاش حق
سهير/ دا اخد كل اللي حيلتي دهبي وفلوسي اللي كنت هتعالج بيهم
اياد/ حضرتك تعبانه يا خالتو
سهير/ شوية تعب بسيط كده
اياد / الف سلامة عليكي
منى / طب عايزانا نعملك ايه بس يا سهير دلوقتي
سهير/ تساعدوني اخد حقي منه
اياد/ لو عايزانا نكتفه ونجيبهولك لحد هنا هعمل كده حالا بس قوليلي عنوانه ايه
منى / لأ أبعد انت ياابني دا واد بتاع مشاكل واحنا مش قده
اياد/ مش قده ازاى يا ماما دا انا اجيبه متكتف لحد هنا ويبوس رجلك كمان يا خالتي علشان بس تسامحيه
سهير/ انا مش عايزة غير انه يرجعلي حقي وبس
منى / شوفتي يا سهير أهي دي آخرتها مش قولتلك بلاش من الجوازة دي الواد دا شكله كان داخل ع طمع من الأول لا بيشتغل ولا ليه مستقبل
سهير/ انا قولت هو صاحب اسر واكيد انسان كويس ومتربي مكونتش فاكراه كده ابدا
منى / لا يا سهير اسر جالك لحد هنا وحذرك منه وانتي اللي صممتي تتجوزيه فاكره وبعدين انتي عارفه إن الجوازه دي عمرها مهتعمر شوفي فرق السن اللي بينكم دا من سن جوز بنتك!
سهير/ خلاص بقي يا مني أهو اللي حصل
منى / ياريت تكوني اتعلمتي بقي وكفاية توقعي نفسك كل مرة في مصيبه شكل
من حمدي ل راضي ل سراج واهو ختمتيها باللي اسمه  فارس
مجدي وهارون هما فعلا اللي كانوا رجاله ع حق علشان كده مستحقوش يعيشوا في الدنيا دي
سهير/ يااااه يا مني عماله تفكريني ليه بس
منى / علشان مش انتي بس اللي دفعتي تمن جوزاتك دي
ظلمتي بنتك معاكي وحرمتيها منك علشان رجاله متستاهلش
اياد بغمز لوالدته / خلاص يا ماما. ..قوليلي يا خالتو اللي اسمه فارس ده عايش فين
سهير/ معرفلوش عنوان بس هو دايماً بيسهر ف كباريه اسمه اللؤلؤة
منى / نعم يااختي انتي عايزة ابني يدخل كباريهات علشان المحروس جوزك
اياد/ يعني ملوش مكان تاني بيروحه يا خالتو غير الكباريه ده؟
سهير/ معرفلوش عنوان ياابني غير الكباريه ده
اياد/ طب هاتيلي عنوانه وانا هتصرف
سهير/ طول عمرك جدع وشهم يااياد
منى / اه يااختي انتي توقعي نفسك في كل مصيبه والتانية واحنا نشيل
سهير/ وانا ليه مين غيركوا متحرمش منكو
منى / ع فكرة أسر جوز سهر تعب ونقلوه المستشفي
سهير/ يا خبر ليه ايه اللي حصله
اياد/ بيقولوا أكل حاجة مش كويسه وعمل هناك غسيل معدة بس. ..الحمد لله. .بقي كويس دلوقتي
منى / خرج من المستشفى الصبح سلمي كلمتني وقالتلي
سهير/ هتصل ب سهر تطمني عليه
منى / طب متروحلها يا سهير انتي بقالك كتير مروحتيش هناك
سهير/ بصراحه لما بروح هناك بحس إن سهر مش حابه وجودي ومقابلتها بتبقى بارده اوي ف بضايق وبمشي ع طول
منى / لا يا سهير اكيد احساسك غلط انتي مهما كان أمها وسهر قلبها طيب مبتشلش ابدا
سهير/ ولا تشيل.... انا بردو مسمحاها ومش زعلانه منها بالعكس انا بتمنى تقسي عليه علشان محسش بالذنب اكتر من ناحيتها وأحس انها بتاخد حقها مني
منى / معلش يا سهير ما هو انتي بردو حرمتيها من حضنك ودا مآثر ع نفسيتها حاولي تقربيها ليكي
سهير/ إن شاء الله. ..بس تصفي كده دي مبتكلمنيش خالص ف أي حاجة كل كلامها معايا ازيك يا ماما اخبارك ايه وبس نفسي تجيلي ف مرة تقولي يا ماما انا تعبانه أو زهقانه يلا نطلع شوية وتفتحلي قلبها وتفضفض وتقولي ع اللي مضايقها
منى / معودتهاش يا سهير من الأول هتيجي بعد مكبرت تقولك وتحكيلك قربي انتي بس منها وهي واحده واحده هتجيلك بنفسها وتفضفضلك لما تزهقي
متيجي نروحلها دلوقتي. ..يلا قومي البسي
سهير/ حاضر. ..هي كمان وحشاني ونفسى اشوفها
*---------------------------------------*
في شقة دولت.
ملك بغضب/ شوفتي يا ماما ابني عمل معايا ايه بقي بعد مضيعت شبابى ودفنت نفسي ومعملتش زي ستات كتير بعد متطلق ولا تترمل تتجوز حتي لو معاها عيال كتير يبقى دا جزائي دا الشكر اللي جاي بيشكرهولي بعد السنين دي كلها هو دا رد اللي عملته معاه
دولت/ محدش قالك تقعدي من غير جواز ياما قولتلك اتجوزي يا بنتي وشوفي حياتك ابنك بكره يتجوز مش هيفضل في حضنك العمر كله وياما اتقدملك كتير ورفضتيهم وبعدين أنتي اللي غلطانه حد يعمل كده
ملك/ يعني ف الآخر طلعت انا اللي غلطانه
دولت/ يا حبيبتي أعمال ايه اللي رايحه تعمليها انتي يا ملك أومال لو مكونتيش متعلمه وفاهمه إن الحاجات دي دجل ونصب بيعملها ناس معندهمش ضمير علشان تضحكوا بيها ع الناس الجهله اللي مش عارفين دينهم كويس
النافع والضار هو الله. ..يا بنتي
ملك/ اعمل ايه يا ماما البت دي من وقت مدخلت حياة ابني وهي غيرته أكلت بعقله حلاوة زي ما بيقولوا
باعني واشتري المحروسة مراته بس هندمها ندم عمرها ع انها فكرت تاخد ابني مني
ملك بانفعال/ بطلي بقي هي وصلت للقتل يا ملك مفكرتيش كان ممكن يحصلك ايه لو جرالها حاجة
ولا ابنك اللي أكل من الأكل اللي كنتي ناويه تاكليها منه قولي
الحمد لله. ..إن ابنك محصلوش حاجة وابعدي عن حياتهم بقي
ملك / اسيبه ليها؟ !..مستحيل يحصل
*--------------------------*
في فيلا آسر.
حسام/ الف سلامة عليك يا وحش كنت هتروح يا حبيبي
اسر/ هههههههه مالك يا يلا انت عيان ولا ايه؟ !
حسام/ مشوفتش اللي حصل لاخوك
اسر/ وايه اللي حصلك يااخويا ماانت قاعد قدامي اهوه تشد قطر وصحتك زي البمب
حسام/ صحتي هتروح يااخويا خلاص اخوك هيدخل القفص قريب
اسر/ بجد طيب احسن علشان تتهد شوية وتبطل تنطيط
حسام/ عمك مسكني امبارح من قفايا ومصمم انه يجوزني يهديك يرضيك يا فايز بيه ابدا راسه والف سيف لازم يجوزني الشهر ده
اسر/ هههههه حلوه يجوزك دي محسسني انك بنت
تخرج سهر من المطبخ / اتفضلوا القهوة
حسام / تسلم ايدك يا مرات ابن عمي
اسر/ ههههه ايه حكاية ابن عمي اللي معلقه معاك دي
سهر/ عايز نصيحتي يا حسام انا آسفة سمعتكو وانا في المطبخ
حسام/ قولي يا سهر
سهر/ تتجوز وتتلم بقي
اسر/ ههههههههههههههه
ايوه كده خير الكلام ماقل ودل
يسلم فمك يا حبيبتي. .جيبتي من الاخر ههههههه
حسام/ انتوا بقي متفقين عليه
سهر/ بصراحة خطوبتك انت ويارا طولت اوي ملوش لازمه التأجيل خير البر عاجله
اسر/ انتي النهاردة بتقولي كلام زي الفل
حسام / انت يا حبيبي فرحان بكلام مراتك ولا عايز تراضيها ع حسابي انا قايم ماشي يارا عماله تتصل
متنساش لو كلمتك ابقي قولها اني كنت عندك
سهر/ كلامي ضايقك ولا ايه
حسام: لا طبعاً مضايقنيش انا بس عندي رهبه من موضوع الجواز ده. ..يارا مبتبطلش أسئلة كنت فين واتاخرت ليه وهكذا كل يوم مش عارف حياتنا هتبقى بعد الجواز شكلها ايه بالطريقة دي ؟!
سهر/ اديها الأمان وهي مش هتسأل طمنها من ناحيتك اكيد احساسها صح علشان كده بتسألك كتير
حسام / هحاول حاضر متشكر لنصايحك الغاليه دي. ..سلام يا ابن عمي
يخرج حسام
سهر ل اسر / هو كان بيشكرني بجد ولا بيتريق ع كلامي
اسر/ ههههههه لا متاخديش في بالك هو حسام كده كلامه كله هزار
*----------------------------------*
في شقة ياسين.
ياسين / قولت ايه ف ايه؟ ..عايزاني أظلم ولادي واكتب العمارة اللي فيها المكتب باسم ابنك لوحده
شكرية/ ماانت عندك أراضي تانية وزعها ع ولادك الباقيين
ياسين/ ايوه بس دي عمارة عارفة تمنها قد ايه دلوقتي
شكرية/ والأرض تمنها مش قليل بردو
ياسين/ بس انا عندي ولدين وبنت غير عماد تفتكري دا العدل
شكرية/ والعدل بردو انك تدي لولادك ويبقى زيهم زي ابنى بقي اللي تعبت وسهرت معاك وساعدتك في كل القضايا اللي كنت بتترافع فيها من الأول وبدأت معاك من الصفر وجرى في المحاكم معاك كل ده وعايز تساوي ابني بولاد مني
ياسين/ انتي عايزة تورثيني بالحيا يا شكرية
شكرية/ دا مش ميراث يا ياسين دي هبه
ياسين/ وانا اعرف إني لازم اساوي بين ولادي وكفاية إن عماد اتربي في حضني وعمار واياد وسلمي اتربوا بعيد عني
وتعست ابني ب أيدي بسببك
شكرية/ انا بردو السبب الحق عليه كنت عايزة اجوز ابنك جوازه كويسه ل بنت ناس ويعيش مستريح بس هو كان متمسك بالمحروسة بنت خالته
ياسين / واهو لا اتجوز دي ولا دي ولا عايز يتجوز خالص
أدى آخرت العند استفدت انا ايه بقي دلوقتي
*----------------------------*
في شقة منى
اياد/ اطمنتوا ع جوز سهر.
منى / الحمد لله... بقي كويس
منى / بقولك ايه يا حبيبي
اياد/ نعم يا ماما
منى / ايه رأيك في منه
اياد/ منه؟...آه تقصدي منه اخت أسر؟ ..من ناحية ايه يا ماما
منى / انا شايفه انها كويسه وبنت حلال ومؤدبة وكمان ايه قمر يا حبيبي. ..ما شاء الله
اياد/ بس يا ماما
منى تقاطعه/ بس ايه أظن مفيهاش عيب يا حبيبي وبعدين نفسي افرح بيك واطمن عليك بقى.
سكت اياد
منى / ايه مردتش عليه يعني
اياد/ مش عارف بجد انا حاسس اني تايه ومش لاقي نفسي
منى / هتلاقيها يا حبيبي لما تلاقي بنت الحلال اللي تحبك وتحبها وتبقي من نصيبك اتجوز يا ابني علشان تستقر ونفسيتك تستريح انا حاسه بيك
وبعدين البت منه دي دمها زي العسل شوفت يوم فرح سلمي ضحكتنا ازاي دي بقي اللي هتفرفشك
اياد/هههههههههههههههه ماشي يا ست الكل تصبحي ع خير.
منى / رايح فين؟
اياد/ هنام...محتاجة مني حاجة؟
منى / اقعد يا حبيبي هجهز العشا ناكل مع بعض أهو تفتح نفسي
اياد/ طب اقولك بقي. ..انا اللي هدخل اجهز العشا هتاكلي أحلى بيض بالبسطرمه من أيدي
منى / طيب لما نشوف
اياد/ بس حضرتك بقي تقطعي البطاطس وتحمريها علشان مبحبهاش غير من ايدك يا ست الكل
منى / ههههههه يعني بردو هقوم ...ماشي يا حبيبي
*-----------------------------*
في شقة علي الحسيني.
علي / يعني عايزة ايه دلوقتي يا عزيزة
عزيزة/ حقي يا علي أظن صبرت عليك كتير
علي/ وحقك ده بقي يطلع قد ايه
عزيزة/ خمسه مليون
علي بانفعال/ نعم!!!. ..خمسه ايه؟!!!. ...انتي بتعرفي تنطقيها اصلا؟!.. بقولك ايه ولا خمسه جنيه حتي
وبعدين فلوس ايه اللي بتقولي حقك ليه كنتي شريكتي في الشركة وانا معرفش
عزيزة/ تمن سكوتي يا علي ولا فاكر ده ببلاش
علي/ هههههههه مش كنتي عماله تهدديني من كام يوم وانا هنتقم وهعمل وبتاع ايه فكرتي إن الفلوس أضمن من السجن اللي هتقضي فيه بقيت حياتك وقولتي اللي يجي منه احسن منه
عزيزة / ولا كنوز الدنيا تعوضني عن اللي حصلي بسببك بس أهو اعشلي يومين واتمتع باللي باقي من عمري واتفسح واشوف الدنيا اللي حرمت نفسى منها
علي/ اتكلمي في المعقول وخلينا نتفاهم
عزيزة / خمسه مليون مينقصوش ولا جنيه وإلا خبر جوازنا زمان هيبقى منشور في كل الجرايد في عنوان كده بخط كبير
{زواج رجل الأعمال علي الحسينى من خادمته}
وشوف بقي لما مراتك وولادك يعرفوا ولا أصحابك والمنافسين ليك  يعرفوا هيبقى شكلك ايه
علي / بتلعبي بالنار يا عزيزة
عزيزة/ النار حرقتني  زمان مش هخسر قد ايه اللي خسرته يا علي
علي / وايه بقي اللي يثبت اني كنت متجوزك دا الموضوع ده عدا عليه زمن
عزيزة/ المحامي اللي كتب الكتاب عنده نسخه من العقد هو صحيح  متوثقش وطلقتني بعد اللي عملته فيه في المستشفي انت والدكتور صاحبك بس انا رحت للمحامي واخدت نسخه من الورقة اللي كتبها وقتها
علي/ آخر كلام عايزة كام وبلاش الملايين اللي بتتكلمي فيها دي دا عرقي وشقايا وتعب السنين متجيش واحده زيك تاخده كده بالساهل
عزيزة/ خمسه مليون.... أظن مش كتير انت عندك اكتر من كده بكتير دول فكه يا راجل بالنسبه لك
علي بمكر/ موافق بس الورق يبقي عندي الأول
عزيزة/ الفلوس توصلني الأول وبعد كده استلم ورقك براحتك
علي/ بليه واشربي مياته
عزيزة / المحامى موجود ومستعد يشهد معايا
وبدل متروح تساومه وتديه قرشين انا أولي وكمان هتتقي شري لاني لو مااخدتش الفلوس هنفذ تهديدي وهنتقم منك يا علي بس هيكون في حاجة تحرق قلبك بجد
علي بمكر/ موافق بس اديني مهله شهر أكون دبرتلك المبلغ
عزيزة/ ولو اني عارفاك كداب والفلوس تقدر تسحبها من البنك الصبح بس خلينا ورا الكداب ونشوف اخرتها ايه
علي/ اتفقنا
*--------------------------*
ملك ف التليفون / متسألش ع حاجة ومترغيش كتير
فارس / مش اعرف بس يا طنط حضرتك عايزة ايه
ملك/ اسمع يا فارس انا عارفه انك مفلس ومحلتكش حاجة دلوقتى وعندي ليك مصلحة هتطلع بيها بقرشين حلوين
فارس/ طب نبذة صغيرة حتي ع.... نوع المصلحة دي ايه؟
ملك/ سهر
فارس/ مرات أسر. ..مالها ؟
ملك/ بنت سهير وانت الصادق
فارس / مالها يا طنط
ملك / بكره الساعة خمسه بالضبط في النادي تكون موجود وانا هفهمك ع كل حاجة
فارس / قتل لأ انا مليش في الحاجات دى
ملك/ قتل ايه. ..حد جاب سيرة القتل. ..دي حاجة تانية بس لما تيجي هبقي اقولك وفيها قرشين كويسين اوي متنساش خمسه بالدقيقة سلام
تقفل ملك التليفون
فارس/ يا تري الوليه دي عايزاني اعمل ايه بالظبط
بس مش مهم المهم المصلحة نطلع بيها بكام باكو كويسين أهو ولا الحوجه للوليه اللي اسمها سهير
*--------------------------------*
وبالفعل تاني يوم في المساء الساعة خمسه في النادي
اتقابلت ملك ب فارس
فارس بدهشه / حضرتك بتقولي ايه يا طنط
ملك / ايه المبلغ قليل
فارس/ لأ. ..بس دا كان اسر يقتلني انتي عارفة سهر بالنسبه ليه ايه؟!!!
ملك/ وانا مش عايزة غير إنه يطلقها
فارس/ شوفي طريقة تانية غير دي
ملك/ مفيش غير الطريقة دي اللي هتخليه يطلقها
*------------------------------*
يا تري ملك عايزة ايه من فارس...
وايه هي خطتها للانتقام من سهر؟ هنعرف الحلقة الجاية
#احببتها_رغم_كل_شيء
#بوسي_مصطفي