أحببتها رغم كل شيء 🥰

الحلقة ١٨

الحلقة الثامنة عشر
#أحببتها_رغم_كل_شيء

................
قدام مطعم البيتزا يخرج شاب من محل جنب المطعم
الشاب/ لسه قافلين من شوية يا استاذ
إياد / اول مرة يعني دول بيقفلوا واحده واتنين بالليل
الشاب/ من ساعة شوفت العمال اللي جوه مخرجين صاحب المطعم وركبوه العربية تقريباً تعبان وشوية وقفلوا المطعم ومشيوا
إياد / طيب متشكر
وافتكر كلام سهر ليه انهم هتاخروا
إياد لنفسه ببتسامة/ يلا بقي ملناش نصيب ناكل بيتزا الليلة بس اوعدك يا سهر بكره لازم اجبلك واحده وحجم كبير كمان
واخد الطريق جري لغاية موصل المحل
ينظر حواليه سهر مش موجودة في مكانها شعر بخوف وفجأة سمع صوت صريخ سهر
جري ناحية الصوت ورمي الفلوس من أيده
وقرب ناحية الصوت. ..الصوت جاي من المحزن
يدفع الباب بكل قوته ويدخل اول حاجة عينه توقع عليها وجود دم ع رجل سهر
.....................

ما إن رأي اياد دماء سهر تسيل علي قدميها حتى جن جنونه وأقدم نحو جميل ظل يضربه حتي صرخ جميل في وجهه
جميل/ خد بنت خالتك دي ومشوفش وشكو تاني
سهر وهي بتعيط وبتحاول توقف / يلا يا اياد
إياد / مش قبل مشرب من دمه
سهر/ محصلش حاجة دي رجلي اتخبطت
اياد نظر ليها بشك
سهر/ صدقني هو دا اللي حصل
جميل بغضب/'اطلعوا من هنا يلا قبل متصل بالشرطة واقولهم انكو كنتو عايزين تسرقوني
سهر خرجت بتعب  من المخزن ووقفت تنتظر إياد
اياد يحدق في جميل بغضب.
جميل / امشي احسنلك يا اياد انت مش عارف قلبتي شكلها ايه
خرج إياد من المخزن بغيظ
إياد لسهر / هتقدري تمشي؟
سهر/ هحاول.
خرجوا من المحل
إياد / تعالي في صيدلية قريبه تربطي ع الجرح ده.
سهر/ ملوش لزوم لما اروح بقي
إياد / مينفعش تمشي كده.
سهر/ طيب.
إياد / سهر انتي مكدبتيش لما قولتي رجلك اتعورت مش كده؟
سهر/ وانا هكدب ليه ؟
اياد/ يمكن خوفتي اقتله ولا حاجه.
سهر/ رجلي اتعورت يا إياد وبعدين انا مش صغيرة وأعرف أدافع عن نفسي كويس.
إياد / انا مقصدش غير اني أطمن عليكي بس.
سهر/ طب يلا علشان الجرح بيوجعني.
يدخل إياد الصيدلية يلاقي بنت اللي جوه.
إياد / لو سمحتي كنت عايز قطن وشاش ومطهر.
البنت/ حاضر.
تدخل سهر
البنت / اتفضل حضرتك
نظر إياد لسهر في حيره وبعدها.
اياد/ لو سمحتي ممكن تشوفي جرح الانسه وتربطيلها عليه.
البنت/ اوي اوي اتفضلي اقعدي هنا.
سهر تقعد ع الكرسي.
البنت/ ممكن ترفعي الجيب شوية
استدار إياد الناحية التانية.
سهر بخوف / بس براحة علشان خاطري
البنت/ متخافيش دا جرح بسيط.
تصرخ سهر بعد وضع البتادين..يغمض إياد عينيه بتأثر.
البنت : خلاص اهو خلصت متخافيش.
تنهي الفتاة ربط الجرح
في الطريق.
إياد لسهر/ انتي رايحه فين دلوقتي؟
سهر/ هروح عند ماما.
إياد / تعالي معايا علشان ماما تاخد بالها منك
سهر / لا هروح عند ماما عايزة استريح.
اياد/ مبتستريحيش عندنا؟!
سهر/ لا بس تيته أنت عارف هتفضل تحقق معايا وسين وجيم ومش هعرف ارد عليها.
اياد بحزن/ براحتك ...عندك امتحان بكره
سهر/ لا بعد بكره. ..
إياد / ذاكري كويس بقي وهبقي اعدي عليكي انا وسلمى اوصلكوا.
سهر/ هذاكر اومال هعمل ايه مخلاص بقي فضينا.
انا آسفة يا إياد اتسببت في قطع عيشك.
اياد/ انتي بتقولي ايه؟ !!!..انتي متصوره اني كنت هشتغل معاه بعد اللي كان ناوي يعمله وبعدين محدش بيقطع رزق حد
الرزاق موجود.
سهر/ ونعم بالله.
إياد / لو مكنتيش معايا وقتها كنت قتلته اللي منعني خوفي عليكى.
سهر/ الحمد لله. ..إنها جات لحد كده انا كمان مكونتش بستريحله اللي كان مصبرني إني محتاجة للفلوس اوي.
إياد / متقلقيش هتتحل.
سهر/ تصبح ع خير.
تدخل سهر العمارة وتقرب من الشقة ترن الجرس تفتح سهير الباب.
سهير/ سهر!!
سهر/ ايه. ..ادخل ولا ارجع تاني
سهير/ يا خبر يا سهر انتي بتقولي ايه. ..ادخلي يا حبيبتي.
سهر تدخل الشقة وتنظر حواليها.
سهير/ انتي تعبانه يا حبيبتي؟
سهر/ لا انا كويسه.
سهير/ أصلي شايفاكي مش قادرة تمشي.
سهر / رجلي بتوجعني من الوقفه عليها ف الشغل.
سهير/ طيب يا سهر ادخلي اوضتك غيري هدومك وانا هجهزلك العشا.
سهر/ لا انا شبعانه.
سهير / طيب يا حبيبتي تصبحي ع خير.
تدخل سهر غرفتها