الحلقة الثامنة
#احببتها_رغم_كل_شيء
#بوسي_مصطفي
...........
يجري آسر ناحية صوت سهر وهي بتصرخ
واقف ع السلم بدهشة وفزع
ينزل جرى ناحيتها.
ملك ودولت واقفين فوق ع السلم.
آسر وهو بيحاول يقوم سهر / ايه يا سهر ايه اللي وقعك كده؟
سهر بتبكي.
اسر/ طيب اهدي امسكي فيه كويس علشان متوقعيش.
سهر بصراخ/ مش قادرة رجلي بتوجعني همووت.
آسر بحزن / استحملى علشان خاطري يا سهر
انا مش عارف ايه اللي قومك من جنبي؟!
سهر بدموع/ بابا...بابا اللي صحاني.
آسر بحرج من والدته وجدته / سهر يلا نطلع فوق اشوف رجلك فيها ايه.
سهر/ مش مصدقني صح؟!...بابا اللي خرجني من اوضتي ونادى عليا.
يطلع أسر بسهر السلم وسط دهشة ملك ودولت.
....
في الغرفة
سهر / انت مش عايز تصدقي ليه بابا كان هنا و جه يشوفني.
أسر في محاولة للهروب من كلام سهر/ طيب سبيني اشوف رجلك فيها ايه.
آسر وهو بيدوس علي رجلها بيتاكد إن كان في كسر ولا وقعه بسيطة.
اسر/ جات بسيطة ابقي خدي بالك يا حبيبتي وشغلي النور وانتي نازله.
سهر/ بابا كان واقف بره سمعت صوته أنا متأكدة.
آسر بانفعال/ كفاية بقى يا سهر باباكي متوفى من اكتر من خمستاشر سنه ازاي جالك و سمعتي صوته؟!
قعد آسر ع السرير واضع ايده على دماغه من التعب.
قربت سهر منه / عندك حق ممكن تكون تهيؤات علشان بابا وحشني.
أسر / دا أكيد ...سهر نامي وحاولي تريحي دماغك من التفكير شوية.
سهر/ حاضر
تقوم سهر
أسر ممسك أيدها/ رايحه فين؟
سهر/ هدخل الحمام .
أسر باستسلام/ طيب بس حاولي تنامي ع طول...تصبحي ع خير.
بعد ثواني تخرج سهر من الحمام عيونها ناحية باب الغرفة تجري بسرعة وتقرب من السرير واضعه راسها بين ذراع أسر وتغمض عينها
لكن قلقانه ومش عارفة تنام تنظر ل آسر وهو نايم
تبتسم وتطبع قُبله ع رأسه لتشعرها بالأمان
ثم تعود للذكريات.
.........
{فلاش باك}
في منزل منى وتحديدا في غرفة سلمى.
سلمى / رايحه فين بس دلوقت؟
سهر/ قولتلك مروحه بيتنا
كفاية كده بقى أنا بقالي هنا كتير وماما وحشتني.
سلمى / طيب استني ماما لما ترجع من بره هتزعل اوي لما تيجي مش تلاقيكي.
سهر/ مش قادرة بجد...معرفش ليه ماما وحشاني اوي اليومين دول ونفسى اشوفها.
سلمى / خلاص براحتك يا سهر.
سهر/ متزعليش هبقي اجي هروح فين يعني..سلام
تخرج سهر من شقة خالتها.
....
أمام شقة سهير توقف سهر وتفتح باب الشقة بحذر.
سهر / اكيد ماما هتفرح اوي لما تشوفني.
الشقة هادية ومفيش صوت .
سهر / هي ماما نايمة و لا ايه؟!
احنا بقينا الضهر مش عوايدها يعني
هدخل أطمن عليها لتكون تعبانه.
تفتح سهر باب اوضتها متلاقيش مامتها.
سهر/ ممكن تكون ماما خرجت تشتري حاجة.
تقرب سهر تدخل المطبخ تسمع صوت داخل غرفة والدتها اللي مفروض فاضية ومفيهاش حاجة.
سهر بخوف/ في ايه جوه؟
الأوضة مقفولة من زمان.
سهر تتشجع وتفتح باب الغرفة.
تحدق بعينها مش مصدقة اللي شايفاه
والدتها وفي حضن راجل غريب
تجري سهر وتبعد عن الغرفة.
سهير وزوجها في دهشة و ارتباك.
راضي زوج سهير/ مين دي يا سهير؟
سهير بارتباك / دي بنتي
يادي المصيبة أقولها ايه دلوقتي؟!
راضي / جرا ايه يا ست هانم يعني ايه هتقوللها ايه؟!
سهير / معلش برضو يا راضي دي مفاجأة بالنسبه لها.
راضي/ بنتك قليلة الأدب اصلا ازاي تفتح الباب من غير متخبط هي متعودة تفتح الباب عليكي كده؟!
سهير/ لأ بس هي تعرف إن الأوضة فاضية وانت عارف إننا لسه مشترين اوضة النوم دي جديد.
سهير بتلبس الروب و خارجة.
راضي/ ابقى اعمليلي غدا وولعي على حتة فحمه علشان أعدل مزاجي اللي بنتك جات قلبته.
سهير / بلاش شرب في الشقة يا راضي.
راضي/ نعم يا اختي!
سهير/ مرحبا بلاش ع الأقل وسهر موجودة في الشقة.
راضي/ بقولك ايه خليكي حلوة كده واسمعي الكلام
يخرج راضي فلوس من جيب البنطلون المتعلق على الشماعة.
راضي / خدي الفلوس دي وابعتي بنتك تشتري حاجة حلوة ليها وخلي الباقي علشانك.
سهير ببتسامة/ حبيبي يا رورو.
راضي/ هههههه حلوة رورو دي
لو سمعتك أم العيال كانت ولعت في نفسها.
سهير/ مبلاش سيرة أم العيال دي هنا انت عايز تنكد عليه وخلاص!
راضي / وانا ميرضنيش زعلك يا حبيبة قلب رورو ههههههه.
سهير/ هطلع اشوف بنتي وافهمها الموضوع
علشان متفهمش غلط.
راضي/ طيب بس بسرعة بقي في الغدا علشان واقع من الجوع.
تخرج سهير تلاقي سهر قاعدة في اوضتها بتبكي.
سهير تدخل بحرج.. تنظر سهر لوالدتها
سهير/ سهر متفهميش غلط يا حبيبتي دا.
تقاطعها سهر وهي بتمسح دموعها / مش هتفرق كتير سواء كان جوزك ولا لأ الاتنين عندي واحد.
سهير بانفعال/يعني ايه الاتنين واحد
ميفرقش معاكي أمك للدرجةدي؟!
سهر بدموع/'انا اللي مبقتش افرق معاكي خلاص.
سهير تقفل الباب وتقرب ناحية سهر / انتي عمرك مهتحسي بيه غير لو كنتي مكاني لما تكبري هتفهمي وهتقدري موقفي كويس.
سهر/ اقدر أيه؟!
انك مش قادرة تعيشي من غير راجل!
سهير تكتم غيظها/ لأ وانتي الصادقة مش قادرة امشي نفسي و مصاريف البيت اللي كل يوم تزيد بسبب مدرستك ودروسك اللي بتاخد قد كده مني كل شهر.
سهر/ خلاص بقيت انا مشكلتك ولازم تحليها بالجواز
اقولك يا ماما موتيني وخلاص علشان تستريحي.
راضي ينادي/ سهير..انتي بتعملي ايه كل ده ؟
سهر / اخرجي للبيه شوفيه عايز ايه.
سهير/ طب متزعليش نفسك وخدي دول.
تنظر سهر للي في ايد مامتها.
سهر / ايه ده ؟!
سهير / فلوس ايه مش شايفه؟!
عمك راضي ادهوملي علشان تشتري حاجة حلوة ليكي.. شوفتي بقي بيحبك ازاي.
سهر/ ومين بقى راضي ده؟
سهير / جوزي يا سهر
راجل طيب وحنين هتحبيه اوي.
سهر / مش عايزة أحبه كفاية حضرتك تحبيه.
سهير/ طيب تعالي علشان نتغدا مع بعض انا عامله حمام وبط والمحشي اللي بتحبيه.
سهر / انا مش جعانه...هنام شوية.
سهير/ طيب يا حبيبتي احنا هنتغدا وننزل لما تصحي ابقي كلي.
وتخرج سهير من الغرفة تقعد سهر في الأرض بتبكي
.... التليفون يرن ترفع سهير السماعه.
سهير/ الو.
مني/ ازيك يا سهير...سهر عندك؟
سهير بضيق/ اه يا اختي عندي...ايه مش عارفة إنها جات عندي؟!
منى / انا كنت بره ولسه داخله دلوقتي سلمى اللي قالتلي.
سهير/ بتحرجيني يا منى تبعتي بنتي من غير متقوليلي علشان امهدلها الموضوع انامش قولتلك هكلمها بس في الوقت المناسب.
منى / انتي مش عايزة ليه تصدقي اني معرفش إنها جايه عندك؟
سهير/ خلاص...خلاص...انا مش فاضيه دلوقتي هبقى اكلمك بعدين.
راضي/ ايه يا سهير مش هنتغدا ولا ايه ؟
سهير/ حاضر هجهز السفرة اهوه.
راضي / وفين بنتك تساعدك؟
يقرب من غرفة سهر.
سهير / علشان خاطري سيبها دلوقت.
راضي/ ليه مالها المحروسة...غضبانه ولا ايه ؟
سهير/ هي شوية كده وهتروق...اقعد انت ع السفرة وانا ثواني وجايه .
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
