قدري المتغير 💙.

البآرت الثآني عشر .

بسم الله الرحمٰن الرحيم ✨.

ركبت فوق ، ورجعت سكرت داري وانا مش مستوعبة اللي صاير ؛ شفت موبايلي مداير ضي ، قمته لقيته يوسف ، رديت عليه .

يوسف : ايواه ، ولاء ردي عليا طمني قلبي .

انا "وصوتي مخنوق" : الحمد لله ع كل حال يا يوسف ؛ الحمد لله .

يوسف "بصوت عالي" : تي شن الحمد لله ، امك دارتلك حاجة ؟ وصل هالشي للضرب ؟ عاقباتك ؟ حرماتك ؟

انا : تؤتؤ ، ماما مدارتش هادوا كلهم ، دارت اللي اقوى .

يوسف : ولاء وغلاوتي عندك تحكي ؛ انا اتصلت بيها بس مردتش .

انا : انتَ رقمك جديد هذا ؟

يوسف : لالا اللي امبكري كلمتك بيه موبايل خالي وهذا رقمي انا الطبيعي .

انا : اهاا ؛ ومسحت رقمي ؟

يوسف "بغضب" : تي شن دخلك ف امه الزح ؛ مسحته ولا وزعته ، احكيلي امك شن دارت ؟

انا "انفجرت بكا ومقدرتش حتى ندوي" .

يوسف "بصوت هادي" : ولاء ، نكلم فيك توا انا ، علاش تبكي يا ولو ؛ انا معاك قسماً بالله معاك .

انا "زدت ف البكا واذكرت وقت زيد يقولي فيها ومدارتش ولا نتيجة" .

يوسف : لا إله إلا الله ، ولاء اهدي واحكيلي اللي صار وخليك متأكدة اني مش حنخليك .

انا " ببكا" : يوسف ، انا نحبك .

يوسف "بحنية" : وحتى انا نحبك والله أكثر حتى منك .

انا "هديت شوية بس قاعدة نبكي" : يوسف اوعدني متسيبنيش ولا يوم من عمرك ، معاش قادرة ع هدة الحيل.

يوسف : وعد مني ماعاد نخليك تحتاجي ولا شخص ف حياتك .

انا : يوسف انا نموت " وفجأة حسيت بضيق تنفس واني معاش قادرة نأخذ اي نفس زي قبل ؛ مشيت نجري للروشن وفتحته وقعدت ما يعادل ثلاثة دقايق وانا نتنفس بقوة باش حسيت روحي ارتحت ؛ اذكرت ان يوسف قاعد ع الخط ، رجعت خديت موبايلي وقعدت واقفة جنب الروشن ، بصوت داهش" الو .

يوسف "بضيق" : رجعتلك نفس الحالة ؟

انا "بضيق" : ايي ، ليها فترة معاش جتني ، بس توا كان مأنقذتش روحي ره طحت ، اول مرة تجي بالقوة هي .

يوسف : مش عندك دوا ؟

انا : كورس علاج هو ، مش دائم .