الحلقة الثانية والعشرون
#أحببته_رغم_كل_شيء2
💞................................💞
سلمى / هاتي ملوكه هلبسها انا واقفلي انتى الشنطة ياسهر.
منه بفرحه/ سبيلى الشنطة انا هقفلها
خرجت سهر لمنى.
سهر/ عاوزه مني حاجه يا خالتو؟
منى / عاوزه اسمع عنك كل خير يابنتي
خدي بالك من بيتك ياسهر.
سهر/ حاضر ياخالتو.
اياد/ هتروحي معاه بردو ياسهر؟
سهر/ ماهو مفيش حل تاني..هعمل ايه ؟
قام اياد بانفعال/ تمام ياسهر روحى معاه
بس اعرفي حاجه بقي إن لوحصلك ايه مش هقف جمبك تاني.
سهر بحزن/ ليه يا إياد؟
اياد/ عشان معندكيش كرامة.
خرجت منه وسلمى بسرعة
الكلمة وجعت سهر وزلزلتها من جوه.
اياد/ لو عندك كرامة فعلاً مترجعيش بالوضع ده
لكن اقولك ايه انتي اللي عملتي ف نفسك كده
بانفعال/ يلا يامنه.
منه بارتباك/ اوك حاضر...هجيب عمار من جوه.
منى لسهر اللي كانت دموعها ع خدها/ معلش ياسهر حقك عليه يابنتي.
اخد اياد منه من ايدها ونزلوا بسرعة.
سهر/ يلا ياملوكه.
سلمى / متزعليش من اياد ياسهر هو بس خايف عليكي .
سهر/ لا مش زعلانه انا فاهمه اياد
وعمري مزعل منه ابدا...اشوف وشكو بخير .
ونزلت سهر ...جري أسر اخد منها مليكه
وركبوا العربية وساق بسرعة.
اياد طول الطريق وهو ساكت مبيتكلمش لكن كان بيتنهد بانفعال وكانت منه ملاحظه إنه مضايق علشان سهر رجعت بيتها لكن ساكته هي كمان ومعلقتش ع رد فعله مع سهر.
منى / باتي بقا الليلة ياسلمى.
سلمى / مينفعش ياماما مالك مع رامي في البيت لا هيعرف ينام ولا يعرف ينيم مالك.
منى / هتروحي ازاي ؟
سلمى / اتصلت ب رامي وهو زمانه جاي في الطريق.
منى / معلش يا سلمى تلاقي اياد بس م اخدش باله.
سلمى / عادي ياماما محصلش حاجه.
💞..................................💞
نزلت سهر من العربية ومليكه في ايدها
كانت سهر خايفة وهي داخله الفيلا.
اسر بغرحه/ نورتي بيتك ياحبيبتي.
سهر ساكته مردتش.
أسر لمليكه/ مين هينام في حضن بابي؟
مليكه بفرحة/ اناااا.
اسر/ يلا يا سهر.
سهر/ انا هقعد هنا شوية.
اسر/ اوك ياحبيبتي براحتك...هنيم مليكه واجيلك.
قعدت سهر مكانها.
اسر/ يلا بقي ياملوكه عشان ننام.
مليكه/ حدوته بابي.
أسر ببتسامة وهو بيحملها ع كتفه/ حاضر بس ننام ع طول.. ماشي؟
مليكه/ ماشي.
اسر/ هههههه يلا بسرعة.
طلع أسر السلم جري وكان فرحان برجوع سهر ومليكه البيت
لكن هايدي بقي كانت مراقبه كل حاجة من بلكونة الاوضة الخاصة بيها واتأكدت من رجوع سهر الفيلا
نزلت هايدي وعاوزه تبدأ تعمل مشكلة مع سهر من أولها.
هايدي/ نورتي بيتك يا سهر.
سهر ساكته مردتش
هايدي/ لا دا احنا مفروض كنا فرشنالك الأرض ورد
مش كنتي تعرفينا من قبلها كنا عملنا حسابنا
سهر قامت وبدأت تتنرفز من كلام هايدي وبرودها.
سهر وهي بتزقها في كتفها/ وسعي كده عشان اطلع اوضتي.
هايدي/ اوضتك!
لا بقولك ايه استني بقي لما نشوف أسر هيقسم الاوض بينا ازاي.
سهر/ نعم!
انتي حصلك حاجه في دماغك
أوض ايه اللي هتتقسم بيني وبينك دي
دا بيتي ياماما وانتي هنا ضيفة فيه كام يوم مش اكتر.
هايدي/ ههههههه ضيفه!
ليه محدش قالك إن دا بيتي انا كمان وليه فيه زيك بالظبط؟!
سهر/ انا مصدعة ومفياش دماغ اني ارد عليكي.
ثواني وكان اسر جاي.
أسر / يلا ياسهر.
ومسكها من ايدها
هايدي/ يلا فين؟!
هتنام فين بقي ؟
اسر/ مش شغلك يلا بينا ياحبيبتي.
ابتسمت سهر لهايدي ابتسامة انتصار
وعند باب اوضة سهر ..سهر مكملة.
اسر / حبيبتي اوضتنا هنا.
سهر/ هنام مع مليكة.
أسر بحزن / براحتك ياسهر.
سهر/ تصبح ع خير.
أسر واقف مكانه.
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
