الحلقة الثانية عشر
#احببته_كل_شيء2
____________________________________
هايدي انتي قفلتي
هايدي/ انت كنت بتقول حاجة؟
اسر/ بقول بحبك وعاوز اتجوزك
هايدي قلبها بيدق من الفرحه
اسر/ قولتي ايه
هايدي/ انت متأكد من اللي بتقوله ده
اسر/ اكيد طبعاً انا بقالي كتير بفكر اقولك بس كنت مستني اللحظة المناسبه ال اتأكد فيها من مشاعري
هايدي/ ومراتك
اسر/ مالها
هايدي/ هطلقها
اسر/ لأ
هايدي/ بتحبها
اسر/ انتي عارفة اني عندي بنت ومينفعش اسيبها تتربي بعيد عني
هايدي/يعني دا السبب اللي يخليك تتمسك بيها
اسر/ معلش ياهايدي بلاش كلام في الموضوع ده انا قولتلك ع اللي جوايا من ناحيتك ومنتظر ردك
هايدي/ وانا موافقه
أسر بفرحه/ يعني موافقه تتجوزيني وانتي عارفة إنك هتبقى زوجة تانية
هايدي/ موافقه
عشان متأكدة إن مش هيكون في قلبك غيري
اسر/ بس هيكون في غيرك ع فكرة
هايدي/ مين دي
اسر/ ملوكه حبيبة قلبي
هايدي / وانا موافقة إنها تشاركني فيك
اسر/'بس في شوية حاجات لازم نكون متفقين عليها قبل متكلم مع مامتك
_________________________________
في شقة منى.
سلمى بتنيم مالك
سهر قعده ع السرير أيدها ع خدها
سلمى / ملوكه نامت؟
سهر/ نامت بعد مغلبتني البركه في ابنك مبطلش تلطيش فيها سلمى / ههههههههههههه أخص عليكي ياسهر دا بيحبها اوى مشوفتهوش راح جري يصحيها ازاي
سهر/ ياريته كان سابها نايمه
شايفه وشها كله خرابيش ازاي
سلمى / يااختي هتروح هو يعني كان عمل ايه
سهر/ ع رأيك يعني هما كام خربوش ع كام قلم كده
حاجه بسيطة يعني
سلمى / يابت الواد بيحبها وعاوز يعمل عليها راجل من دلوقتي
سهر/ يااختي يغور الحب اللي بالشكل ده
سلمى / هههههههههههههههه
سهر/ مخدناش منه غير وجع القلب
سلمى / اخص عليكي ياسهر بقي الحب وجع قلب
دا أحلى حاجه في الدنيا
سهر/ ايه يااختي السهوكه اللي بقيتي فيها دي
سلمى / رامي اتغير اوي وبقي رومانسى
الظاهر المشكلة الأخيرة دي خلتو خايف أبعد عنه
أصل في رجاله كده مبتحبش الست الضعيفة وأول ميعرف انها بايعه بيخاف تضيع منه
لكن طول ماهو متأكد انها زي الخاتم في صباعه بيبيع ويشتري فيها
سهر/ اسر متغير اوي ياسلمى
معرفش في ايه عمره م كان قاسي اوي كده معايا
سلمى / عشان شايفك ضعيفة. ..جمدي قلبك ياسهر
هو اللي خسران
سهر/ نفسي ياخدني في حضنه زي زمان نفسي أحس بالأمان معاه انا مليش غيره يا سلمى
عشان كده ساكته ومستحمله وبقول بكره يراضيني
سلمى / عارفة ياسهر جوزك ده وراه واحده ست
سهر/ ايه!!!!
سلمى / ايوه واحده ست...... الراجل ميتغيرش كده بين يوم وليله إلا إذا كانت في ست في الموضوع
سهر/ لا يا سلمى اسر مش كده
منى تدخل عليهم/ متبطلي كلامك ده متقلقيش ياسهر جوزك مش كده يابنتي دا استحمل معاكي اللي محدش يستحمله عشان بيحبك لا يمكن يفرط فيكي ويبص لوحده تانية
سلمى / طيب انا غلطانه ليكو بس بكره تقولوا سلمى قالت
سكتت سهر والدموع في عينها
سلمى / بتقولك ياماما بقاله شهر هو في اوضه وهي في اوضه
بقي هو دا أسر إللى كان دايما يتخانق معاها عشان ليله بتباتها مع بنتها
منى / مش عارفة بس يمكن في حاجه مضايقاه
مسالتهوش ليه يا بنتي
سهر/ جرحني وحسسني اني كنت عبء عليه لما كنت تعبانه
سلمى / أخص عليه راجل معندوش أصل
سهر/ حاسه اني مبقتش فارقة معاه
حتي مفكرش يتصل يطمن علينا وصلنا ولا لا
منى نظرت لسلمى وسكتت
سهر / انا هروح بكره انضف الشقة عشان اقعد فيها
منى / ليه ياسهر
هتقعدي هناك لوحدك ازاي يابنتي وبعدين انا قولتله يومين وهرجهالك متصغرنيش قدامه
سهر / هو مش عايزني اصلا ياخالتو
كل الحكاية إنه مكانش عايزني أخرج بملكيه
وقال عاوزه تخرجي
تسيبي مليكه هنا
منى / كلام يابنتي
اهو اي كلام بس بيقولهولك عشان متخرجيش هو عارف إنك متقدريش تبعدي عن بنتك
سلمى / انتي تقعدي هنا يومين وترجعي بعدها بيتك متسبيش خرم ابره إلا لما تدوري فيه
تراقبيه أربعة وعشرين ساعة تليفونه ده يبقي معاكي بعد مينام تشوفيه كلم مين راسل مين ع الموبايل
تعمليله مفاجأة كده وتطبي عليه في الشركة تشوفيه موجود ولا بيتصرمح بره مين عنده ف المكتب المهم مبيعدش عنك لحظة
منى / ايه الهبل اللي بتقوليه ده
سلمى / هو دا بقي الحل الوحيد
ماهي مش هتروح تسأله وتقوله قولي مين اللي مغيراك ومشقلبه كيانك وخلتك قلبك يجمد عليه كده
سهر/ اللي افضل
من كل ده انى اريح دماغي
واللي يفكر يبعني مش هتمسك بيه ياسلمي
سلمى / يعني لو عرف واحده وخانك معاها
مش هتنهاري وتصرخي وتكسري الدنيا
سهر/ لأ مش هعمل كده
سلمى / اومال عماله تبلبعي في القرف دا ليه
دا الشريط جمبك خلصان
سهر/ انا داخله الحمام
منى لسلمى / انتي ياللي تتشكي مش هتبطلي كلامك ده
سلمى / هو انا قولت ايه
منى / خيالك واسع اوي
يعرف عليها ايه. .ويخونها مع مين؟!!!
سلمى /'خلاص انا غلطانه. ..خليها تسيبوا براحته
ومتبقيش تعيطي عشانها لأنك منصحتهاش
كل اللي عملتيه ياماما انك جبتيها هنا
يعني بتزودي الفجوه بينهم اكتر
منى / وكنتي عايزاني اعمل ايه
انتي بس عشان مشوفتهاش هناك كانت عامله في نفسها ايه
بتقولي أي كلام !!!!
_____________________________
أنت تقرأ
أحببتها رغم كل شيء 🥰
Romanceاجتماعية رومانسية لفتاة عانت كثيراً من زيجات والدتها حتى تستقر سهر في منزل خالتها التي عاشت معاها ك ابنتها ف أحبها أبن خالتها منذ الطفولة ليسافر وتلتقي بمن احبها وتحدي كثيراً من أجلها سهر تعيش الماضي والحاضر معاً ♥️ تعالوا نعرف حكايتها 💚💜
