بسم الله الرحمٰن الرحيم ✨.
هااااي ، كيف حالكم وشن أخباركم ، طبعاً وربي استاحشتكم هلبا 💕.
المهم خليني نهدرز عليكم شوية قبل ما تبدأ ريما ف سردها المنظم وكتيبتها اللي متمش !
طبعاً حكتلي هي وقتلي فيه هلبا بنات يبوا يعرفوا شن صار معانا انا ويوسف خلال ثلاثة سنين خطوبتنا وزواجنا ؛ ااه قصدي حرق دمنا وقهرتنا !
المهم ، بما ان القصة تعتبر ٧٠٪ ليا ، و٣٠٪ اشبح ريما من وين جايبتهم ، هل من دماغها او من بنت ثانية ، بس انا نبيها تحكيلكم اللي صار معانا انا وحبيبي يوسف !
امممممم اخر نقطة اللي قال رواية خيالية ووهم ، مهياش خيالية ولا ووهم ولو تبوا يا بنات خوذوا رقمي من ريما وكلموني .
طبعاً اخر نقطة توا بجديات ؛ باهي لو الرواية واقعية علاش مكتبتيش يا ولاء الرواية بروحك ؟
انا افشل وحدة ف التعبير 🤣 وربي ما نعرف ندوي كويس ولا نكتب مساوي ، وثاني شي كيف ما ذكرت ان فيه ٣٠٪ هي ضايفتهم ع قصتي وراضية بهالشي ، اصلاً ضايفين اكشن للرواية ، فلهذا انا مبيتش نكتبها .
•••••••••••••••••••••••••••••••••••••••••
مرت سنة وبعد تخرجي بشهر ؛ كنت مقعمزة مع بابا ف الجنان ، وفجأة رن موبايله .
بابا "وع وجهه علامات استغراب" : الو ، السلام عليكم .
الشخص :...............
بابا : اييي اناا ، تفضل خوي !
الشخص :.................
بابا : اييي تفضل في اي وقت عادي .
الشخص :.............
بابا : تمام ، هي نستنى فيك .
سكر بابا المكالمة وقعد يشبحلي !
انا : خيرك ؟
بابا : لا شي ، صحابي بيجوني .
انا "بعدم تصديق" : اههااا ، تبي نديرلك شي ؟
بابا : لالا .
انا "وقفت" : باهي نستأذن انا توا .
بابا : اوكِ براحتك .
خشيت للحوش وحسيت بجو بابا فجأة تكهرب ؛ مشيت للكوجينة ، قعمزت نهدرز مع ماما .
ماما : بنمشي لحوش جدك غدوة .
انا : وانا صاحباتي بيجوني غدوة .
ماما : من صاحباتك ؟
انا : غفران وندى وفاطمة ، واحتمال شهد ؛ اشبح ع راجلها .
أنت تقرأ
قدري المتغير 💙.
حركة (أكشن)#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
