الحلقة الرابعة
#احببته_رغم_كل_شيء
#الجزء_الثاني
#بوسي_مصطفي
💕------------------------------------------------------------------
سلمى بضيق / تقصد ايه؟ !!
سهر/ هههههههههه
تخبطها سلمى في كتفها / بتضحكي ع ايه انتي كمان
اياد / حاسبي عليها هي مش قدك
سلمى / اقفل ياض يااياد وانت كلامك سم ورخم كده
اياد/ ههههههه علشان كده مبتفتحيش الكاميرا وانا بكلمك
سلمى / بس ياض دا انا عودي سمبتيك
سهر/ هههههه هو من ناحية سمبتيك ف هو سمبتيك ع الآخر
سلمى تمسك سهر من بوقها / هقطعلك لسانك اللي بينقط عسل ده
اياد/ حاسبي عليها سهر مش حملك يا مجنونه
سهر/ يا خالتو الحقيني
وكانت سلمى ماسكه سهر من دراعها وبتهزر معاها بس هزار تقيل شوية وكان اياد بيزعق في سلمى علشان تبعد عنها. .. طبعاً منه واقفه وسامعه الحوار كله وكانت مضايقة من رد فعل اياد وحست ب الغيره
دخلت فجأة / حبيبي مش يلا علشان نتغدا
كانت سهر قامت ودخلت المطبخ ل خالتها
سلمى / طيب يااخويه سلام بقي. ..علشان نتغدا احنا كمان.
💕------------------------------------------------------------------
ع السفرة
منى / طبق مليكه أهو شوفيها بتحب ايه يا سهر وهاتي أكلها
سهر/ لا يا خالتو هي هتاكل معايا
منى / هاتيها يا بنتي علشان تعرفي تاكلي أنا فطرت متأخر ومليش نفس
سلمى / سبيها براحتها يا ماما سهر مش هتستريح غير لو
أكلتها بنفسها
منى / كنتي صحيتي ابنك أاكله تلاقيه مأكلش حاجه من الصبح يا حبيبي
سلمى / ممكن يا حبيبتي تريحي نفسك وتاخدي بالك من صحتك وبطلي تشغلي نفسك ب كل اللي حواليكي
منى / مشغلش نفسي ازاي بس... دا انتوا دنيتي كلها ولو ماخدتش بالي منكو هاخد بالي من مين
طبطبت سهر ع ايد مني ببتسامة حزينه
سلمى /'خلاص بقي هتخلوني اعيط ومعرفش أكل
ابتسمت سهر نص ابتسامة
منى / مالك يا سهر شكلك مش مبسوط
سهر/ انا كويسه. .مفيش حاجه
سلمى / مش علينا يا سهوره اوعي يكون ابن ملك مزعلك اروح ابهدله
منى / اسكتي يا بت عيب
سهر/ اسر راح المستشفي يجيب مامته من هناك
سلمى / اوباااا استقبلي بقي ورحبي ب المشاكل والنكد اللي هتعيشي فيه
منى / يا بت الملافظ سعد. ..نكد ايه بس ...اتفاءلي خير يا بنتي جوزك ابن حلال وعمره ما يزعلك
سلمى / ماهو كان ابن حلال بردو لما شك فيها ولا كان واحد تاني
منى / يا بت اسكتي متولعهاش
سلمى / سبيني يا ماما علشان انا مفروسة من اللي قاعدة دي وحاسه انها بتحب النكد وبتجيبوا لنفسها متجيش تشتكي وتعيطي علشان كل واحد اللي فيه مكفيه
دمعت عين سهر / انا يا سلمي
تنهدت مني بضيق
سلمى / ايوه انتي يا سهر مش عايزة تزعلي البيه جوزك خايفه يبعد عنك. ..سبيه يااختي يغور هو وأمه بلاش قرف
منى / متتلمي بقي واقفلي بوقك ده
سلمى / سبيني يا ماما أخرج كل اللي جوايا من اللي فرساني دي
وقامت سلمى دخلت تغسل ايدها
منى / متزعليش منها يا سهر انتي عارفه سلمي مندفعه ومبتعملش حساب للكلام اللي بيطلع منها... لسانها سابق عقلها
أنت تقرأ
أحببتها رغم كل شيء 🥰
Romansاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
