أحببتها رغم كل شيء 🥰

الحلقة ١٣

الحلقة الثالثة عشر
#احببتها_رغم_كل_شيء
#بوسي_مصطفي
...............
بالأسفل
سهر قاعدة ع السفرة ساكته مبتتكلمش
أسر يمسك ايدها/ ايه يا حبيبتي لسه تعبانه
تهز سهر راسها
أسر / طب شوفي داده اتاخرت ليه كل دا
سهر / حاضر... هشوفها
تدخل المطبخ
عزيزة واقفه ف ايدها ازازة بتحاول تفتحها
سهر/ ايه يا داده بتعملي ايه كل ده؟!
عزيزة بارتباك / حاضر يا هانم جايه أهو
سهر/ طاب هاتي الطبق اللي قدامك
وتقرب سهر
عزيزة ممسكه بالطبق والازازة
سهر/ ايه اللي ف ايدك دا يا داده
وفجأة
سهر تصرخ
................................
 
جري أسر ناحية المطبخ بفزع
سهر واقعه ع الأرض وبتصرخ
أسر بدهشة / ايه الدم ده؟ !!!من ايه ياسهر
عزيزة بخوف / انا أسفه يا بيه إزازة الخل وقعت مني وسهر هانم اتزحلقت ع الأرض وهي بتاخد مني الطبق
قرب أسر من سهر اللي كانت بتعيط
اسر/ وريني كده رجلك
صرخت سهر/ لااااااااااه
اسر/ مش هعمل حاجة خليني بس اشوفها
استسلمت سهر
أسر / لازم نخرج الازازة دي
سهر ببكاء/ لأ يا أسر ابوس ايدك بلاش هتوجعني 
اسر/ متخافيش هي بس هتوجعك وقت خروجها وبعد كده هتستريحي
سهر ببكاء/ لا بلاش علشان خاطري. ..
اسر/ داده لو سمحتي اطلعي هاتي شاش وقطن ومطهر من فوق
وحمل سهر وخرجها من المطبخ وضعها ع الاريكة
أسر خلع القميص وأعطاه ليها
سهر ببكاء/ أعمل بيه ايه ده
اسر/ إضغطي عليه بين سنانك وانا بخرج الازازة
سهر برعشة ف صوتها / بالراحة ابوس ايدك
اسر/ متخافيش
نزلت عزيزة ...اخد أسر منها الحاجة
اسر/ غمضي عينك يا حبيبتي
سهر وهي ممسكه ب اسر/ طيب بس بالراحة عشان خاطري
اسر/ طب هشوف ازاي بس يا سهر ارجعي شوية
وضع أسر أيده ع الازازة واغمض عينيه لينتزعها
سهر بصراخ/ اااااااااه
أسر وضع القطن ع الجرح وهو مزهول من عمق الجرح وقطعة الزجاجة
سهر تسترخي علي كتفه وتغمض عينها بتعب
أسر / خلاص يا حبيبتي. ..امسكي بقي جامد علشان اطلعك فوق تستريحي
سهر مردتش
اسر/ داده هاتي شوية مياه افوقها
يمسد أسر ع وجهها بالماء برقة حتى فتحت سهر عينها ليحملها أسر ويصعد بها الي الغرفة ويضعها ع السرير ليضمض جراحها
أغلقت عينها لتغط ف النوم مرة أخري
........  
{فلاش باك}
اياد واقف تحت العمارة منتظر سهر....
تنزل سهر جرى ع السلم
اياد/ ع مهلك لتوقعي
سهر/ انا استأذنت من تيته ساعةواحده بالكتير ولازم ارجع
اياد/ وانا مش هاخرك بس المشوار يطلع بفايدة
سهر/ هو الراجل ده هيدفع كام
اياد/ هههههه مش لما تشتغلي الأول
وقف اياد تاكسي
اياد/ يلا يا سهر
سهر/ وايه لازمة التاكسي خلينا نركب ميكروباص احسن
اياد/ نعم عايزة تركبي ميكروباص انتي مش شايفه زحمه ازاي
سهر باستسلام/ انت دماغك ناشفة وبتحب تدفع فلوس وخلاص
اياد / أدفع فلوس ميهمنيش المهم راحتك يا ح
ارتبك اياد ومكملش وكانت سهر راكبه ف التاكسي
ركب اياد جنبها
السواق/ لو سمحت يا أستاذ اتفضل هنا قدام
نظرت سهر ل اياد
اياد/ حضرتك اقعد قدام ليه ؟! انا اقعد في المكان اللي يعجبني
السواق/ الأنسه اللي مع حضرتك تبقي اختك
اياد / لأ
السواق/ خطيبتك؟
اياد/ لأ
السواق/ يبقي حضرتك تتفضل هنا قدام علشان لو جات ست تلاقي مكان جنب الأنسه
اياد/ لو جات ست هركب قدام
السواق/ وحضرتك
متركبش دلوقتي ليه يعني لامؤاخذة غاوى تعب
اياد/ علشان لو جه راجل يبقي انا أولى بقي اقعد جنب بنت خالتي وبعدين أنا عارف حدودي كويس متقلقش.
نظرت له سهر ببتسامة
السواق/ ماشي يا عم. ...
......  
نزلت سهر واياد قدام محلات  ((جميل عطية))للملابس
سهر وهي تنظر لأعلي / ياااااه واضح إن المحلات دي كبيرة أوي
اياد/ ماهي المحلات دي فيها ملابس لكل الأعمار وكمان ولاد وبنات
تقرب عايدة بنت شغاله في المحل / ازيك يا اياد
اياد / الحمد لله
عايدة/ اختك دي
اياد/ لا بنت خالتي
نظرت ليها عايدة / أهلا وسهلاً المكان نور
سهر/ متشكرة يا
عايدة/ عايدة يا حبيبتي
سهر/ وأنا سهر
يقرب مراد واحد من اللي شغالين ف المحل
مراد ل اياد/ الحاج عايزك  جوه
اياد/ تعالي يا سهر
أمام مكتب الحاج جميل عطية
اياد / ازيك يا حاج
جميل/ الحمد لله. ..مين دي يا اياد؟
اياد/ سهر بنت خالتي اللي كلمتك عليها وكانت عايزة
يقاطعه جميل وهو ناظر ل سهر/ اه ...انا فاكر انك قولتلي انها عايزة تشتغل
عندك كام سنه يا حلوه؟
نظرت سهر ل اياد
اياد/ عندها تمنتاشر سنة
جميل / اشتغلتي قبل كده؟
اياد/ لأ دي اول مرة ليها.
جميل/ هي مبتتكلمش؟
سهر بارتباك/ لا حضرتك انا بتكلم بس مفيش مشكلة إن اياد يرد بدالي
نظر جميل ليها ببتسامة / اقعدي يا سهر. ..هات للأنسه حاجة تشربها يا اياد
سهر/ لا متشكرة.
جميل/ لا متجيش انتي اول مرة تشرفينا هاتلها أي حاجة تشربها وهاتلي قهوة مظبوط
اياد/ حاضر
ترك اياد سهر وخرج
جميل/ اقعدي بقي. ..وقوليلي ايه رأيك ف المكان؟
سهر /  ...ما شاء الله ....جميل
جميل بمزح/ نعم
سهر نظرت ليه بدهشة
جميل / بهزر معاكي أصلي انا مبكرهش ف حياتي اكتر من النكد بحب البنات الفرفوشة كده مليش ف جو الكآبة ده
سهر/ هو حضرتك ممكن أسأل سؤال
جميل ببتسامة/ اتفضلي أسألي براحتك
سهر/ هو هنا البنات مسؤولة عن القسم الحريمي
والولاد مسؤولين عن القسم الرجالي
جميل / عادي زي ماتحبي عايدة هتفهمك كل حاجة
سهر/ طب بخصوص المرتب يعني
يقاطعها جميل/ اللي انتي عايزاه يا قمر مش هنختلف
ابتسمت سهر ابتسامة باهته
جه اياد
جميل/ اشربي بقي واياد ياخدك ل عايدة تفهمك ع الشغل
اياد/ بس سهر مش هتشتغل اليوم كله وكمان هي لسه بتدرس يعني مواعيدها هتكون
يقاطعه جميل/ لما الدراسة تبدأ نبقي نشوف
.......
في الطريق.
اياد/ ايه رأيك يا سهر؟
سهر / هجرب مش هخسر حاجة.
اياد/ كل يوم الصبح هعدي عليكي.
سهر هزت راسها
اياد / وهرجعك تاني للبيت وارجع انا للشغل
سهر / بس دا هيكون تعب عليك
اياد / متقلقيش ماهو مش معقولة هسيبك تروحي لوحدك
سهر/ ماشي. ..بس دا هيكون يومين بس لحد متعود ع الشغل بس بقولك اوعى تغلط قدام تيته وتقولها إني بشتغل معاك انا عن نفسي مش هقولها انا بشتغل  فين بالظبط
اياد / عندك حق أفضل حاجة إنها متعرفش
سهر/ خلاص اتفقنا.
...................
في فيلا أسر.
أسر يدخل الغرفة
اسر يصحي سهر/ سهر. ..سهر حبيبتي اصحى الدكتور جاي يشوفك
فتحت سهر عينها بتعب
اسر/ اتفضل يا دكتور
الدكتور/الف سلامة. ..ازيك يا مدام سهر
سهر بتعب /الحمد لله
الدكتور / ممكن اشوف الجرح
صرخت سهر/ لاااااااأ
اسر/ متخافيش يا سهر الدكتور بس عايز يطمن 
قرب الدكتور علشان يفك الشاش اللي ع الجرح
صرخت سهر مرة تانية
اسر/ خلاص انا هفكه متخافيش
قرب أسر وفك الرباط اللي ع الجرح
الدكتور / الجرح محتاج خياطة
سهر/'يعني ايه؟ !
الدكتور / متخافيش هحطلك بنج موضعي ع الجرح مش هتحسي بحاجة
اسر/ هيسيب أسر يا دكتور؟
الدكتور/ لا. ..الموضوع بسيط متقلقوش اوي كده
..................
في شقة منى.
منى / وحشتني. ..وحشتني اوي يا حبيبي
اياد / طب ليه العياط دا بقى
منى / علشان وحشني ونفسي اشوفك واخدك ف حضني
إنما انت خاسس ليه يا حبيبي انت مبتاكلش ولا ايه؟
اياد /باكل طبعا يا ماما بس انتي عارفة الشغل بره متعب شوية
منى / وهي الشركة اللي انت فيها دي مبتديش اجازات خالص يا ابني
اياد/ لا عادي يا ماما بناخد اجازة شهر كل سنه
منى / طب يا حبيبي مبتنزلش ليه ولا مش عايز تشوفنا
يدخل عمار ببتسامة/ يجي ليه يا ست الكل
طالما العيشة هناك عجباه وزمانه عاملهم ع قلبه قد كده
إياد بمزح / أهو قرك دا اللي جايبني الأرض بطل بقى وخليك ف حالك عمار/ حالي! !!..زي ماهي شايفه ست الكل أهو كل يوم بيلف من الصبح ادور ع شغل متشوفلي شغل  عندك
منى / ايه انت كمان عايز تسبنا وتسافر
اياد/ انا من رأيي خليك عندك احسن. ..وإن شاء الله
تلاقي شغل كويس
عمار / طب مقولتش كده لنفسك ليه وقتها
اياد/ لو رجع بيه الزمن اكيد عمري ماهفكر أسافر ابدا لكن خلاص مبقاش ينفع
المهم قولي عملت ايه ف موضوع سلمي
عمار/ أهي منشفه دماغها وحاطه العقدة ف المنشار لا الجواز يتم ف أسرع وقت لتفركش الخطوبة وانا من رأيي نستني شوية اياد/ ورامي رافض ليه طالما مفيش فرح يبقي ايه المانع
منى / هما الاتنين دماغهم انشف من بعض
اياد/ حاول تقرص عليه شوية يا عمار علشان يحس بقميتها
عمار/ يا عم رامي بيموت ف سلمي اسألني انا بس الظروف هي بقي اللي واقفه قصادهم
اياد يتتأب
منى / ايه يا حبيبي عايز تنام
اياد/ معلش بقى ياماما عندي شغل الصبح بدري وخلاص فصلت عمار/ طيب اقفل  تصبح ع الخير
وخلي بالك من شغلك بقي
منى / خلي بالك من نفسك يا حبيبي وكل كويس
اياد/ حاضر. ..تصبحو ع خير
.......
في الصباح تدخل ملك الفيلا.
عزيزة قاعدة ف المطبخ
ملك/ صباح الخير يا عزيزة
تنتفض عزيزة من مكانها بفزع
ملك/ مالك يا ست انتي شوفتي عفريت ولا ايه
عزيزة/ معلش يا ست هانم أصلي مخدتش بالي من حضرتك وانتي داخله
ملك/ ايه الأخبار
عزيزة/ أخبار ايه؟ !!!!
ملك/ البت اللي فوق اتجننت ولا لسه شوية
عزيزة/ ع وشك يا هانم
ملك/ عايزاكي تزوديها معاها شوية يعني عايزاها تصحي من النوم تصرخ من الخوف عايزاها تكره الفيلا وتكره ابني يقرب منها
عزيزة/ ايوه بس
ملك/ ايه الفلوس خلصت
عزيزة/ الموضوع مش فلوس يا هانم بس انا مسافره بعد كام يوم
ملك/ رايحه فين
عزيزة/ رايحه لاختي ف الصعيد وهغيب شوية
ملك/ خلاص روحي انتي وانا هتصرف
أسر داخل المطبخ/ داده جهزي الفطار
يتفاجأ بوالدته/ ماما!!!
ملك/ صباح الخير يا حبيبي
اسر/ صباح النور ياماما
ملك/ مفطرتش لسه دا انا قولت هلاقيك ف الشركة
اسر/ لسه صاحي من شوية
داده جهزي الفطار وطلعي الأكل لسهر فوق
تخرج ملك من المطبخ هى وأسر
ملك/ ومراتك متنزلش تفطر ليه؟ !!!!
اسر/ تعبانه شوية
ملك بسخريه/ لا سلامتها الف سلامة مالها
اسر/ اتجرحت امبارح من إزاز مكسور وخيطت رجلها كام غرزه ابقي اطلعي شقري عليها يا ماما
ملك /طبعا هطلعلها بس يعني هي مكانتش لابسه حاجة ف رجلها علشان تتعور كده
اسر/ لا الجرح مش رجلها من تحت الجرح من فوق لانها وقعت علي الازاز
ملك/ كويس انها موقعتش ع وشها وإلا كان زمانها متشوهه
اسر/ الحمد لله
عزيزة/ الفطار جاهز يا بيه
اسر / يلا يا ماما علشان نفطر مع بعض
ملك/ لا انا فطرت مع جدتك. ..اعمليلي قهوة يا عزيزة
اسر/ تيته أخبارها ايه
ملك/ كويسه. ..قولي رجعت الشغل ازاي
اسر/ عادي يعني يا ماما
ملك/ كويس إن باباك عقل ورجعك مكانك في الشركة
سكت أسر وقام يفطر
ملك/ هاتيلي القهوة ف الجنينه يا عزيزة
..........
في الكويت.. في شقة اياد.
نادر أحد أصدقاء اياد ف السكن والشغل
يطرق باب الغرفة. ..اياد نايم يقرب منه
نادر/ يا عم قوم بقي. اصحي هتتاخر علي الشغل
اياد / مش قادر بجد تعبان اوي
نادر/ يا ابني قوم بلاش كسل وصحصح يلا الفطار جاهز
اياد/ حاضر اعملي بس كوباية شاي علشان اعرف ابلع اللقمه
نادر / بس كده حاضر
خرج نادر ومكملش دقيقة وكان راجع تاني وزي متوقع اياد لسه نايم
نادر ممسك براد الشاي في مياه ويرفع أيده وفجأة
اياد يقوم بفزع
نادر/ ههههههه انت اللي بتضطرني لكده كل مره
اياد بانفعال/ انت غبي ف حد يعمل كده
نادر/ آه في وبعدين الدش الساقع ده علشان يفوقك
اياد/ طب خرج بقي البطانية تنشف ف الشمس
نادر/ لا ياحبيبي خرجها انت انا هلحق اكلي لقمه وأنزل الشغل سلام خليك انت هنا بقي
يقوم اياد بغضب ويمسك بالبطانية ليخرجها ف الشمس
اياد واقف ف البلكونة يسرح بعييييييد
فلاش باك
سهر/ صباح الخير
اياد/ صباح الفل ....ايه خلاص بقيتي تيجى لوحدك يعني
سهر/ ثواني اشوف الزبونه دي
السيدة/ مش لاقيه شميز مقاسي ممكن حضرتك تشوفيلي واحد ولا هو دا كل اللى معروض هنا
سهر/ لا يا فندم عندنا كل المقاسات ثواني وهيكون عندك
السيدة/ طب ممكن تشوفيلي جيب يليق ع الشميز البينك
سهر/ ايه رأيك ف الأبيض
السيدة/ لا مينفعش انا بشتغل وانتي عارفة بقي الأبيض مش عملي ف اللبس
سهر / هظبطلك لون يمشي معاه ثواني
السيدة/ اتفضلي
اياد/ سهر كنت عايز اتكلم معاكي شوية
سهر/ انت شايف المحل في زباين كتير مينفعش اسيبهم
اياد / ماهو انا لازم اتكلم معاكي
سهر/ واحنا مروحين بقي
اياد / الدراسة هتبتدي الاسبوع الجاي ومش هنشوف بعض كتير يا ريت بقي تخلصي علشان اعرف اتكلم معاكي
سهر/ حاضر
جميل مقرب منهم وبانفعال/ انتوا واقفين تتكلموا مع بعض وسايبين الزباين
اياد/ انا اسف يا حاج هروح اشوف شغلي
ويتركهم اياد ويذهب
جميل ببتسامة ل سهر/ وانتي يا قمر مش هتشوفي شغلك
سهر/ حاضر. ..هدخل المحزن اجيب كام حاجة طلبتهم زبونه بعد اذنك
دخلت سهر المخزن تدور وسط الملابس علي طلب السيدة
جميل بيتلفت يمين وشمال وبعدها يدخل المخزن ببتسامة
اياد بيتلفت ع سهر مش شايفها
سهر واقفة بتدور لسه جميل جاي من خلفها وببتسامة خبيثه يضع يده ع ظهرها
جميل /لسه ملقتيش طلب الزبونه
تفزع سهر
جميل / متخافيش يا حلوه مالك دا انا زي بابا
سهر/ بابا الله يرحمه
جميل/ تعيشي وتفتكري قولتيلي محتاجة كام.. علشان مصاريف الجامعه
سهر/ لسه معرفش المصروفات قد ايه
يخرج جميل فلوس من جيبه / ألف جنيه اهه ولو سمعتي الكلام هزودك
سهر بعدم فهم / مش فاهمه حضرتك تقصد ايه
جميل / بعدين هبقي اقولك
سهر / طيب بعد اذنك
جميل / رايحه فين؟
سهر/ ملقتش طلب الزبونه
وخرجت سهر بسرعة
اياد كان واقف عند غرفة الملابس اللي فيها سهر
سهر وهي خارجة/ ايه اللي موقفك هنا
اياد/ كنتي بتعملي ايه جوه
سهر/ مفيش كنت بدور ع حاجة طلبتها الست اللي كنت واقفة معاها من شوية
اياد / والحاج جميل بيعمل ايه جوه هو كمان
سهر بضيق/ معرفش ابقي أسأله أهو عندك جوه
..... .....
رجعنا للحاضر....
اياد بضيق وهو مازال واقف ف البلكونة / يا مين يلايمني ع زمارة رقبتك يا جميل وانا كنت قطمتهالك ومخلتكش تعيش ع وش الدنيا لحظة واحده
وخبط ايده جامد ف سور البلكونة
نادر/ انا نازل الأكل عندك افطر بسرعة وحصلني
اياد/ اوك  ...مع السلامة
.......
في شركة علي الحسيني.  
حسام/  ايه اللي اخرك كده
اسر/ انا مكنتش هاجي اصلا
حسام/ ليه خير. ..انت تعبان
اسر/ لا سهر هي اللي تعبانه
حسام/ سلامتها. ..مالها؟
أسر / كانت سخنه طول الليل
حسام / يا عم ميبقاش قلبك خفيف كده. ..دي شوية سخونيه عادي يعني
اسر/ أصلها متعوره امبارح والجرح احتاج خياطه وكانت ليلة
حسام/ يا خبر. ..انت كنت بتهزر معاها بسكينه ولا ايه ههههه
اسر/ تصدق معندكش دم بتضحك علي ايه؟!
حسام/ روق يا عم مالك مكبر الموضوع كده ليه؟ !
اسر/ تصدق انا غلطان اني اتكلمت معاك
أحد الموظفين يدخل/ أسر بيه علي بيه طالب حضرتك ف مكتبه
اسر/ اووك اتفضل انت
حسام/ اوبااا كملت
اسر/ يعني اللي بشوفك ع الصبح كده يشوف خير
حسام/ وانا مالي يا عم مقدرش ع البتاع بيتشطر ع البتاع
اسر/ هي وصلت لكده. ..طيب خلي بالك من الكاميرات اللي موجوده ف المكتب
حسام / يا خبر
أسر / ههههههههه هيعلقك من قفاك سلام يا حسحس
.......
في فيلا آسر.
منه/ الحمد لله. ..يا طنط
ملك/ وماما أخبارها ايه
منه/ كلنا كويسين ...هي سهر نايمه
ملك / معرفش. ..عزيزة
عزيزة/ نعم يا هانم
ملك / اطلعي شوفي سهر صاحيه ولا نايمه
عزيزة/ حاضر يا هانم
منه / انا كنت بتكلم مع اسر من شوية وقالي إن سهر تعبانه
الف سلامة عليها
ملك/ دا جرح بسيط مفهوش حاجة يعني. ..تشربي ايه يا حبيبتي منه/ ميرسي يا طنط
عزيزة تخبط ع باب غرفة سهر. ..سهر نايمه
عزيزة نزلت تحت كانت سهر لسه بتفتح عينها
وتنام تاني
.....................
فلاش باك
سهر/ يعني ايه يا تيته
وداد/ انتي ايه يا بت انتي قلبك حجر بقولك أمك عيانه مش عايزة تروحي تشوفيها ليه هي عدوتك
سهر / يا تيته مين قال كده بس انا بسأل حضرتك تعبانه عندها ايه
تيته/ متوصلي لحد عندها وانتي تعرفي
سهر/ حاضر الصبح هروحلها قبل ميعاد الشغل
وداد/ لا دلوقتي
سهر/ يا تيته انا جايه تعبانه ومش قادرة أقف
وداد/ معلش دي مهما كان مامتك وزيارتك ليها هتفرحها
سهر/ حاضر يا تيته هغير هدومي وأنزل
وداد/ متنسيش تاخدي معاكي عشا ليها علشان مبتقدرش توقف ف المطبخ
سهر/ حاضر
وداد/ بسرعة بقي قبل الدنيا متليل
سهر/ طب هاجي ازاي
وداد/ ابقي باتي هناك ف اوضتك
خرجت سهر وهي قلقانه من زيارتها لوالدتها لان احتمال كبير تبات هناك لكن هي رافضة الفكرة
توصل لحد باب الشقة
تخبط ع الباب. .تقوم سهير ببطء وتعب تفتح الباب
سهير/ سهر. ..يا حبيبتي انتي جيتي
سهر وهي مسنده والدتها/ إلف سلامة عليكى يا ماما
سهير/ انا خفيت لما شوفتك يا سهر.
سهر/ مالك يا ماما
بكت سهير وهي بتقعد ع الكرسي
سهر/ حضرتك شكلك تعبان اوي وبعدين وشك ماله يا ماما هو البيه جوزك مد أيده عليكي
سهير / لا دا انا اخدت دوا عملي حساسية علشان كده تلاقي وشي بالشكل ده
سهر / ولو اني حاسه إن ف حاجة بس طالما حضرتك مستريحه كده يبقي خلاص براحتك
سهير / عامله ايه يا سهر . ..عرفت إنك دخلتي تجارة
سهر/ انا دخلت تجاره انا وسلمى
سهير/ خالتك وتيته عاملين ايه؟

سهر/ الحمد لله بخير
يفتح راضي الباب ويدخل وببتسامة خبيثة يكلم سهر
راضي/ مساء الخير ع الحلوين
متردش سهر
سهر ل والدتها/ هجهزلك العشا يا ماما
وتدخل سهر المطبخ
راضي لسهير/ هي بنتك هتبات الليلة
سهير/ الظاهر كده. ..الوقت اتأخر واكيد مش هتروح ف الوقت ده بس ياريت بلاش أصحابك يجو هنا الليلة
راضي/ متقلقيش اجازة الليلة
سهير / ايه الشنطة اللي ف ايدك دي
راضي/ لا دي فيها شوية ورق.
سهير /طيب انا قايمه داخله الحمام
وقامت سهير
راضي بهدوء قرب من المطبخ واتاكد من دخول سهر المطبخ
وبعدها دخل بسرعة غرفة سهر وضع الشنطة اللي كانت معاه ف دولاب سهر
قعدوا ع السفرة وكانت سهر بتتجنب الكلام مع راضي
سهر تقوم/ تصبحو ع خير
سهير/ كملي أكلك يا سهر انتي ماكلتيش حاجة اكلك زي ماهو
سهر/ معلش يا ماما انا كنت جايه لسه من الشغل وصاحيه بدري ومنمتش خالص هدخل استريح
سهير/ طيب يا حبيبتي تصبحي ع خير
يقوم راضي
سهير/ انت رايح فين
راضي/ افتكرت مشوار مهم
سهير / ايه رايح ل أم العيال
راضي/ انتي مفيش ف دماغك غيرها متنسيها بقي
سهير/ اموت واعرف انت كل ليلة بتروح فين وتتأخر ومتجيش غير وش الفجر
راضي/ يبقي موتي احسن
ياوليه شغل قولتلك مية مرة شغل أمال انتي مفكره ايه
الصيغه اللي ماليه درعاتك دي منين من شغل القهوة!؟
سهير/ شغل ايه ده؟ !
راضي/ ملكيش فيه انتي ليكي تاكلي وتشربي وتلبسي وتتصيغي محدش طلب منك حاجة.
يتركها راضي وينزل
تقوم سهير وتاخد الأطباق ع المطبخ وتغسل أيدها وتدخل تنام
وفجأة بعد حوالي أربع ساعات وتحديداً الساعة اتنين صباحاً.
الباب يخبط جامد.. تقوم سهر بفزع
وتقرب من غرفة والدتها اللي كانت لسه بتقوم ببطء.
سهير/ ايه يا بنتي الخبط ده
سهر/ معرفش يا ماما
سهير/ طيب خليكي انا هفتح
وفجأة الباب يتكسر والشرطة تدخل
سهير تصرخ/ يالهوي انتوا مين
الضابط/ نعم يااختي ايه مش شايفة احنا مين
ويشاور للعساكر يدخلوا جوه
سهير/ انتوا رايحين فين ازاي تدخلوا بيوت الناس كده
الضابط/ اسكتي يا ست انتي
سهر كانت واقفه مزهوله مبتنطقش
نظر ليها الضابط نظره اخافت سهر وحاولت تغطى نفسها لانها كانت بملابس النوم
يخرج العساكر من غرفة سهير/ ملقناش حاجة يا باشا
يشاور الضابط ع غرفة سهر
يدخلوا العساكر يقلبوا الغرفة
واحد منهم يفتح الدولاب ويخرج شنطة هاند باج صغيرة
الضابط / لمين الشنطة دي
سهير تنظر ل سهر بخوف
سهر / انا معرفش حاجة عن الشنطة دي
الضابط / هتعرفي ف القسم
هاتوها هي وامها
سهير / يا باشا الشنطة دي مش بتاعت بنتي صدقني
الضابط بانفعال/ هاتوهم
سهر ببكاء / طب نلبس هدومنا
الضابط / لا هتنزلوا كده زي ما انتوا
..................
#احببتها_رغم_كل_شيء
#بوسي_مصطفي