الحلقة الرابعة عشر
#احببتها_رغم_كل_شيء
#بوسي_مصطفي
.......................
يشاور الضابط ع غرفة سهر
يدخلوا العساكر يقلبوا الغرفة
واحد منهم يفتح الدولاب ويخرج شنطة هاند باك
الضابط / لمين الشنطة دي
سهير تنظر ل سهر بخوف
سهر / انا معرفش حاجة عن الشنطة دي
الضابط / هتعرفي ف القسم
هاتوها هي وامها
سهير / يا باشا الشنطة دي مش بتاعت بنتي صدقني
الضابط بانفعال/ هاتوهم
سهر ببكاء / طب نلبس هدومنا
الضابط / لا هتنزلوا كده زي ما انتوا
..................
في شقة منى.
تدخل مني جري غرفة الأولاد
منى بانفعال / عمار. ..إياد...حد فيكو ينزل معايا.
يقوم عمار وإياد وهما بيحاولوا يفتحوا عينهم
عمار وهو بينظر للمنبه / ف ايه يا ماما نازله رايحه فين دلوقتي الساعة أربعة الفجر
اياد/ محدش يصحيني
وينام تاني
منى / خالتك اتصلت من القسم بتقول هي وسهر هناك
ينفض اياد الغطاء ويقفز من السرير
اياد/ ليه يا ماما بيعملوا ايه ف القسم
منى / معرفش خالتك كل اللي قالته إنها ف القسم هي وسهر وعماله تعيط
يقرب اياد من الدولاب ياخد قميص وبنطلون ويلبسهم بسرعة
عمار/ طيب نكلم بابا يجيلنا ع هناك
اياد/ نعرف بس ف ايه الأول وسهر راحت لخالتي أمتي
عمار/ طيب اجي معاكو ولا اقعد هنا مع سلمي
منى / لأ خليك هنا مع اختك يلا يا اياد
ينزلوا بسرعة ويركبوا تاكسى
............ ...
في القسم.
سهر قاعدة بتعيط وسهير قاعدة جنبها.
نظرت سهير ل سهر بحزن/ حقك عليه يا سهر انا السبب
سهر/ شوفتي اخرتها المعلم بتاعك عمل فينا ايه بس انا عايزة أعرف ليه حط الشنطة عندي وفيها ايه الشنطه دي؟
منى واياد مقربين ناحيتهم ..
تقوم سهير بلهفه وتقرب مني منها وتحتضنها وهي بتعيط
ينظر اياد ل سهر بحزن وكانت بتحاول تغطى نفسها بايدها
إياد قرب منها بحزن/ ايه اللي حصل يا سهر
سهير/ منعرفش حاجة لحد دلوقتي ياابني هما دخلوا قلبوا الشقة واخدوا شنطة معاهم وركبونا عربية الشرطة من غير منفهم حاجة
إياد / والشنطة دي فيها ايه
العسكري ل سهر/ تعالى البيه الظابط عايزك جوه
نظرت سهر ل خالتها واياد بدموع
إياد / متخافيش يا سهر احنا معاكي مش هسيبك.
العسكري ممسك ايدها بعنف/ متمشي معايا واقفة ليه
تدخل سهر للضابط
اياد/ ماما انا هخرج خمس دقايق وراجع تاني
منى / طيب كلم باباك تاني
اياد/ انا اتصلت بيه مردش تقريباً نايم اتصلت ب عمار وقالي إنه بيتصل بيه كتير مبيردش
سهير/ آه يا مني اتصلي ب ياسين يجي يخرجنا من هنا
منى /'بس يرد الأول.
.......
إياد قدام القسم ممسك التليفون
إياد / ايوه يا عمار صحصح معايا كده واعمل اللي هقولك عليه
عمار/ ايه الأخبار عندك
اياد بحزن/ مش وقته هبقي اقولك بعدين المهم دلوقتي تدخل اوضة ماما وسلمي وتجيب لبس مناسب لخالتك وسهر
عمار/ هما
إياد / ايوه نزلوهم بهدومهم
عمار/ طيب انت هتيجي تاخد الحاجة ولا اجيلك أنا
إياد / أدخل هات الهدوم واستني تحت وانا جاي طيارة
عمار/ طيب سلام
.........
أنت تقرأ
أحببتها رغم كل شيء 🥰
Roman d'amourاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
