الحلقة الثامنة عشر
#أحببته_رغم_كل_شيء
_____________________
سهر دموعها نازله ع خدها وماسكه في ايد مليكه بقوة
أسر بيقرب منها
أسر /'سهر انا هفهمك كل حاجه بس تهدي
صرخت سهر
مليكه بتعيط بخوف
أسر / طب هاتي مليكه
سهر بتصرخ/ بتعمل ايه البت دي هنا
هايدي نظرت ل أسر
سهر بتصرخ/ انا بقول الزباله دي بتعمل ايه هنا
هايدي باندفاع/'الزبالة دي مراته يامدام
وكلمه تانية بقي وهمسح بكرامتك الأرض
أسر بانفعال يضربها بالقلم
هايدي بتصرخ
سهر واقفه مكانها مش شايفه ولا سامعه أي حاجه غير
(إن هايدي تبقى مراته)
مليكه بتعيط
حسام دخل المكتب جري
حسام/:في ايه يااسر
سهر!
جرى أسر ناحية سهر وهي بتوقع ع الأرض
أسر بانفعال/ شوية مياه ياحسام
حسام جري بسرعة اخد ازازة مياه من علي مكتبة
أسر بيحاول يفوق سهر
حسام لهايدي/ ممكن بقي تتفضلي كفاية اللي حصلنا من تحت راسك
هايدي خرجت من المكتب
سهر فاقت وهي بتقول
مراته. ..هي مين مراته
حسام/ انا بقول تاخد سهر وتتفاهموا في البيت
سهر قامت بسرعة وبعدت عن أسر اللي كان محتضنها
اسر/ سهر الموضوع مش زي ماانتي فاهمه
انا هقولك ع كل حاجه بس تعالي معايا
سهر وهي بتعيط/ اتجوزت.....اتجوزت أمتي وليه
حسام/ سهر ارجوكي وطي صوتك ممكن تتفاهموا في البيت
سهر َوهي منهاره وبتعيط/ انت كنت عارف
تلاقيك انت اللي جوزته... ماهو معرفتك هيجي من وراها ايه غير كده
حسام/ انا مقدر اللي انتي فيه بس اهدي
سهر اخدت مليكه وخرجت بسرعة
يقابلها علي (حماها)
تخبط فيه وهي بتجري
علي قدام المكتب /هو في ايه
_________________________
منى / ازاي سبتيها لوحدها مش تعرفي في ايه الأول
سلمى / جوزها نزل يجري وراها واخدها بالعافية وركبت معاه العربية معرفتش أفهم منها اي حاجه
منى / طب اعمل ايه انا دلوقتي هفضل قاعده كده مش فاهمه حاجه
سلمى / نبعت حد من أخواتي يروح يطمن عليها
منى / طب اتصلي تاني
سلمى / لسه قافله تليفونها
منى /'كلمي جوزها
سلمى / جربت مردش
منى / طب جربي تاني
سلمى / أهو بيرن. ..
منى بتاخد الفون من ايدها
سلمى / لحظة ياماما
ثواني
سلمى / أسر في ايه سهر مالها
منى خطفت الفون من ايدها
منى / سهر مالها يااسر
أسر بارتباك/ هي كويسه هتكلمك
ثواني ياطنط
أسر بيخبط ع الباب
اسر/ سهر افتحي
سهر مردتش
اسر/ خالتك عاوزه تكلمك
سهر فتحت الباب وهي منهارة من العياط
منى / مالك يابنتي في ايه
سهر مردتش انهارت وهي بتعيط
منى '/ خلاص خلي جوزك يكلمني
حدفت سهر الفون ع الطربيزة
أسر اخد الفون
منى / أسر ابعتلي سهر
اسر/ طنط لازم حضرت تفهمي الموضوع الأول
منى بانفعال / 'مش عاوزه أفهم حاجه. ..ابعتلي سهر
ولا حد يجي ياخدها ؟
اسر بحزن/ انا هجبها واجي
_________________________
سلمى / مصوتيش وفرجتي عليه الشركة كلها
هو واللي كانت معاه ليه؟!!!
سهر بتعيط
منى / انتي يا بنتي مبتفهميش ؟ !
بتقولك متجوزين
سلمى / آه يعني البيه اتجوز وبسلامته بقي عمل ايه لما روحتي معاه
سهر وهي بتعيط/ معملش حاجه انا اخدت بنتي ونزلت ع طول
سلمى / ياخيبتك هو دا اللي قدرتي عليه كنتي بهدلتيه وفرجتي عليه الست والدته عشان تتبسط ب ابنها
بس تعرفي ياسهر انتي مزوداها اوي المرادي
سهر نظرت لسلمى بدهشة وهي بتمسح دموعها
سلمى / انا بتكلم بجد
الراجل يعني مغلطش دا اتجوز وبعدين ياشيخه مقهوره علي ابه؟!
ماهو ياما عمل فيكي اكتر من كده ولا نسيتي
منى بتحاول تسكت سلمى
سلمى / لا ماهو انا هتكلم وأقول ولازم تعرف إنها هي اللي فرطت في كرامتها من الأول يااختي بدل متتحمقي اوي كده وتاخدي بعضك وتيجي
كان الأولي انك تعمليها من زمان من وقت م قالك إن مامته هتعيش معاكو دا مراعاش شعورك ولا كرامتك اللي مامته داست عليها بجزمتها
زعلانه اوي ياسهر وانتي السبب في كل ده
منى بانفعال تاخد سلمى من ايدها وتخرج بيها للصاله/ انتي يابت انتي مش كفاية اللي هي فيه جايه تهديها ولا تولعي نارها اكتر
سلمى / هو الحق بيزعل اوي كده
انا آسفة مكونتش اعرف
تخرج سهر وهي شايله بنتها
منى / رايحه فين ياسهر
سهر وهي بتحاول تتماسك وبتمسح دموعها/ هروح شقة بابا
منى / تروحي فين يابنتي الشقة متربه ومتبهدله هتقعدي فيها ازاي
سهر/ معلش ياخالتو انا مش هقدر اقعد هنا
مني/ طيب استني للصبح وانا هبقي اخد حد معايا ينضف الشقة وأبقى اقعدي فيها براحتك ولواني مش هبقي مطمنه عليكي بس طالما دي راحتك يبقي مقدرش أقولك حاجه
سهر مقربه ع الباب تفتحه وقفت سلمين ومسكت ايدها
سلمى / متبقيش مجنونه بقي عايزة تروحي فين دلوقتي انتي عارفة الساعة كام
سهر / زي م تبقي وسعي بقي خليني أخرج
سلمى / طب حقك عليه انتي يعنى سيبتي كل حاجه وزعلتي من كلامي معاكي مع اني مكدبتش في حاجه
انهارت سهر وعيطت اخدت مني مليكه دخلتها جوه في اوضة سلمى
قعدت سهر علي كرسي السفرة وهي بتعيط
سلمى / عارفة إنك موجوعه والواد ابن ملك دا بهدلك كتير بس متبقيش ضعيفة كده ياسهر وريلو العين الحمرا
رجاله واطيه مبيطمرش فيهم حاجه
سهر/ عندك حق انا اللي فطرت في كرامتي واستاهل كل اللي يجرالي
منى / لا يابنتي انتي مغلطيش انتي حبتيه وصونتي الحب ده بس هو اللي طلع غدار ميستاهلش دموعك دي ياسهر
ادخلي نامي يابنتي والصباح رباح
متقلقيش احنا معاكي
سهر/ انا مليش حد يوقف جمبي ويجبلي حقي منه
سلمى / بس اسكتي ملكيش حد ازاي اومال احنا روحنا فين
دا لو عمار واياد عرفوا هيبهدلوه
منى / لا بلاش اياد عشان خاطري ياسهر
سلمين/ ليه ياماما
منى / عشان خاطر مراته بلاش هو ب الذات
سهر/ وانا مش عايزة حد يعملي حاجه
سلمى / رامي هيروحله بكره وغصب عنه لازم يطلقها
سهر/ مش هيقدر
سلمى / ليه بيحبها للدرجه دي
سهر/ عشان حامل
سلمى / وقعته مهببه كمان حامل؟ !!!
منى / مين اللي قالك
سهر وهي بتعيط/ هو
سلمى / يعني خلاص باعك كده
سهر / ايوه خلاص. ..راح ياسلمي وممنوش لازمه الكلام معاه
انا مش هستعطفه عشان يختارني ويطلقها
فوضت أمري لله
منى / ونعم بالله
عين العقل يابنتي
ادخلي اتوضي وصلي وفوضي أمرك لله
سهر بتعيط...سلمى بتطبطب عليها
____________________________
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
