أحببتها رغم كل شيء 🥰

الحلقة ٣٤

الحلقة الرابعة والثلاثون
#احببتها_رغم_كل_شيء
#بوسي_مصطفي
*----------------------------------*
ملك/ يلا بينا ياابني انت هتقعد هنا تعمل ايه مبقتش تلزمنا وكويس إن اللي في بطنها نزل علشان ميكونش في حاجة تربطنا بيها
مني/ اسمع كلام مامتك يااسر هي بتتكلم صح
بس ليكي يوم يا ملك
حسبي الله ونعم الوكيل
زي بهدلتيها وقهرتيها كده ياريت تكوني استريحتي وتبطلي مشوره للدجالين اللي بتروحلهم علشان تخربي بيت ابنك
ملك/ انا مش هرد عليكي علشان بس عذراكي مصيبتك كبيرة في ابنك وبنت اختك لكن انا بقي ابني هيطلق بنتكو ويرميها ويناسها ويتجوز ست ستها اللي تصونه وتستحق تشيل اسمه مش بنتكو اللي طالعه لأمها
صحيح اقلب القدرة ع فمها تطلع البنت لأمها
اسر/ كفاية يا ماما بقي
منى /'ليه متخليها تتكلم وتقول اللي في نفسها
اسر/ انا هوصل الحسابات واجي ع طول
منى / كتر خيرك بس متجيش انا هاخد سهر ونمشي
اسر/ تاخديها فين؟
منى / متخافش سهر مش هتقعد في بيتي هترجع بيت أبوها بعد مطرد اللي اسمه فارس دا من الشقة
أسر / براحتكم بعد اذنك
منى / أسر استني
اسر/ خير لسه في حاجه تانية عايزة تقوليها
منى / انا هيبقى ليه قعدة معاك بس لما سهر تشد حيلها شوية وهفهمك كل حاجه بس مش معني كده إننا بنعمل ده علشان ترجع ل بنتنا لأ احنا عايزينك تطلقها وانت عارف انها عفيفه وعمرها مخانتك
ملك/ واضح اوي ابقي جوزيها ل ابنك يلا يا أسر
*---------------------------------*

في فيلا اسر في الصباح
حسام / أسر انت فين باباك قالب الدنيا عليك وانا اتصلت كتير مردتش
اسر/ معلش يا حسام انا تعبان ومش هقدر أجي النهاردة ولا قادر اتكلم ع فكرة عشان مترغيش كتير
حسام / طب قولي عملت ايه رحت شقة حماتك وايه اللي حصل هناك؟... اشتغاله صح؟
اسر بانفعال/ حسام انا تعبان قولتلك
حسام/ خلاص هبقي اكلمك بعدين بس اقول ايه ل باباك دلوقتي
اسر بانفعال/ قوله أي حاجة اقولك قوله أسر مات اقفل بقي
يقفل أسر التليفون ويحدفه في الأرض
...................................

في الشركة
حسام/ هو ايه أصله ده؟ !!!
يادي المصيبة ليكون المسج دا بجد وأسر راح هناك فعلا ولاقي. ..لا لا
استغفر الله العظيم
انت بتقول ايه يا حسام مستحيل سهر تعمل كده اكيد في حاجة غلط. ..طيب أسر مضايق ليه ؟!
ايه الحيره دي بقي؟
موظفة في الشركة/ أستاذ حسام حضرتك بتكلم نفسك
حسام ب ارتباك/ ها. ..لا هو معقولة حد يكلم نفسه بردو
الموظفه/ طيب علي بيه عايزك في مكتبه
حسام/ حاضر
*-----------------------------------------------------*

في شقة سهير
منى ل سلمى / سبيها انا هسندها افرشي انتي السرير يابنتي علشان تستريح
سلمى / حاضر يا ماما
حمدا لله. ..علي سلامتك يا سهر
سهر بصوت متعب/ الحمد لله علي شيء
سلمى / السرير اتفرش يلا بقي يا سهر تعالي نامي
تقوم من ع الكرسي
منى / استني يا حبيبتي اسندك
سهر/ لا يا خالتو انا كويسه هقدر امشي كفاية ع حضرتك كده تعبتك معايا
منى / اخص عليكي يا سهر تعب ايه اللي بتقولي عليه ده
هاتي يا سلمي المخده اللي عندك دي تسند ضهرها بيها
سلمى / اتفضلي يا ماما. ..هروح بقي اعمل ل سهر أكل تلاقيها هفتانه وجعانه
سهر بحزن وهي حابسه دموعها/ لا مليش نفس
منى / انتي بتقولي ايه ملكيش نفس ازاي لازم تتغذى انا هروح اعملك الأكل وخليكي يا سلمى معاها
خرجت منى من الغرفة
سلمى ل سهر/ لو عايزة تنامي ريحي جسمك ونامي ياسهر انا هفضل قاعدة هنا معاكي علشان لو احتاجتي حاجة اعملهالك
سهر/ متشكره يا سلمي
سلمى وهي مقربه ناحية سهر/ ايه متشكره دي؟!
انتي ناسيه انك اختي ولا ايه
سهر بدموع / واكتر من اختي
سلمى / طب ليه الدموع دي بقي
سهر / صعبان عليه نفسي اوي
انهارت سهر بالبكاء
سلمى / اهدي بس يا سهر انتي لسه تعبانه ومحتاجة تستريحي والعياط دا هيتعبك اكتر
سهر/ بحبه اوي يا سلمي وصعبان عليه نفسي اوي منه كان نفسي يكون جنبي في الوقت ده كان نفسي أيده تطبطب عليه كنت عايزة حضنه يطمني انا بموت بموت ومش عارفة هكمل حياتى من غيره ازاي
هصحي من نومي مسمعش صوته ولا أحس ب أيده وهي بتصحيني خلاص مبقاش لحياتي طعم ولا معنى بعد ماراح اغلي حاجة عندي
سلمى /'علشان خايبه وبتبصي تحت رجلك
سهر وهي بتمسح دموعها/ يعني ايه
سلمى / انتي عارفه يا سهر إنك مكونتيش مبسوطه وانتي عايشه معاه دايماً والدته بتحسسك بالنقص وإنك أقل من ابنها وانه يستحق واحده احسن منك مش دا اللي دايماً كنتي بتقوليهولي
سهر/ ايوه بس ميطلقنيش بالشكل ده ويشك فيه انتي مش عارفه قالي ايه سمعت منه كلام عمري متخيلت انه يقوله ليه دا عايرني ب امي واتهمني في اغلي حاجة عندي
سلمى / ولسه بتحبيه؟!!!
سهر/ مش قادرة أكرهه
سلمى / امسحي دموعك وخليكي اقوي من كده انتي معملتيش حاجة علشان تعيطي هو اللي خسرك وخلي مامته تجوزه بقى اللي ع مزاجها
سهر / هيطلقني يا سلمي هيطلقني
يعني مش هشوفه تاني ولا اسمع صوته
سلمى / يا بنتي كفاية بقي صحتك يا سهر علشان خاطري ريحي نفسك شويه ونامي
تدخل منى / في ايه يا سلمي
مالك يا سهر عامله في نفسك كده ليه يا بنتي انتي تعبانه ومش حمل اللي بتعمليه ده
سهر/ تعبانه وعايزة انام
منى / طيب يا حبيبتي نامي انا قاعدة جنبك هنا
تغمض سهر عينها وتنام تقرب مني منها وتمسح دموعها
تخرج سلمى من الغرفة وهي بتعيط
*------------------------*
منى تخرج من الغرفة/ افتحي التليفزيون دا يا بنتي خلينا نتلهي في أي حاجة بدل الغم اللي احنا فيه ده
سلمى / صعبت عليه اوي يا ماما لما قالتلي إنها بتحبه ومش قادرة تتخيل انها هتعيش من غيره
منى / وقولتلها ايه
سلمى / قولتلها أي كلام علشان متتعبش اكتر
ماما هو خلاص اسر هيطلقها فعلا
منى / حتي لو أسر عرف الحقيقة سهر مش هتقدر تسامحه وهو دا اللي مخوفني
سلمى /'عارفة يا ماما انا فكرت إن لو دا حصل هيبقى في مصلحة اياد وترجع سهر ليه ويتجوزوا
منى / انتي اجننتي عايزة تخربي بيتها؟ !!
لأ وكمان الناس تصدق إن كان في حاجة بينهم فعلا
سلمى / لا يا ماما انا مفكرتش في كده خالص انا قولت يمكن تكون دي الفرحه اللى جات بعد العذاب اللي شافه اياد وبعده عن سهر السنين دي كلها حضرتك مشوفتيش اياد عامل في نفسه اياد دا قافل باب اوضته ومش عايز يكلم حد
منى / اياد وسهر مش مكتوبين لبعض ومستحيل يرتبطوا
ببعض مبقاش ينفع وميصحش اننا نتكلم في حاجة زي دي وهي لسه ع ذمة راجل
جرس الباب يرن
تفتح سلمى الباب
منى بدهشة / سهير!!!!
انتي جيتي ازاي
وتجري عليها تسندها
سهير/ سيبتوني لوحدي في المستشفي وملقتش حد جنبي في ايه يا مني قوليلي
منى / طيب ادخلي الأول استريحي
ازاي يسيبوكي تخرجي من المستشفي كده
سلمى / تعالي يا خالتو استريحي هنا
سهير وهي بتقعد/ انتوا هنا ليه؟ !
منى نظرت ل سلمى وسكتت
نظرت سهير ل غرفة سهر / هي اوضة سهر مفتوحه ليه
انا دايماً قافلاها ب المفتاح
هي سهر هنا؟
منى / بقولك ايه يا سهير يااختي تعالي استريحي في اوضتك احسن
تسندها مني وتقرب من اوضة سهر
سهير/'سهر هنا مش كده
وتدخل الغرفة
سهير/ سهر بتعمل ايه هنا يا مني ومالها نايمه كده ليه
هي تعبانه ؟
وقربت سهير من سهر / بنتي مالها يا مني؟
منى / تعالي بس جوه استريحي وهبقي اقولك ع كل حاجة
لمست سهير وجه سهر ب حنين
فتحت سهر عينها ببطء / ماما!!
سهير/ استريحي يا حبيبتي انا كويسه
أغمضت سهر عينها مره تانيه
منى أمسكت ب ايد سهير وخرجوا من الغرفة
سهير/'قوليلي ع كل حاجة يا مني سهر مالها شكلها تعبان اوي وايه اللي في وشها ده؟ !!!
منى / هقولك بس ياريت تلاقي حل وتبعدي الزفت اللي اسمه فارس ده عن البيت علشان لو شوفته هقطعه باسناني
سهير/'فارس ليه عمل ايه؟!
منى /'عمله اسود ومهبب تعالي استريحي وانا هقولك كل حاجة
*---------------------------*
في شقة علي الحسيني
علي/ ياترى شوفتي الفلوس واطمنتي ههههههههه
عزيزة وهي مكبله بالحبال / كنت عارفة إنك كداب وهتعمل حركة من حركاتك القذره دي
علي/ هههههههه افتكرتيني مغفل صح
عزيزة/ يا ويلك مني يا علي
علي / ههههههه جرالك ايه يا ست انتي هو انتي فيكي حيل لسه للتهديد الظاهر الضرب محوقش فيكي والرجاله دي معملتش الواجب
عزيزة/ اطمن يا علي الأوراق عند المحامي ووصيته لو حصلي حاجة يروح يبلغ
علي/ خليه يبلهم ويشرب ميتهم
عزيزة/ واضح إنك مش خايف بس لعلمك انا موصيه ع ولادك توصيه جامده اوي وهما عارفين هيعملوا ايه
لو مظهرتش خلال اربعه وعشرين ساعة هينفذوا اللي اتفقنا عليه
علي/ لغة التهديد دي مبتاكلش معايا خليكي فاكرة كويس.... وانا ولادي عارف هقدر احميهم ازاي خافي انتي ع نفسك
عزيزة/ خرجني وهات فلوسي بدل متتفضح يا علي
علي يشارو للرجاله
علي/ متتفكش إلا لدخول الحمام وتوقفوا ع الباب لحد متخرج مفهوم
رجالته/ مفهوم يا باشا
علي/ تتربط تاني زي ماكانت أي غلطه متعرفوش ممكن اعمل ايه
*----------------------------------*
في فيلا اسر
تدخل ملك غرفة اسر ببتسامة وتقرب تفتح ستاير الغرفة
اسر وضع أيده ع وجهه
ملك/ صباح الخير يا حبيبي الساعة حداشر قوم بقي يلا
اسر/ أقوم اعمل ايه ماما لو سمحتي اقفلي الستاير علشان اعرف انام
ملك/ باباك اتصل اكتر من مره وعايزك تروحله دلوقتي حالا
اسر/ مش قادر أنزل
ملك/ مش قادر يعني ايه؟!. .انت مفكر نفسك علشان زعلان شوية خلاص الدنيا اتهدت وهتقعد بقى في البيت والدنيا هتوقف
اسر/ وحشتني اوي يا ماما
ملك بضيق/ نعم!!! أنت بتقول ايه
هي مين دي اللي وحشتك
اسر/ حاسس اني ف كابوس وهصحي الاقي حياتي زي ماهي مش مصدق اللي حصلي انا حبتها اوي وع قد حبي ليها ع قد وجعي من اللي شوفته منها
ملك/ ولسه بتحبها؟!!!!
دي ترملها ورقتها وتشوف نفسك بقي كفاية السنين اللى عشتها معاها تعبتك ووجعتك استحملتها كتير واستحملت تعبها وقعادها في المستشفي ب الشهور
واهي كفأتك في النهاية وخانتك
اسر/ وجعتني اوي
وبكى اسر
ملك/ امسح دموعك وقوم شوف شغلك وبكره اجوزك اللي تستاهلك
اسر/ جواز! !!! لا لاكفاية كده انا جربت مره ومعنديش استعداد أكررها تاني... بس اخلص الموضوع دا عشان افوق لنفسي بقى
ملك/هتفوق وهتبقي احسن من الاول وهترجع أسر ابني حبيبي
وحضنته ملك بكل قوتها
اسر/هو ممكن اكون بيتهئلي ياماما... يعني سهر مكانتش هناك مش كده
ملك/مش قادر تصدق ولا عايز تسامحها عشان بتحبيها
اسر/حاسس إن قلبي هيوقف.... ماما ابوس ايدك ضلمي الاوضة عايز انام
ملك/بتهرب يااسر... بتهرب من الحقيقة
اسر/م حبيتها ولا شوفتها
*----------------------------*
في شقة منى
منه/ الف سلامة عليكي يا سهر
سهر / متشكره يا منه
منه/ متزعليش بكره. .إن شاء الله
تجيبي بنوته حلوه كده وزي القمر طالعه ل عمتها بس تسميها بقي ع اسمي هههههههه
سلمى تدخل /'اتفضلي يا منه
منه / تعبتي نفسك ليه بس يا سلمي
سلمى /'تعبك راحة. ..اخبارك ايه
منه / الحمد لله. ..تمام
هو اياد فين
سلمى نظرت ل سهر ب ارتباك
منه/ انا بتصل بيه مبيردش قلقت وكمان اتصلت بسهر كتير علشان كده اتصلت بيكي اطمن وكويس إنك قولتيلي علشان أجي اطمن ع سهر
سهر/ متحرمش منك
وبكت سهر
منه/ ايه يا سهر مالك يا حبيبتي. ..أجمدي شوية
علشان اسر ميزعلش اكتر
نظرت سهر ل سلمين بحزن
سلمى / تعالي يا منه نقعد مع بعض في البلكونة ونسيب سهر تستريح
منه /'انا آسفة اكيد تعبتك وصدعت دماغك
سهر/ لا ابدا انا كويسه وكفاية جيتك ليه لحد هنا
منه / طيب هنسيبك تستريحي يلا يا سلمي
*----------------------*
سهير/ انتي بتقولي ايه يا مني
فارس مش ممكن يعمل كده اكيد في حاجة غلط
منى / بعد كل اللي قولتهولك لسه بتدافعي عنه
سهير/ بس ايه مصلحته إنه يعمل كده
منى / يااختي سيبك منه دلوقتي وخلينا في المصيبه اللي احنا فيها
سهير/ وأسر ازاي يشك في سهر هو مش عارف مراته ولا ايه
منى / أسر زي أي راجل وكويس إنه معملش فيها حاجة لانه معذور البيه اللي انتي متجوزاه هو السبب
هو راح فين يا سهير؟
سهير/ ولا شوفت وشه من وقت مخدني المستشفى رماني هناك وسابني
منى / علشان تدافعي عنه كويس دا معندوش أصل ولا دم معرفش مستحملاه ازاي
سهير / كرهتهم. ..كرهت صنف الرجاله كله يا منى.
منى / لسه فاكره. .ياريتك كرهتيهم من زمان مكانش حصل اللي احنا فيه دلوقتي
سهير/ انا هروح ل أسر أفهمه كل حاجة
مني/ من غير وجود فارس مش هيصدق اعرفلنا طريقة فين وعمار واياد يروحوا يجيبوه من قفاه ويعترف بكل حاجة
سهير/ هو فين اياد
منى / اياد في الشقة يا حبة عيني حابس نفسه في اوضته ومبيكلمش حد
سهير / اتصلي بيه خليه يجي حالا
منى / انتي عارفة فارس فين ؟
سهير/ اه هو لما بيختفي بيكون هناك
منى / هناك فين
سهير/ اتصلي بس ب اياد وخليه يجيب عمار وهو جاي وانا هقولهم ع مكانه
منى / ياريت يا سهير انا اعصابي تعبت من اللي حصل دا اوي
*-----------------------------*
في شقة حسام
يارا/ وانت بقي عايزيني أصدق كلامك دا؟
حسام / التليفون عندك اتصلي ب أسر واتاكدي
يارا/ ورحت ليه هناك انتوا مكنتوش مع بعض في الشركة حسام/ أسر مجاش النهاردة ورحت أطمن عليه
يارا/طب هات التليفون لما اتأكد
حسام / انا داخل انام وأبقى اتاكدي براحتك انا مش فايقلك
يارا تمسك التليفون وتتصل ب أسر
أسر قاعد في مكتبه التليفون يرن
اسر/ الو. ..يارا
يارا/ الف سلامة عليك حسام قالي إنك تعبان
اسر/ متشكر اوي ..انا كويس. ..الحمد لله
يارا/ حسام منسيش محفظته عندك عمال يدور عليها وقالبنا الشقة كلها ملهاش أثر
اسر/ هدورله عليها... حاضر
يارا بفرحه/ معلش دور في المكان اللي كنتوا قاعدين
فيه
اسر/ حاضر. ..بس هو فين
يارا/ دخل ينام من التعب اصلنا دورنا كتير انا بقي فكرت انه ممكن يكون نسيها عندك أصلها فيها ورقة مهمه اوي
اسر/ لا خلاص انا هدور احتمال كبير يكون نسيها هنا ويمكن تكون وقعت منه في العربية
يارا/ خلاص دور عندك وانا لما يصحي هخليه ينزل يدور في العربية لو ملقتهاش عندك
معلش دوشتك
اسر/ لا ابدا مفيش حاجة شوية وهكلمك
يارا/ أوك سلام
قفلت يارا التليفون ودخلت ل حسام الغرفة ب هدوء
يارا وهي مقربه ناحيه حسام / حسام. ..حسام. ..حساااااام
حسام يفتح عينه بفزع/ ايه في ايه؟
يارا/ متخافش يا حبيبي دا انا يارا حبيبتك اللي متقدرش تعيش من غيرك
حسام بسخريه / لا بجد ايه مالك انتي سخنه ولا حاجة
يارا/ لا يا حبيبي انا كويسه بس حبيت اقولك اني آسفة بجد معقوله أشك في حبيبي هو انت في حد في اخلاقك ولا استقامتك من البيت للشغل ومن الشغل للبيت دا انت انسان نادر الوجود
حسام/ هههههههه لا يا شيخة ثبتيني انتي بالكلمتين دول
اكيد دا بعد متكلمتي مع أسر واتاكدتي اني كنت عنده
تليفون حسام يرن
يارا ب ارتباك /شوف مين اللي بيتصل
حسام/ الو. ..خير يا أسر انت كمان
اسر/ مالك في ايه؟.. ع العموم انا دورت في المكان اللي كنا قاعدين فيه ملقتش حاجة دور عندك في العربية ولا يمكن وقعت منك في الشارع
حسام بدهشة/ هو ايه اللي دور؟! انا مش فاهم حاجة
اسر/ ياابني محفظتك مش ضايعة منك
حسام/ محفظتي؟ !!!مين قالك كده
اسر/ مراتك اتصلت
حسام يقاطعه وهو ناظر ل يارا/ خلاص يا اسر لاقتها
اسر/ طيب كويس سلام
يقفل حسام التليفون
يارا/ شوف بقي ماهو انا كان لازم اتأكد
آه مش هعيش معاك كده معرفش بتروح فين ولاكنت مع مين
حسام ب انفعال/ ممكن تخرجي دلوقتي وتسبيني عايز انام
يارا/ انا كنت بس
يقاطعها حسام بغضب ويعلو صوته/ عايز اناااااام
يارا بخوف/ حاضر هخرج
*--------------------------------*
في أحد الشقق
عمار / قدامي يلا ولا السكينة دي هتكون في قلبك
فارس / انا هوديكو في داهية انتوا ازاي تتهجموا علينا كده
عمار/ دا ع أساس اننا دخلنا شقة محترمة اوي
دا في اتنين لسه طالعين من جوه طلعلنا الباقي بقي علشان يتفرجوا عليك وانت بتدبح زي الفرخه
اياد/ امشي معانا بالذوق احسنلك بدل منبلغ عنك حتة الحشيش موجوده واهي البنات مشرفين عندك كمان
يعني مخدرات وآداب دا احنا هنوديك في داهية الليله
فارس/ طب انا عملت ايه لكل ده وبعدين عيب دا انا حتي جوز خالتكو
عمار بسخرية/ تصدق ياض ضحكتنا اوي جوز مين يا ننوس عين أمك انت مصدق نفسك ألحق دا بيقولك جوز خالتنا هههههههههههه
اياد / سيبك منه هو الظاهر واخد ع الأقسام داير ولافف فيها كتير وعاجبته النومه هناك
فارس/ طب متقولولي يا جدعان عايزيني في ايه وانا هجيب معاكو من الاخر
اياد/ مينفعش نجيب سيرة إنسانه أشرف منك ومن اللمامه اللي معاك دول في مكان قذر زي ده امشي قدامنا احسنلك بقي انت كده كده رايح في داهية
*-------------------------------*
في شقة سهير
سلمى /أهدى بقي يا سهر
سهر بانفعال / حد قالكو اني عايزة اشوفه يجي هنا يعمل ايه
سهير/ يا حبيبتي لازم يعرف الحقيقة
منى / ايوه يا بنتي لازم يعرف انك مخنتهوش وإنك نضيفه وعمرك معملتي حاجة غلط
سهر/ وبعد ميعرف ؟!!!!!
سهير/ ترجعي بيتك يا حبيبتي ويعتذرلك قدام كل الناس اللي تهنتي قدامهم
سهر/ وكده بقي هنسي اللي حصل مش كده؟!!!
سهير/ يعني ايه ياسهر.... عايزة ايه بالظبط قوليلي
سهر/ يعني البيه لما يعرف الحقيقة كده يبقي رد اعتباري وكرامتي وشرفي اللي داس عليه هو ووالدته ويرجعلي ابني اللي ملحقتش افرح بيه لا يا ماما
لا يا خالتو مبقاش يلزمني خلاص
سلمى / طيب يا سهر ع الأقل يعرف انك مظلومه علشان يحس بالذنب ويعرف هو قد ايه ظلمك
جرس الباب يرن تدخل سهر اوضتها بسرعة
منى تفتح الباب
اسر/ سلام عليكم
منى / وعليكم السلام ادخل ياابني
سهير/ تعالي يا اسر
اسر بدهشة/ طنط انتي خرجتي من المستشفى أمتي؟
سهير / سيبك مني دلوقتي وخلينا في مشكلتك انت وسهر
اسر/ موضوع وانتهي يا طنط انا بس جيت لان طنط مني قالتلي إنها محتجاني في موضوع مهم
سهير/ طول عمرك أصيل ياابني اقعد بقي نتكلم مع بعض شوية علشان تفهم كل حاجة
اسر بانفعال / الموضوع واضح ومش محتاج كلام تاني يتقال وانا لو اعرف إن دا الموضوع اللي حضرتك عايزاني فيه مكونتيش جيت
منى /لا انا جاي عارف اني هكلمك في الموضوع ده
سهير/لو لسه بتحبها اقعد وانت تفهم كل حاجه
سهر تخرج بغضب/ جاي ليه انا مش عايزة اشوفك هنا... اخرج بره يلا
اسر ينظر لها بحده/ حاضر
ويقوم اسر يتجه ناحية الباب
منى تمسك يده / اقعد ياابني نتفاهم
سهر/ سبيه ياخالتو يخرج بس قبل ميخرج يطلقني
سهير/ اهدي يا سهر الكلام ميكنش كده
اسر / ليكي عين تتكلمي بعد اللي شوفته بعنيه
سهر/ ولما انت راجل اوي كده وشايفني واحده خاينه مطلقني يااخي مستني ايه
اسر بانفعال وهو مقرب منها/ أنا هعرفك اني راجل ولا
سلمى توقف بينهم وهي بتصرخ / كفاية بقي اللي عملته فيها انت عايز ايه؟
اسر/ واللي هي عملته فيه دا يبقي ايه
سهير/ مااحنا جيبنك هنا علشان نفهمك
اسر/تفهموني ايه... انتو شايفني مغفل للدرجادي؟!
جرس الباب يرن
تجرى مني تفتح الباب
ينظر اسر بدهشة/ وكمان جاي هنا برجليك
ويتجه ناحية اياد عشان يضربه
عمار / استني بس يا اسر هنفهمك كل حاجة
متتكلم يا فارس وتقول الحقيقة
فارس / بس انا لو أتكلمت هتصدقوني
منى / أتكلم بقي بس أهم حاجة تقولنا ليه عملت كده؟
*--------------------------*
#احببتها_رغم_كل_شيء
#بوسي_مصطفي