الحلقة الحادية والعشرون
#احببتها_رغم_كل_شيء
#بوسي_مصطفي
..................
سطعت الشمس لتلقي باشعتها ع وجه سهر فتحت عينها لترى أمامها تجمع لبعض الأشخاص حولها ينظرون إليها منهم من ينظر إليها بغضب وانفعال ومنهم من ينظر لها
ويشفق ع حالها
أما سهر فقد نهضت مسرعة وابتعدت عنهم حتى وقفت أمام مطعم صغير شعرت بالجوع فتزاحمت بين زبائن المطعم لتحضر ساندوتش فول وفلافل وجلست أرضا لتتناوله
بعد ما انتهت من تناول طعامها نهضت وفي يدها حقيبتها
التليفون يرن تنظر للشاشة فتجد المتصل صديقتها زينه
زينه/ صباح الخير يا سهر
سهر/ صباح النور
زينه/ مجتيش الجامعه امبارح ليه قلقتيني عليكي سألت سلمي وقالتلي إنك تعبانه. ..ألف سلامة عليكي
سهر/'متشكرة اوي ع سؤالك. .انا. .الحمد لله. .بخير دلوقت
زينه/ الحمد لله. ..هتيجي الجامعه النهاردة لازم تنتظمي الامتحانات قربت
سهر/ إن شاء الله
وأثناء حديث سهر مع زينه افتكرت كلامها ليها وأنهم عندهم عمارة وبياجرواشقق
سهر/ زينه كنت عايزة أسألك ع حاجة
زينه /'اتفضلي يا حبيبتي انا سمعاكي
سهر/ معندكوش شقة للإيجار ف العمارة بتاعتكو
زينه/ هههههههه ليه عندك زبون
سهر/ بس قوليلي عندكو شقة فاضيه ولا لأ
زينه/ هو تقريباً كده عندنا
سهر/ يعني ايه تقريباً؟ !
زينه/ عندنا شقة هتفضي الشهر الجاي والمستاجر بلغ ماما إنه مش هيجدد لو عندك زبون قوليلو يستني ع اول الشهر ومش هنختلف في قيمة الإيجار علشان خاطرك ايه رأيك بقي
سهر/ بس انا كنت محتاجة مكان ضروري النهاردة
زينه / محتاجاه ليكي؟ !
سهر / آه ضروري أوي يا زينه حتي يعني لو تعرفي تقولي لمامتك تشوفلي شقة ف أي عمارة جنبكو
زينه/ ليه يا سهر انتى مش عايشة مع مامتك
سهر/ آه بس ف ظروف جدت يعني ومينفعش أعيش هناك
زينه/ هو احنا عندنا مكان بس مش عارفة اذا كان مناسب بالنسبالك ولا لأ
سهر/ اي حاجة حتى لو اوضه انا موافقه
زينه / هي فعلا اوضة بس فوق السطوح
سكتت سهر
زينه/ ها مردتيش يعني
سهر باستسلام/ طيب بس اشوفها الأول
زينه/ طبعا هتشوفيها نبقي نروح مع بعض بعد المحاضرات
سهر/ لو دلوقت يبقي أفضل
زينه/:بس كده هنتاخر
سهر/ بصراحه معايا شنطة هدومي ومش هعرف اروح الجامعه كده
زينه/ اقولك اركبي تاكسى وتعالي انتي عارفه العنوان طبعا
سهر/ آه عارفاه ما انا جيتلك مره انا وسلمي
زينه/'طيب تمام تعالي بقي وانا هاخد منك الشنطة وهحطها ف اوضتي وبعد المحاضرات هنرجع مع بعض وتيجي تشوفي الاوضه اللي فوق السطوح مناسبه ليكي ولا لأ
سهر/ حاضر. ..مسافه السكه وجايه
وقفت سهر تاكسى وراحت ع عنوان منزل صديقتها زينه وبالفعل اعطتها الشنطة وراحت معاها ع الجامعه
.....
في شقة منى.
إياد / اتصلي تاني يا سلمي
سلمى / دي رابع مره اتصل وبردو مبتردش
اياد/ خلاص اتصلي ع تليفون خالتك الأرضي
سلمى / ومتتصلش انت ليه
إياد بانفعال/ خلصيني بقي واتصلي
منى / في ايه بتزعق ليه ع الصبح
سلمى / الو. ..الحمد لله. ..ازيك يا خالتو
سكتت منى.
سهير/ تمام. ..الحمد لله. ..صباح الخير يا حبيبتي
سلمى / صباح النور...هى سهر لسه مصحيتش
سهير/ سهر! !!! ليه هي مش عندكو؟ !!!
سلمى / مش فاهمه يا خالتو معناه أيه السؤال ده
هي سهر مش عندك؟ !!!
سهير/ عندي فين يا سلمي. .اديني ماما أفهم منها في ايه
سلمى /حاضر
ماما خالتو عايز تكلمك
اخدت منى التليفون / الو ايوه يا سهير
اياد ل سلمى / قالتلك ايه؟
سلمى / مفهمتش حاجة. ..انا داخله البس اتأخرت
منى ل سهير/ يعني ايه مش عندك اومال يعني باتت فين؟!
سهير/ انتي بتسأليني انا المفروض انا اللي أسألك السؤال ده !!!!
وايه اصلا اللي خلاها تمشي يا مني انا مش سايباها امانه عندك
منى / لأ انتي مش سايباها أمانه عندي انتي رمتيها يا سهير وذنبها في رقبتك لو جرالها حاجة.
سهير بغضب/ انتى كمان بتلوميني أنا؟!
منى / اومال ألوم مين يعني؟!. ..انا ولادي مخليه بالي منهم وانتي حتة بنت مش عارفة تهتمي بيها ولا تقربيها منك
لما طفشت منك ومن الدنيا كلها.
ورمت منى التليفون لـ إياد / شوف البتاع دا بيتقفل منين.
قفل إياد التليفون.
إياد / هو في ايه يا ماما. ..خالتو قالتلك ايه؟
مني بدموع/ سهر مرحتش عندها امبارح ولا تعرف مكانها فين!
اياد / يعنى ايه امال هتكون راحت فين،!
منى / ماهو دا اللي هيجنني.
إياد يفتح باب الشقة.
منى / رايح فين؟ !
اياد/ هنزل ادور عليها...أمال هنسيبها كده منعرفش حصلها ايه ؟!
يخرج عمار من اوضته/ في ايه يا جماعة؟
منى / أنزل ألحق اخوك ودور معاه ع بنت خالتك.
عمار/ سهر!!!...ليه هي فين؟
منى بانفعال/ مش وقت أسأله دلوقتي أنزل يلا.
عمار : حاضر.
منى ببكاء/ انا السبب. ..يا حبيبتي يا بنتي يا تري انتي فين دلوقتي ولا حصلك ايه؟
.....................
في المساء.
زينه/ ايه رأيك في الاوضه... انا عارفة إنها مش قد كده بس مؤقت بس لحد ما الشقة اللي تحت تفضى.
سهر/ كويسه بس محتاجة شوية نضافة وانا هلكانه ومش قادرة... يلا هنام فيها بحالتها دي وخلاص والصبح هبقي اروقها
زينه/ انا هساعدك يلا غيري هدومك وانا هجيب حاجة التنضيف واطلعلك
سهر/ متشكرة اوي يا زينه انتي بجد بنت جدعه اوي
زينه / سيبك من الجدعنه والكلام ده لاننا أخوات ومفيش فرق بينا وقوليلي سلمي كانت بتنادي عليكي النهاردة وانتي اتهربتي منها.... في ايه بقي بينكو؟
تنهدت سهر وسكتت
زينه / مش تطفل صدقيني بس انا عايزة اطمن عليكي وخصوصاً انك انتي وسلمي اللي يشوفكو يقول عليكو أخوات مش بنات خاله ابدا ودايما مع بعض بس النهاردة حسيت بحاجة غريبه من ناحيتك ليها
سهر بارتباك/ مفيش حاجة. .مجرد مشكلة عائلية بس مش اكتر
زينه/ خلاص انا آسفة واضح اني ضايقتك هنزل وهاجيلك بسرعة مش هتأخر
............
في شقة منى
إياد / يعني شوفتيها واتكلمتي معاها.
سلمى / هي مكلمتنيش مشيت وسابني.
وداد/ كويس إننا اطمنا عليها.
اياد/ اطمنا عليها ازاي بس يا تيته واحنا منعرفش عايشة ازاي وفين؟!
منى / هروحلها الجامعه الصبح وهاجيبها معايا وهجوزهالك يا حبيبي متقلقش
ابتسم إياد بحزن.
وداد/ بلاش عبط وخيابه بقي انا افتكرتك هتقولى هجيبها تعيش مع أمها وتهدي بقي وتبطل تنطيط كل واحد فيه اللي مكفيه.
...............
تليفون سهر يرن
زينه ببتسامة/ ايه مش هتردي.
سهر بارتباك/ أصل دا صاحب الشغل
زينه ببتسامة / طب متطلعي تتكلمي بره وحد حايشك.
سهر تخرج من الغرفة / الو. ..الحمد لله. ..تمام
اسر/ قلقت عليكي مجتيش الشغل بقالك يومين.
سهر/ آسفة يا استاذ أسر بس كنت تعبانه شوية.
اسر/ لأ الف سلامة عليكي تحبي أجي و اجبلك دكتور معايا.
سهر/ لا مش مستاهله دي حاجة بسيطة
إن شاء الله
جايه الشغل بكره ؟
اسر/ اوعى متجيش أزعل اوي
سهر / نعم! !!
أسر بارتباك / لا اصل عندك أوراق مهمه في درج المكتب وكنا محتاجينها.
سهر / انا آسفة مره تانية إن الشغل اتعطل بسببي.
اسر/ لا ولا يهمك المهم صحتك.
سهر/ طب بعد اذنك لاني مشغولة شوية
اسر/ اتفضلي. .. انا آسف اني عطلتك.
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
