أحببتها رغم كل شيء 🥰

الحلقة ٣٠

الحلقة الثلاثون
#احببتها_رغم_كل_شيء
#بوسي_مصطفي
*----------------------------*
بالأسفل
رامي/ استني بس يا سهر انا هوصلك
سهر/ لا انا هروح لوحدي مفيش داعي تتعب نفسك
رامي/ تعب ايه بس؟
مسك التليفون اتصل ب سلمين
رامي/ ايوه يا حبيبتي. .آه تحت
بقولك انزلي علشان نروح هنوصل سهر في سكتنا
طيب سلام
رامي ل سهر/ استني بقي خمس دقايق لما بنت خالتك تنزل علشان نروح كلنا
سهر/ بجد مكانش ليه لزوم هو انا يعني مش عارفه الطريق
رامي/ ههههههه لا بس نكون ونس ليكي في الطريق
سهر/ متشكره اوي يا رامي
*-------------------------------*
بعد شوية في شقة منى.
اياد/ ليه يا ماما هي سهر مبتخلفش؟
منى / لا يا ابني بس يعني علشان اتاخرت في الحمل حمات اختك خايفه ع ابنها من الحسد
اياد/ الناس دي بتفكر ازاي؟ !
منى / هي متعرفش سهر وسلمي بيحبوا بعض قد ايه.
بدعيلها تحمل قريب وتفرح سهر غلبانه اوي وشافت كتير في حياتها.
إياد / وجعتني اوي وحاسس ب الذنب ناحيته
منى / تاني يا ابني مش كنا خلصنا بقى.
*----------------------------------------*

اياد/ لا يا ماما مش اللي في بالك سهر بالنسبه ليه دلوقتي اختي وبس ولو فكرت في حاجة تانية يبقي اكيد مجنون
منى / يا حبيبي انا عايزاك تعيش حياتك بقي كفاية كده
اياد/ خلاص يا ماما اللي تشوفيه
منى / يعني مقتنع ب منه
اياد/ قولت لحضرتك اللي تشوفيه
منى / عايزه اسمعها منك
اياد/ منه كويسه وبنت ناس واهو ع الأقل احنا قرايب بس والدها يوافق
منى / وميوافقش ليه هو انت شويه ولا ايه وبعدين مرتبك كويس هتوفر لبنته كل اللي هي محتاجاه
اياد/ خلاص يبقي نروح نزورهم بكره بس نبلغهم الأول
منى / ع طول كده
اياد/ وهستني ايه مش حضرتك عايزاني اتجوز قبل مسافر
منى / ايوه بس شكلك مش مبسوط
إياد/ وايه اللي هيزعلني بس ياماما

*--------------------------------*

دخلت سهر الفيلا
اقتربت من الغرفة تقابلها ملك
ملك/'كنتي فين يا سهر
سهر بدهشة/ طنط
ملك/'ايه مالك شوفتي عفريت؟!
سهر/ لا ابدا بس حضرتك فجأتيني
ملك/ نعم! !!هو انا مفروض أستأذن قبل ما ادخل بيتي
سهر / بعد اذنك مصدعه وعايزة انام
ملك/ طول عمرك قليلة الذوق
سهر بتنهيدة تحاول تحتفظ بهدوءها/ تصبحي ع خير ياطنط
دخلت سهر الغرفة جلست ع السرير نظرت لنفسها في المرآة وتساقطت دموعها
سهر لنفسها / ايه اللي انا قولته ده. ..معقوله انهار قدامهم كده ياترى اياد فهم دموعي
ايه لا ياسهر اللي بتفكري فيه ده معقوله تغيري من نظرات منه ل اياد لا اكيد اللي جوايا إحساس تانى اياد طول عمره أخ ليه واحساسي دا طبيعي مفهوش حاجة بس نظرات منه ليه هي اللي كانت كلها شك
خليكي في اللي انتي فيه وشوفي نفسك بقي
نظرت لبطنها وقالت لنفسها معقوله بعد ماكنت رافضة الحمل وخايفة أتحمل مسؤلية طفل... ومكونش قدها هموت دلوقتي واشيل في بطني طفل يكون ونس ليه في وحدتي طفل ألعب واضحك معاه اعوض فيه كل الحنان اللي حرمتني امي منه  اعوض فيه طفولتي اللي اتحرمت منها
قامت سهر وغيرت هدومها ونامت ودموعها ع خدها
*----------------------------------*