أحببتها رغم كل شيء 🥰

الحلقة ٢٤

*****************
الحلقة الرابعة والعشرون
#احببتها_رغم_كل_شيء
#بوسي_مصطفي
................
تتفاجئ سهر ب أسر جاي ناحيتها بغضب توقع السيجارة من ايدها أسر يمسكها ب ايده
اسر/ ممكن اعرف ايه ده ؟!!!!!!
منه بارتباك/ دى سيجاره عادية كنا بنجرب بس
أسر بدهشه / نعم بتجربوا ايه!؟
ونظر لسهر/ وانتي يا هانم ماسكه السيجارة كأنك ماسكه مصاصه
سهر بخوف/ دي اول مره أمسك سيجاره في أيدي ومشربتش منها حاجة
اسر بسخرية/ لا بجد!!! تحبي أخرج علشان تاخدوا راحتكو اكتر وتشربوا بمزاج
منه / انا اللي همشي سلام
اسر/ استني عندك هنا وريني شنطتك دي فيها ايه
منه بارتباك/ هيكون فيها ايه يعنى
أسر يخطف الشنطة منها
منه / ع فكرة عيب اوي اللي بتعمله ده مش من حقك تفتش في حاجتي كده
أسر ممسك علبة سجاير/ وايه دي؟ !!! أول مرة مش كده
ومعاكي علبه كامله. .انطقي بتشربي الهباب دا من أمتي
منه بغضب / آه بشربه وانا حره هي صحتك انت ولا صحتي انا
أسر بغضب/ أوك يا منه اعملي اللي يريحك بس من هنا ورايح مفيش فلوس أظن فاهمه
وخرج فلوس من الشنطة / دول بقى فلوسي اكيد عارفة
منه بغضب/ طيب يا أسر مش عايزة منكو حاجة
وخرجت منه من الغرفة بانفعال
ينظر أسر ل سهر بغضب
سهر/ انا
أسر يقاطعها/ انتي تخرسي خالص. ..مسمعش صوتك هي وصلت كمان للسجاير
هو احنا كنا خلصنا من القهوة علشان تشربيلي سجاير كمان
سهر/ انا آسفه اول وآخر مره معرفش انا عملت كده ازاي
بس منه هي السبب عزمت عليه بيها
اسر/ عزمت عليكي؟ !!!..وانتي بقي محبتيش تكسفيها صح؟!!!
عيله صغيرة مش عارفة الصح من الغلط؟
سهر/ خلاص يا أسر قولتلك آسفة ...هي اغرتني بصراحة انا كان نفسى اجرب
أسر بسخرية/ جربي يا حبيبتي مش عيب تحبي اخدك ع كباريه تشربي هناك اللي انتي عايزاة ولا اقولك أسألك ع تاجر كده يكون امين بيبيع صنف معتبر مش مغشوش
سهر/'يووووه كفاية تريقة بقي
قولتلك كانت أول مره ومشربتش منها حاجة
كويس انك دخلت قبل مااخد اول نفس
اسر/ نفس؟!!!..سهر بقولك ايه مفيش حاجة كده تشغلي نفسك بيها وتبعدي عني الساعةدي لاني مش طايق نفسي
سهر تقرب منه / بقي كده مش طايقني ولا عايز تشوفني قدامك. ..مخصماك
اسر/ لا ماهو جو الحنينه والخصام والكلام دا مياكولش معايا انتي غلطتي ولازم تتعاقبي
سهر/ أوك موافقة اتعاقب بس إلا اني أبعد عنك
أسر يبتلع ريقه/ قولتلك جو الحنيه دا مش هياثر فيه
سهر وهي تحتضنه وتقبله /'خلاص بقى ميبقاش قلبك أسود كده... تحب اكتبلك إقرار اني مش هعمل كده تاني... ولو حصل أبقى اعمل اللي انت عايزة
بس قولي هي منه بتشرب سجاير من أمتي؟ !!!
اسر/ تشرب ولا متشربش أهي ف الآخر هتظبط من بابا متلبسه ووقتها مهيرحمهاش الدور والباقى عليكي انتي
سهر تحاول تغير الموضوع/'شوفت فارس قال ايه
اسر/ توهي. .توهي
سهر/ لا بجد مسمعتوش وهو بيهددك
اسر/'ولا يقدر يعمل حاجة دا لسان بس ع الفاضي
سهر/ لا لازم تاخد بالك منه اللي زي ده يعمل أي حاجة علشان الفلوس
انت السبب في معرفتنا بيه
أسر / كررتيها كتير ع فكرة وبعدين السبب في ايه دعيته يوم خطوبتنا زي م دعيت ناس كتير من أصحابي وزمايلي في الجامعة. ..ايه مامتك مثلا كانت هتتجوز كل دول
ولا هي اللي صدقت كلامه ووقعت في حبه واتجوزته
قوليلي هو اخد من مامتك كام
سهر/ ميه وخمسين الف بتسال ليه
اسر/ أصلي شوفته من يومين راكب عربيته ومعاه واحده كده الظاهر هيتجوزها ولا متجوزها معرفش
سهر/ ومن غير جواز يا حبيبي الموضوع دا عادي بالنسبه ليه بس هو مش غلطان ماما هي اللي بتصدق الرجاله بسرعة مع اني اعرف انهم ملهمش أمان
أسر / مش كلهم يعني
سهر/ لا معظمهم والدليل جوازات ماما الكتير من رجاله اسما بس
أسر / مامتك اللي مبتعرفش تختار ونصيبها هو اللي وقعها في الجوازات دي...
وبكل ثقه/ماهو عندك انتي مثلاً متجوزة واحد مفيش زيه الناس كلها بتحسدك عليه
سهر/ ههههههه يا مغرور
اسر/ ههههه لا يا حبيبتي دا مش غرور دي ثقه بالنفس
سهر/ بس وسعت منك شوية
اسر بغضب/ نعم!!!!!!
سهر/ هههههه بهزر يا حبيبي خلاص مش زعلان مني
اسر/'يا حبيبتي انا خايف عليكي وعايزك تصحصحي لنفسك ومش أي حد يقولك ع حاجة تعمليها
سهر/ أسر هي السجاير فعلا بتريح الدماغ وتضيع الصداع
اسر/ هو من حيث بتضيع فهي بتضيع فعلا
بس بتضيع الصحه وكمان بتخسر البنت نفسها وخصوصاً لو مكنتش مجرد سيجارة عادية أظن فهماني
سهر/ معاك حق بس هي بتضيع الاتنين الراجل والست
أسر يقعد ع السرير بتعب/ عارفة انا شغال من أمتي ؟
من وقت م جيتك من عندك الصبح مخلصتش غير من حوالي نص ساعة بس
سهر/ معلش يا حبيبي انا عارفة إنك تعبت اوي النهاردة بس اطمن انا مش رايحه عند ماما تاني
اسر/ لا يا سهر متقوليش كده دي مهما كان مامتك بردو والوقت اللي تحبي تروحي فيه هناك قوليلي وانا اخدك ع هناك ع طول
سهر/ حبيبي متحرمش منك
.............
في شقة منى.
منى / مقولتليش ايه رأيك
اياد/ في ايه؟
سلمى ناوليني طبق العنب اللي قدامك دا.
منى / في ايه يا اياد مالك مش مهتم بالموضوع كده.
سلمى / ما تقولولي ايه الموضوع يمكن افيدكو.
منى / خليكي في نفسك انتي بس. ..تخرجي من الضهر مترجعيش غير حداشر بالليل وياريتكو اشترتوا حاجة.
سلمى / يعني نعمل ايه مفيش حاجة مناسبة لينا والأسعار ايه نار ياماما.
منى/ ويعني لازم تجيبو حاجة غالية متيجبو ع قد فلوسكو.
سلمى / ع قد فلوسنا !!!..ماهي دي المشكلة مفيش حاجة اصلا ع قد فلوسنا والجوازة شكلها كده هتتاجل تاني حتي مامته معاندة ومش عايزة رامي يبيع حاجة من الأرض اللي باباه سابها منى / ليه يا بنتي مش دا حقه
سلمى / مامته بتقول الأرض بتجيبلهم إيراد كويس وهو دا اللي عايشة منه بعد وفاة جوزها.
اياد/ هي معذوره بصراحة يعني تبيع الأرض اللي هي مصدر الدخل الوحيد ليهم
سلمى بحزن/ خلاص بلاش نتجوز بقي وخلينا كده.
مني/ متدخليش بينه وبين والدته سبيه هو يتصرف
سلمى / يتصرف منين يا ماما والفرح الاسبوع الجاي يعني معني كده اننا لازم ناجل ميعاد الفرح وانا خلاص بدأت اتشاءم من الجوازه دي.
اياد/ اهدي بس كل مشكلة وليها حل.
سلمى / سيبكو مني دلوقتي وقولي بقي ايه سبب عزومة عمار.
منى / أخوه وعزمه ع العشا فيها ايه دي
سلمى / ماما شوفي انا مش مستريحه ل علا من وقت مشافت اياد وهي طريقتها متغيره كده وبدأت جو الحنيه والسهوكه
الموضوع فيه عروسة صح؟
إياد بمزح/'ههههههههه ايه يا بنتي النباهه دي
سلمى / انا توقعاتي متنزلش الأرض ابدا وياتري بقي العروسة كانت موجوده في العزومه دي.
منى / نفين أختها واهدي بقى.
سلمى / ايه الطريقة القديمة دي
منى / ومالها الطريقة دي هما لازم يتعرفوا ع بعض من ورانا يعني؟
سلمى / لأ بس أسلوب مش كويس وشكلها وحش اوي.
منى / وانا شايفة إن الموضوع طبيعي جداً انتي اللي مكبره الموضوع.
إياد / وانا شايف انكو تعبين نفسكو ع الفاضي
منى / يعني ايه يا ابني؟
اياد/ يعني انا مش مستعد للجواز دلوقتي يا ماما.
منى بانفعال/ مش مستعد للجواز ولا لسه بتفكر فيها؟
سلمى بغمز لوالدتها/ ماما.
منى / ماما ايه بقى انتوا خليتوا فيه صحه ايه عايزيني أفضل شايله همكو لحد ماموت وابوكو شايل ايده ومديها طناش ولا كأنكو ولاده.
إياد / ايه علاقة بابا باللي بنتكلم فيه دلوقتي وبعدين انا مش مستني غير اللي قلبي يحبها واحس معاها اني هبقي سعيد
منى / ومالها نهي ياابني
اياد/ بصراحة بقي اسمها بيفكرني بأيام مش عايز افتكرها
منى / ياريتك كنت اتجوزتها من الأول زي باباك مكان عايز
اياد/ حضرتك بتتكلمي بنفس طريقة تيته. ..الله يرحمها
منى / ايه مش عاجبك طريقتي علشان عايزة مصلحتك ومش عايزاك تعيش نفسك في أحلام عمرها مهتحصل
لا سهر هترجع سهر بتاعت زمان ولا انت اياد بتاع زمان مسألتش نفسك سهر مستنتكش ليه؟
سلمى / ماما دي مواضيع فات عليها كتير ليه بس بتقلبوا في اللي فات
اياد/ علشان اللي فات حطم حاجات كتير جوايا
ماما انا مش هتجوز غير اللي قلبي يختارها
مني/'يبقي مش ناوي تتجوز علشان عارفة انك قافل ع قلبك بالضبه والمفتاح ومش سامح لأي بنت إنها تدخله
إياد / تصبحو ع خير
ويدخل اياد اوضته وتقعد منى ع الكرسي تبكى.
منى / شوفتي اخوكي قال ايه
سلمى / بصراحه بقي يا ماما إياد عنده حق
مني/ جاك كسر حوقك انتي وهو...قال معاه حق قال !!
سلمى / حضرتك زعلانه ليه من الحقيقة..ازاي عايزاه يتجوز أي واحده وخلاص طب بنت الناس اللي هتتجوزه دي مش شايفه انها هتتظلم معاه.
منى / لو كل واحد قعد من غير جواز علشان ماخدش اللي بيحبها يبقي تقريباً كده محدش هيتجوز مش كل اللي بنحلم بيه بنحققه يابنتي لازم يكون في ضريبة بندفعها هي دي الدنيا
سلمى / انا فعلا مبقتش فاهمه حاجة ليه مش كل واحد يحب ويختار اللي هو عايزة
منى / استغفر الله العظيم. ..دي اقدارنا ومحدش بيهرب من قدره. .يا بنتي
تقوم مني متجهه لغرفة اياد
سلمى ممسكه يد والدتها/'ماما علشان خاطري سبيه ف حاله كفاية اللي هو فيه متوجعهوش اكتر من كده.
منى تقعد بحزن / أوجعه! !! دا انا اللي موجوعه بسببه.
سلمى / أنا داخله أنام. ..تصبحي ع خير يا ماما
مردتش مني. .قامت سلمى
سلمى في طريقها لغرفتها تلمح ضوء في غرفة اياد تخبط ع الباب
اياد/ أدخلي يا سلمى.
سلمى / انت منمتش؟!!!!
اياد يعتدل في جلسته ع السرير / شوية وهنام. ..تعالي يا سلمي
سلمى تقرب من اياد وتقعد ع طرف السرير
سلمى / متزعلش من ماما يا اياد هي عايزة مصلحتك وشايفه إن دي الطريقة المناسبة علشان تتجوز
اياد/ انا عارف ماما قلقانه علينا وعايزة تجوزنا وتستريح بس مش بأيدي
سلمى بحزن / عارفة انه مش بايدك بس حاول يا اياد
لازم تحاول عشان خاطري
اياد/ سيبك مني وقوليلي مفيش اوضة عجبتك من اللي شوفتيهم سلمى / ياااااه كتير بس الفلوس بقي اللي عجزت معانا.
اياد/ طب ايه رأيك بقي انا هجبلك اوضة النوم.
تقاطعه سلمى / لا يا اياد رامي مش هيوافق
إياد / استني بس. ...رامي اصلا ملوش رأي في الموضوع ده دي هدية مني ليكي
سلمى / بس دا كتير اوي انت عارف الاوضة تعملها كام
اياد / ميهمكيش زي متطلع تنزلي معايا بكره وتشاوري ع الاوضة اللي تعجبك وتكون في شقتك في نفس اليوم
سلمى وهي بتحتضنه/ متحرمش منك ابدا يا حبيبي.
اياد/ طب ليه الدموع دي بقى؟
سلمى / كان نفسي تيجي من بابا دا حتي متصلش يطمن عملنا ايه مستني نعزمه زي الغريب.
اياد / يا حبيبتي وايه الجديد يعني ماهو دا. العادي
الغريب بقي إنك زعلانه مفروض تكوني اتعودتي ع كده خلاص.
سلمى / عندك حق. ...انا هروح انام بقي علشان هنصحي بدري
اياد/ وانا قاعد شوية. ..لو راحت عليه نومه الصبح أبقى صحيني تصبحي ع خير
سلمى وهي خارجة من الغرفة ببتسامة/ وانت من أهله.
.................
في فيلا أسر
سهر تصرخ وهي تنظر ناحية البلكونة
يستيقظ أسر بفزع
اسر/ سهر في ايه يا حبيبتي
تصرخ وتبكي وتشاور ناحية البلكونة
أسر يحتضنها/ أهدى يا حبيبتي مالك في ايه
سهر تشاور مرةأخرىتانية وهي بتبكي يسيبها أسر ويشوف بتشاور لايه
يخرج للبلكونة يلتفت يمين وشمال يشوف حاجة بتتحرك في الجنينه
تقوم سهر وتجري ناحية أسر ممسكه به وهي خايفة
أسر لسه واقف مكانه يشوف شخص ع البوابة وبيحاول يهرب
يترك أسر سهر ويجري بسرعة لتحت ويخبط في والدته
ملك/ ايه يا حبيبي في ايه؟ ...مش تحاسب!!!
اسر/ سيبيني دلوقتي بس يا ماما
ويجري أسر للجنينه ينظر ل البوابة و يفتحها وينظر بره ميلقيش حاجه
في نفس الوقت كانت سهر نازله وهي تبكي من الخوف يجري أسر ناحيتها ويحتضنها ويجلس ع كرسى
ينتفض جسد سهر من الخوف ليمسد عليها ويحاول أن يطمئنها
ملك / متفهموني في ايه
اسر/ لسه شايفه دلوقتي يا ماما
ملك/ هو ايه ده اللي انت شوفته؟
اسر/ فاكره لما سهر قالت إنها شافت راجل في الجنينه وحاول يدخل الاوضة من البلكونة وكان في أثر كسر ع الباب
ملك/'آه. ..هي بقي التهيؤات رجعتلها تاني ؟!!!
اسر/ دي مش تهيؤات يا ماما انا شوفت دا بنفسى
ملك/ شوفت ايه بقي؟!!!
اسر/ شوفت واحد بيحاول يهرب من الجنينه وكان طالع علي البوابة مسافة منزلت كان اختفي
ملك/ هي جننتك انت كمان ؟!!!!
نظرت سهر ل ملك وهي مازالت ترتعد من الخوف / حضرتك شايفاني مجنونه؟ !!
ملك/ اومال اللي بتقولوه دا ايه. ..انا مش قاعدة ف البيت ده اللى كله مجانين انا من بكره الصبح هاخد شنطة هدومي وأرجع شقة ماما
اسر/ يلا يا سهر علشان ننام
سهر تهز راسها بخوف في إشارة انها رافضة تطلع فوق
اسر/ متخافيش يا حبيبتي انا معاكي يلا بينا
يطلع أسر فوق وهو مسند سهر يضعها ع السرير ويقفل باب البلكونة ويترك الغرفة مضاءة حتي تطمئن سهر وتنام
..... .
بالأسفل ملك تنادي ع عزيزة
عزيزة/ نعم يا هانم
ملك/ رشيتي كل اللي ف الازازة قدام الاوضة فوق زي م قولتلك
عزيزة/ كلها يا هانم زي مقولتي بالظبط
ملك/ طيب تمام
عزيزة/ بس ممكن أسألك يا هانم سؤال
ملك/ لأ وبطلي أسأله عارفة إنك عايزة تسألي الازازة كان فيها ايه ادخلي نامي علشان هتصحي بدري تحضري شنطة هدومي علشان راجعه شقة ماما
عزيزة / حاضر يا هانم بعد اذنك
ملك تعود بذكرياتها ليوم مقابلتها ب عفاف
فلاش باك
ملك قاعدة منتظرة دورها عند الدجاله اللي اسمها عفاف لتخرج بديعه من الغرفة المخصصه للمدعوه عفاف بتقابل فيها زباينها اللي بتنصب عليهم
بديعه/ اتفضلي يا هانم الشيخة وافقت انك تدخلي
ملك بخوف / طيب بس ادخلي معايا
بديعه / محدش بيدخل للشيخه جوه وهي معاها حد
ملك / طيب خليكي واقفه ع الباب
بديعه/ متخافيش كده وخلي قلبك جامد
تفتح بديعه الباب بعد متخبط تدخل ملك جوه وتقفل بديعه الباب من بره
عفاف قاعدة وحواليها احجبه وطبق كبير فيه مياه وبجانبها بخور ومغمضة عينها
عفاف/ ادخلي يا ملك يا بنت دولت
ملك بصوت مرتعش/ حاضر
تشاور عفاف ع اريكه موضوعه بجانبها / اقعدي هنا
ملك بارتباك وخوف تقعد
عفاف/ قوليلي بقي انتي عايزة ايه من سهر بنت سهير مرات ابنك
ملك/ انتي عرفتي اسم أمها منين؟ !
عفاف/ متساليش انا هنا اللي بسأل وبس
ملك/ مش عايزاها تخلف من ابني
عفاف/ قطرها جالي وعملت اللازم عايزة ايه تاني
ملك/ عايزة ابني يكرهها
عفاف/'طب ورقة وقلم واكتبي معايا
ملك/ اكتب ايه؟
عفاف/ بردو بتسألي
ملك/ انا آسفة
عفاف/ خدي الازازة دي ترشي منها قدام باب اوضة ابنك ولازم يخرج بعدها
ب نص ساعة علشان مفعول الوصفة يشتغل بس يكون آخر يوم ف الشهر يعني القمر ميبانش في السماء
ملك/ حاضر
عفاف/ خدي الحجاب دا كمان وحطيه تحت المخده اللي بينام عليها ابنك اوعى تحطيه تحت مخدة مرات ابنك
تهز ملك راسها وهي بتاخد الحجاب
عفاف / اكتبي بقي معايا الطلبات دي وانتي طالعه ادفعي ل بديعه الفلوس
ملك/ قد ايه
عفاف/ اللي تقولك عليه تدفعيه
ملك/ حاضر
عزيزة/ ست هانم. ..ملك هانم. .انتي نمتي؟
ملك/ ها. ..آه فعلا النوم غلبني. ..هطلع اريح فوق متنسيش تصحيني بدري
عزيزة/ حاضر يا هانم
..............
بعد مرور كام يوم من الأحداث
في أحد الشقق الخاصه ب علي الحسيني
علي / هههههههههه ضحكتيني بجد. ...هو انتي لسه فاكره؟!
يااااه قلبك اسود اوي
عزيزة/ انا عمري مهنسي اللي عملته فيه
علي/ تنسي ولا متنسبش ميهمنيش
محدش ضربك ع ايدك. . انتي اللي جيتي بمزاجك
عزيزة/ كنت مغلفه لما صدقتك وصدقت حبك ليه
علي/ ههههههههه وفوقتي دلوقتي يا عنيه
عزيزة/ آه فوقت وهنتقم يا علي مش هسيبك
علي/ انتي بوق بس لو عايزة تعملي حاجة كنتي عملتي من زمان
عزيزة/ اطمن وقت الحساب قرب وهتدفع التمن
علي / انا دفعتلك التمن من زمان
عزيزة/ شوية الفلوس دي مش هي التمن اللي هتدفعه
علي / بقولك ايه يا عزيزة بلاش توقفي قصادي علشان انتي متعرفيش انا ممكن اعمل ايه
عزيزة/ ايه هتقتلني؟ !!!
عادي ع فكرة لاني اصلا ميته من زمان ونفسى استريح من الدنيا دي بس مش قبل مدفعك تمن اللي عملته فيه
علي/ أجري روحي العبي بعيد يا شاطرة
اخرجي من هنا واوعي رجلك تعتب هنا تاني
عزيزة/ مين قالك اني هجي هنا تاني انا بقرف اصلا من المكان ده من زمان يا ريتني مجيتو ولا عرفتك ف يوم من الأيام
علي/ ايوه اعتبري نفسك مجتيش هنا ولا المكان دا موجود اصلا عزيزة/ حاضر يا علي بيه همشي بس هتندم صدقني هتندم انت عارف اكتر حاجه بندم عليها اني عرفتك ف يوم من الأيام. ..سلام
علي/ ههههههه حلوه نغمة التهديد دي عجبتني بجد
عزيزة/ ولسه هتضحك ياما بس وقتها هيبقى تنفيذ
علي بسخرية / خلاص وانا مستني بس اتجدعني كده ووريني مواهبك الإجرامية
تخرج عزيزة من الشقة بعد متغلق الباب بكل غضب.
....................
في الصباح أسر وسهر ع السفرة بيفطروا
سهر قاعدة ساكته مبتتكلمش ينظر لها أسر
اسر/ ايه يا سهر مبتاكليش ليه
سهر / شبعت
اسر/ بس انا شايفك ماكلتيش حاجة اصلا
في ايه مالك
سهر / مفيش حاجة. ..
بقولك يا حبيبي سلمي اتصلت وعايزاني اروحلها
اسر/ وايه المشكلة متروحيلها انتوا أخوات ولازم توقفي معاها في يوم زي ده هي كمان مسبتكيش ابدا دي كان ناقص تبات معاكي يوم فرحنا
ابتسمت سهر إبتسامة باهته وقامت
اسر/ رايحه فين
سهر/ هطلع البس لو عندك وقت وصلني في طريقك
أسر / حاضر بس متتاخريش
هزت سهر راسها وطلعت اوضتها
عزيزة خارجة من المطبخ/ محتاج حاجة مني يا بيه
اسر/ ليه انتي رايحه فين يا داده
عزيزة/ تعبانه النهاردة ومش قادرة أقف في المطبخ
اسر/ ليه مشربتيش فنجان قهوة من اياه كان فوقك علشان تقدري توقفي ع رجلك
عزيزة/ يا بيه قولتلك انا معرفش حاجة عن موضوع القهوة اللي بتتكلم عليه سهر هانم ده
أسر بغضب/ يعني بتتبلي عليكي؟ !!!
طب والتحليل كمان في غلط مثلاً
عزيزة/ يعني أنا اللي عاملة البن يا بيه انا اشتريته كده من العطار
أسر بغضب/ طيب اتفضلي شوفي انتي رايحه فين
عزيزة/ طيب مش عايز مني حاجة
اسر/ لأ
تدخل ملك ببتسامة / صباح الخير
اسر/ صباح النور ياماما
ملك/ يا سلام مالك مكشر كدة؟
اسر/ مفيش
ويقوم أسر تمسك ملك أيده
ملك/ متغير ليه من ناحيتي حد يقابل مامته كده
اسر/ ماما حضرتك عارفه كل حاجة
ملك/ آه هو الموضوع كده بقي طيب يا أسر اعمل اللي انت عايزة
اسر/ ماما ارجوكي سبيني أعيش حياتي بالطريقة اللي تعجبني وشيلي سهر من دماغك
ملك/ انت ازاي تكلمني كده؟ !!! ومين سهر دي علشان أفكر فيها اصلا
تنزل سهر / خلاص يا حبيبي لبست يلا بينا
نظرت ليها سهر بضيق / انتي يالي معندكيش ذوق.... ايه هوا قدامك مش شايفاني بكلم ابني
اسر/ آسف يا ماما سهر ماخدتش بالها خلاص حصل خير