الحلقة الواحده والثلاثون
#احببتها_رغم_كل_شيء
#بوسي_مصطفي
*--------------------------*
في شقة سهير جرس الباب يرن
سهير تقوم بتعب تفتح الباب
فارس ببتسامة/ صباح الخير يا جميل
سهير بضيق/ خير!!!! ايه فلوسك شطبت وجاي تاخد قرشين تمشي نفسك بيهم
يدخل فارس الشقة وهو عينه بدور في كل حاجة قدامه.
فارس ببتسامة/ انتي ليه فاهمني غلط يا حبيبتي
سهير/ شوف يا فارس انا تعبانه واسلوبك وكلامك ده مبقتش أكل منه خلاص
فارس/ طب ب مناسبة الأكل اعملي فطار كده ع ذوقك وحشني اكلك يا عمري
سهير تحدق في فارس/ انت عايز ايه بالظبط
فارس/ نرجع الميه لمجاريها ونتصالح بقي دا حتي بيقولوا الصلح خير
سهير/ مش لما ترجع اللي سرقته
فارس/ لا يا حبيبتي ميصحش كده في واحده تقول لجوزها كده
سهير/ يعني هو اللي يصح إنك تاخد دهبي وفلوسي وتهرب وجايلي دلوقتي تضحك عليه بكلمتين علشان تشوف حاجة تانية تاخدها وتهرب كنت فين كل ده؟
فارس يخرج فلوس ويعطيها ل سهير/ أي دول
فارس/ دا جزء من المبلغ اللي اخدته منك وهرجعلك الباقي آخر الشهر لما اقبض
سهير/ انت لاقيت شغل
فارس / آه استغلت ودا اول قبض اخده وقولت ادهولك بصراحه انا مضايق اوي علشان اللي حصل بس كان غصب عني كنت مديون وكاتب شيكات بدون رصيد وكنت هتحبس ومكانش قدامى غير أني أتصرف قبل م اروح في داهيه
سهير/ ومقولتليش ليه هو انا كنت هحوشهم عنك يعني
فارس/ اصيله يا حبيبتي
يعني خلاص صافي يا لبن
سهير/ خلاص يا حبيبي مسمحاك بس بعد كده لو احتاجت حاجة قولي وانا اللي هقدر عليه هساعدك بيه
فارس/ لا خلاص بقي ماانا استغلت والدنيا زي الفل
سهير/ الحمد لله. ..هدخل اجهزلك الفطار
فارس ببتسامة ويقبلها ايدها/ تسلم ايدك يا حبيبتي
تبتسم سهير وتدخل المطبخ
فارس يكلم نفسه/ ايه الست دي معقول نسيت اللي حصل بكلمتين قولتهم لا دا جاذبيتي لا تقاوم
بس خليها كده مصدقه لحد منفذ خطتي واوقع بنتها خلينا نخلص بقي ونقبض القرشنات والدنيا تزهزه بس يا ويلك يا ملك مني لو منفذتيش اتفاقنا هتبقى انتي اللي جنيتي ع نفسك
بس المهم دلوقتي أجيب رجل بنتها ازاي هي ابن خالتها
اكيد هلاقي طريقة اوقعهم بيها
سهير تخرج من المطبخ / يلا يا حبيبي الفطار جاهز
فارس ببتسامة / هدخل اغير هدومي واجيلك يا قمر
*---------------------------------*
في النادي
سهر جايه من بعيد ناحية منه
رشا ل منه/ مش دي سهر مرات اخوكي
تلتفت منه ببتسامة/ اه هي
رشا/ طيب هسيبكو بقي مع بعض واشوف ماما راحت فين
منه/ شوفتها من شوية مع ماما
سهر/ صباح الخير
منه ورشا/ صباح النور
منه / انتي لسه صاحيه يا سهر
سهر/ صاحيه من حوالى ساعة تقريباً يدوب فطرت ولبست وجيتلك ع طول. ..ازيك يارشا
رشا/ الحمد لله. ..انتي اخبارك ايه يا سهر
سهر/ الحمد لله. ..تمام
رشا/ طيب اسيبكو واروح اشوف ماما
منه/'تشربي ايه
سهر/ شاي ب لبن
منه/ ههههههههههههههه
سهر/ بتضحكي ع ايه
منه/ معرفش ليه يا سهر بحس إنك لسه عيله مش مصدقه إنك من سني خالث هههههههه
سهر/ انتي بقي جايباني هنا علشان تتريقي عليه
منه /'لا يا بيبي انا بهزر معاكي
سهر/'لو فضلتي تتكلمي ب الأسلوب ده هسيبك وامشي بجد
منه /'ايه يا بنتي مالك هي حماتك منكده عليكى ولا ايه
سهر/'نفسي أعيش في بيت لوحدي تعبت من المشاكل وأسلوب الكلام اللي من تحت لتحت ده
منه/ بصراحه حماتك دي متتعاشرش بجد كويس إنك عايشه لحد دلوقتي ومرارتك متفقعتش من تصرفاتها اللي تخرج الواحد عن شعوره
سهر/ انا اللي مخليني مستحمله لحد دلوقتي هو أسر
لانه ملوش ذنب
منه/ عاقله اوي خليكي عايشه معاها لحد متجننك
يا بنتي زني ع ودانه خليه يشوفلك فيلا ولا حتي شقة ف أي مكان أهون من العيشه معاها
سهر/ ومين قالك اني مطلبتش كده بس أسر كل ميقتنع يرجع في كلامه تاني وادينا عايشين هي كل كام يوم تروح لمامتها تقعد عندها يومين وترجع تاني
منه / طيب كويس أهو بردو تلحقي تشمي نفسك في اليومين دول
سهر/ المشكله اني عندي إحساس إنها بتخططلي لحاجة وناويه تخرب بيتي وتجوز أسر
منه / ليه بتقولي كده يا سهر
سهر/ هاديه كده اليومين دول يا تري بتفكرلي في ايه بعد اللي عملته معايا ومع أسر
منه / هي صحيح كانت بتعملك سحر وحاجات كده زي اللي بنسمع عنها
سهر/ مش عايزة افتكر ارجوكي يا منه جسمي بيرتعش كل ماافتكر اللي حصل
منه/ طيب خلاص انا آسفة خلينا بقي في موضوعنا
سهر/ عايزة تعرفي ايه بقي عن اياد
منه/ عايزة اعرف كل حاجة عنه بيحب ايه بيكره ايه وحياته قبل السفر كانت ازاي حب قبل كده وياتري متجوزش لحد دلوقتي ليه
سهر/ طب واحده واحده بقي وانا هقولك كل حاجة عايزة تعرفيها
*--------------------------*
في شقة عمار.
علا/ يعني ايه هيتقدم ل منه هو كان لعب عيال ولا ايه
عمار/ أهو دا اللي حصل انتي بقي ايه اللي مزعلك
علا / بس مامتك كلامها وتصرفاتها مع نهى اختي كانت كلها تلميحات انها عايزة نهى ل اياد
عمار/ يا حبيبتي الجواز قسمه ونصيب ودي حاجة متزعلكيش انتي تزعلي لو ماما كانت كلمتك أو اياد اتصرف مع نهي بشكل تاني ولا لمحلها حتي بس انا شايف إن اياد كان طبيعى اوي ومبانش عليه حاجة تدل ع انه أعجب بيها ولا الكلام ده
علا بانفعال/ خلاص يا عمار انتهينا
عمار يقرب منها ويطبطب علي كتفها / متزعليش نفسك بقي. ..إن شاء الله. .يجيلها واحد يستاهلها
علا/ انا بس زعلانه اني رخصت اختي اوي وجبتها بيتنا تطبخ لمامتك واخوك وكمان راحت البيت عندكو وطبخت يوم فرح سلمي
عمار/ عيب تقولي كده احنا أهل يا علا ونهي جات تساعدك وراحت لماما تساعدها دا ميقللش منها في حاجة بالعكس هي انسانه طيبه وع طبيعتها
علا/ قسمه ونصيب زي ماقولت خلاص اعتبر اني مقولتش لك حاجة
*-----------------------------*
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
