أحببتها رغم كل شيء 🥰

الحلقة ٣٥

الحلقة الخامسة والثلاثون
#احببتها_رغم_كل_شيء
#بوسي_مصطفي

*-------------------------------*

سهر/ سبيه ياخالتو يخرج بس قبل ميخرج يطلقني
سهير/ اهدي يا سهر الكلام ميكنش كده  يابنتي
اسر / ليكي عين تتكلمي بعد اللي شوفته بعنيه
سهر/ ولما انت راجل اوي كده وشايفني واحده خاينه متطلقني يااخي مستني ايه
اسر بانفعال وهو مقرب منها/ أنا هعرفك اني راجل ولا
سلمى توقف بينهم وهي بتصرخ / كفاية بقي اللي عملته فيها انت عايز ايه؟
اسر/ واللي هي عملته فيه دا يبقي ايه....
سهير/ مااحنا جيبنك هنا علشان نفهمك
اسر/افهم ايه ياطنط....
ونظر لسهر بعتاب/عملتلك اي ياسهر عشان تعملي فيه كل ده
سهر بحزن/معملتش وانت عارف كدة كويس... كفايه اللي حصل انا مش قادرة أقف ع رجلي
منى /تعالى يابنتي استريحي
وقعدت سهر وهي بتبكي
جرس الباب يرن
تجرى مني تفتح الباب
ينظر اسر بدهشة/ وكمان جاي هنا برجليك
ويتجه ناحية اياد
عمار / استني بس يا اسر هنفهمك كل حاجة
اتكلم يا فارس وقول الحقيقة
فارس / بس انا لو أتكلمت هتصدقوني؟
منى / أتكلم بقي بس أهم حاجة تقولنا ليه عملت كده؟
*--------------------------*

اسر/ والأستاذ فارس دا كمان ايه علاقته بالموضوع ولا هي حياتنا واسرارنا بقت فرجه للكل
ونظر لسهر بغضب/مش الستر مطلوب برضو في المواقف اللي زي دي يامدام
سلمى / لو فعلا كنت عايز تسترها وتاخدها بهدوء من غير فضايح وتفرج عليها الجيران كنت عملت
منى بانفعال/'خليكي محضر خير واسكتي بقي
قول يا فارس ليه عملت كده
اسر/ طب انا بقي مش فاهم حاجة وعايز أفهم ايه علاقته ب الموضوع
فارس / انا هقول ع كل حاجة بس فكوني.... أيدي وجعتني
عمار يفك أيده
فارس/ عايز أشرب عطشان
سلمى / انت هتتكلم ولا عايز تضيع وقتنا وخلاص
سهر/ انا هدخل اوضتي اتكلم ولا متكلمش متفرقش معايا
اياد/ لا يا سهر لازم تقعدي وتسمعي الكلام اللي هيقوله  دا دليل براءتنا
نظر أسر ب اياد بغضب
إياد بحزن وهو حابس دموعه / صدقني يا أسر سهر اختي زيها زي سلمى ب الظبط طول عمرها متربيه معانا وأخواتي وأمي قدامك أهم يشهدوا اني عمري متعاملت معاها غير ب كل أدب واحترام حتي لو كان في حاجة زمان ف انا خلاص مش عايز غير سعادتها مع الإنسان اللي حبته واخترته يكون شريك حياتها وعمري  ماافكر أاذيها ابدا
منى بحزن/ يا حبيبي كلنا عارفين كده كويس مش محتاج تشهد حد
سهر وهي بتمسح دموعها/'انا اللي آسفة ليك يا اياد... اسفه
ع كل اللي حصل ليك بسببي  وعارفة إن في سوء تفاهم حصل ومش زعلانه للي حصل لان كل ده بينلي حاجات مكونتش فاهماها
اسر بانفعال/ آه وانا بقي بقيت الراجل الوحش الظالم اللي افترا عليكو مش كده؟ !
عمار/ لا يا أسر انت ضحيه للعبه قذره عملها البيه بمساعدة مامتك
أسر نظر ل سهر بدهشة/ ماما! !!! ايه دخل ماما ف الموضوع هو أي كلام وخلاص
فارس / لا يا أسر هو مش أي كلام وخلاص وانا بقي مش هلبسها لوحدي
اسر ممسك فارس من رقبته/:عارف لو كنت بتكذب انا بقي اللي هقتلك ب ايدي
عمار يبعد ايد أسر عن فارس/ سيبه يتكلم ويقول ع الخطه القذرة اللي عملها علشان تشك في سهر وتطلقها
فارس/ انا هقول كل حاجة بس توعدوني انكو تسيبوني أخرج من هنا ومحدش يتعرضلي
أسر بانفعال/ أتكلم بدل مااشرب من دمك دلوقتي
فارس / خلاص هتكلم
هو ف الأول كده.... انا بصراحة كنت مفلس والدنيا خربانه معايا ع الآخر وفجأة اتصلت بيه طنط ملك
اسر/ ماما؟!!!!
فارس/ ايوه مامتك اتصلت وطلبت مني اننا نتقابل في النادي وقالت محتاجاني في حاجة مهمه مكدبتش خبر واتقابلنا تاني يوم في النادي زي محددت بالظبط
................... ونظر للجميع.........
وعرفت منها انها عايزة أسر يطلق سهر ب أي طريقة مش مهم ايه اللي يحصل المهم النتيجة انهم ينفصلوا عن بعض
سهر/ دي حاجة انا عارفاها من زمان مقولتش حاجة جديدة يعني
اياد/ استني يا سهر خليه يكمل كلامه
قعد أسر يستمع ل فارس
فارس/ كانت عايزة مني أكون أنا الفريسة اللي هتصطاد بيها سهر وأسر
سهر/:يعني ايه مش فاهمه
فارس/ يعني تخليني
اتقابل ب سهر ف أي مكان ويطب علينا أسر زي ماحصل مع اياد
اسر/ مستحيل أصدق اللي بتقوله ده ماما متعملش كده لا لا انت كداب... بقي امي هتحطني في موقف زي ده... انت بتقول اي كلام صح؟
فارس/ لا حصل وانا معايا الدليل اللي يخليك تصدق
المهم انا غيرت الخطه بدل مااكون انا الفريسه استخدم اياد واكون انا بره الموضوع
وفي الوقت اللي رحت فيه المستشفي امبارح الصبح ولاقيت سهر خارجة ورايحه الشقة هنا جاتلي الفكرة انفذ الخطه واتصلت ب اياد وقولتله يجي هنا الشقة يجيب هدوم لسهير ويتقابل ب سهر هنا في الوقت ده تكتشف  خيانة مراتك وتيجي تتقابل بيهم هنا وفعلا دا اللي حصل
نظر أسر ل سهر/ وانا ايه اللي يأكدلي إنك بتقول الحقيقة مش أي كلام علشان تنقذ اياد ع أساس انه ابن أخت مراتك ويهمك مصلحته
فارس/ من باب أولى أنقذ سهر اللي هي بنت سهير وبعدين