الحلقة الثانية والعشرون
#احببتها_رغم_كل_شيء
#بوسي_مصطفي
...................
في شقة منى.
سهير / سهر اتأخرت مش كده يامني؟
منى / استني يمكن تكون هي اللي بتخبط دي
تقوم سلمى عشان تفتح
رامي/ خليكي قاعدة انا اللي هفتح
يفتح رامي الباب يتفاجأ ب اياد
اياد ببتسامة/ ايه يا عم مالك بلمت ليه كده
رامي بصوت عالي/ يا سلمي تعالي شوفي مين جه
تجري سلمى ناحية الباب
سهير/ هو في ايه
تقوم منى بسرعة.
سلمى وهي بتبكي/ إياد... اخويا وحشتني
وتحتضنه
تجري منى وتخطف اياد من حضن سلمين لتحضنه / حبيبي يا ابني وحشني كنت هموت واشوفك يااياد... قولي ازاي جيت من غير منعرف كده ولا حتى تتصل تقولنا ياابني
سلمى / وانا ألحقت سلمت عليه سبيهولي شوية
منى / وانتي كنتي أمه ولا انا
اياد/ حبيبتي يا ماما وحشاني
رامي / جرا ايه يا جماعة دخلوه الأول
البواب/ الشنط يا استاذ
اياد/ ماما استني بس ثواني
يخرج اياد فلوس من جيبه ويعطيها للبواب
البواب/ حمدا لله. ..علي سلامة الأستاذ يا ست منى.
وينزل البواب بسرعة
اياد بمزح وهو بيمسح دموعه/ طب دخلوني الأول يا جماعة ونحضن بعض جوه براحتنا
منى وهي محتضناه / ادخل يا حبيبي
يدخل رامي الشنط مع سلمين ويدخلوا كلهم جوه
منى / اقعد يا حبيبي. ..ايه يا اياد مالك خاسس كده وشكلك تعبان ليه ياابني
رامي/ يا طنط خليه بس يستريح هو حضرتك لحقتي تشوفيه خاسس ولا مليان ههههههه تعبان من السفر يا جماعه قعدوه
نظر اياد ل سهير/ ازيك يا خالتو اخبارك ايه
سهير تحتضنه/ الحمد لله. ..يا حبيبي. ..حمدا لله. ..ع سلامتك
بس ايه المفاجأة الحلوه دي...بقي كده يا مني متقولليش دا انا لسه سأله عليه
منى / انا معرفش إنه جاي. ..انت يا واد ازاي متقولناش انك جاي
رامي/ ههههههه مامتك اتحولت
نظر اياد ل سلمى.
منى ل سلمى بغضب/ انتي كنتي عارفة إن اخوكي جاي؟!!!
سلمى / هو اللي قالي مقولش لحد علشان يعملهلنا مفاجأة
رامي/ خلاص يا طنط المهم إنه رجع بالسلامة
منى / حمدا لله. ..ع سلامتك يا نور عيني. ..قومي يا سلمى خلصي الغدا اخوكي راجع تعبان وهفتان
سلمى / نعم!!!ادخل المطبخ واسيب اخويا ليه يعني
اطلبي دليفري يا ماما
رامي بغمز/'ههههههه تعالي هدخل معاكي أساعدك وسيبي طنط مع اياد تشبع منه شوية
تقوم سلمين /'هحمر الفراخ بس وحضرتك تشوفي باقي الأكل ماشي
منى / طيب روحي بس اوعى تحرقي أيدك
رامي/ بعد اذنك يا طنط هدخل معاها لتبوظ الأكل انا عارفها
سلمى / يا سلام.
اياد / هههههههه
ازيك يا ست الكل. ..اومال فين عمار هو مبيجيش ولا ايه؟
منى / لا يا حبيبي بيجي بس لسه مستلم الشغل النهاردة وعندهم امتحانات دور تاني ف المدرسة شوية وهكلمه يجيب مراته والولاد ويجوا يتغدوا وتشوفوا بعض
اياد بتنهيدة / وحشني البيت اوي ياترى اوضتي زي ماهي ولا اتغيرت
منى / يااااه يا اياد دول خمس سنين يا حبيبى مش عايز الدنيا تتغير دا انت كنت سايب اخوك لسه متجوزش ودلوقتي
ما شاء الله. ..عنده اياد وياسمين
سهير/ الأيام بتجري بسرعة يا مني
اياد/ مالك يا خالتو شكلك متغير أنتي تعبانه ولا ايه؟
سهير/ لا يا حبيبي انا كويسه
اياد يبتلع ريقه/'هي سهر عامله ايه يا خالتو
سهير/ كويسه يا حبيبي
منى / عامله محشي وفراخ ينفعوا ولا اعملك حاجه تانية يانور عيني
سهير /يااختي ياكل اللي موجود وابقى اعمليله الاكل اللي بيحبه بعدين
إياد /لا دا كده تمام اوي بس اللي اهم من الاكل بقى اني شوفتكم... وحشاني اوي ياماما
منى / ياحبيبي وانت اكتر... انا حاسه اني بحلم.. اقرصني ياسهير عشان اصحى
سهير/هههههههه ألحق مامتك مش مصدقه
إياد بدموع يحتضن مامته.
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
