الحلقة الخامسة عشر
#احببتها_رغم_كل_شيء
#بوسي_مصطفي
.....................
قربت سهر من البلكونة مرة تانية علشان تتأكد مين ده
لاقيت الراجل مقرب من سور البلكونة بيحاول يدخل
صرخت سهر وحاولت تقفل باب البلكونة بخوف وارتباك
ونجحت أنها تقفله سمعت صوت خبط ع باب البلكونة
جريت تفتح باب الاوضة
الباب مقفول من بره. ..الخبط لسه ع الباب
تعيط سهر وتصرخ وهي بتحاول تمسك التليفون
باب البلكونة تقريباً بيتكسر
سهر واقفه هتموت من الرعب
تليفون أسر مقفول. ...
............... .
سهر لسه ف أيدها التليفون وبتحاول تتصل
الخبط مازال ع باب البلكونة
سهر خايفة ومرعوبة. ..جرس ومفيش رد. ..تحاول تفتح الباب مرة تانية تدور ع المفتاح
وهي بتتألم من الجرح أخيراً لاقيته. ..قربت من الباب تفتح الباب مبيتفتحش تصرخ سهر
وتوقع ع الأرض مغمي عليها
بعد نص ساعة يدخل أسر من بوابة الفيلا يركن العربية ويطلع أوضته بتعب يفتح الباب ويدخل
يتفاجأ بسهر واقعه ع الأرض يجري ناحيتها يحاول يفوقها يحملها ويضعها ع السرير يفوقها وتفتح عينها وما إن نظرت حولها حتى تبدأ بالصراخ والبكاء
اسر/ اهدي يا سهر فهميني في ايه
سهر تصرخ وتشاور ناحية البلكونة
أسر / طب اهدي يا حبيبتي علشان خاطري متعلميش ف نفسك كده
سهر تشاور ناحية البلكونة وهي بتترتعش وجسمها كله بيتنفض
اسر ببكاء/ ارجوكي يا سهر بلاش اللي بتعمليه ده
خلاص يا حبيبتي. ..قوليلي بس خايفة من ايه
تدخل ملك الغرفة بدهشة
ملك/ ف ايه يااسر مالها سهر
أسر وهو بيمسح دموعه ومحتضن سهر/ معرفش يا ماما
شافت ايه خوفها كده
ملك/ هيكون ف ايه يعني. ..تلاقي الحاله رجعتلها تاني
نظرت سهر ليها وظلت تصرخ
أسر يضمها إليه بقوة لتضع رأسها ع صدره وتهدا
أسر / بس يا حبيبتي. ..اهدي. ..اهدي خلاص انتي ف حضني متخافيش
سهر بصوت متعب/ أسر خرجني من هنا
اسر/ طيب بس قوليلي مالك ف ايه؟
أنا سايبك كويسه
سهر/ كان ف راجل بيحاول يدخل الاوضة من البلكونة
نظر ليها أسر بدهشة
سهر/ صدقني انا متأكدة من اللي شوفتوا
ملك/ ومدخلش ليه ؟!
سهر/ قفلت البلكونة
ملك/ يا سلام وهو لو حرامي ولا اياكان جاي ليه... وهيمشي بعد متقفلي الباب ولا هيحاول يدخل
اسر/ فعلا يا سهر. ..طبعا مبشككش ف كلامك بس لازم نفكر شوية
سهر / ماهو حاول يكسر الباب
ملك/ ومخرجتيش ليه من الاوضة وجتيلي
سهر / الباب كان مقفول من بره بالمفتاح
اسر/ سهر انا دخلت والباب كان مقفول عادي مش بالمفتاح
ملك نظرت للباب / انتي اللي حاطه المفتاح من جوه مش الباب اللي كان مقفول
سهر/ انا كنت بحاول افتح الباب
ملك/ ومفتحش ليه
سهر/ اكيد كان المفتاح موجود ف البااب من بره
ملك / دا كلام ناس عاقلين ؟!
قرب أسر من باب البلكونة وفتحه
سهر صرخت/ لأ يا أسر ممكن يكون بره
أسر شاورلها انها تهدي
أسر بيعاين الباب. ..بالفعل لاقي آثار كسر وخدوش بالباب بشيء حاد
نظر لسهر بدهشة
اسر/ ماما تعالي
قربت ملك / عادي يعني ممكن يكون كسر قديم وماخدتش بالك منه ولا يمكن هي اللي كسرت الباب
اسر/ هتكسر الباب وتصرخ وتقول إن في حد كسره؟!
سهر وضعت رأسها ع الوسادة لتغمض عينها وتنام
يقترب أسر منها ليغطيها ويقبل جبينها ويتركها تنام ف سلام
يخرج أسر ووالدته من الغرفة
اسر/ انا مش هسكت لازم اعرف ايه الحكاية
ملك/ يا حبيبي انت ازاي عايش مع البني آدمه دي
دي ياابني هتجننك
اسر/ سهر مش مجنونه يا ماما. ..دي عاقله جداً هو ف حاجة مش مفهومة لانها قالتلي ع حاجات تانية معني كده انها فعلا حصلت مش تهيؤات
ملك تتاءب / خليك انت ف المحروسة بتاعتك لحد متجننك بجد وتخليك تمشي تكلم نفسك
رجعها المستشفي تاني يا حبيبي مكانش مفروض اخدتها من هناك إلا لما كانت كملت علاجها
اسر/ ماما انا قولت لحضرتك سهر مش مجنونه
ملك بانفعال/ ست العاقلين ولا تزعل. ..تصبح ع خير
أنت تقرأ
أحببتها رغم كل شيء 🥰
Romansaاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
