بسم الله الرحمٰن الرحيم ✨.
انا "دموعي شلال وزدت انهرت بكلام بابا ، وفجأة هووووب ، نفسي انقطع عليا ، مشيت نجري ف اتجاه الروشن بس ايد بابا شدتني وشفت لعيونه " : يااااا بااااااباااااا بننننمممموووت خخخخللللييييينننننيييييي نننننأأأخخخخخذذذذذذ ننننفففففسسسسس "ونفضت ايده وفتحت الروشن بسرعة وقعدت نتنفس بقوة ، اساساً للحظتي هادي اللي نكتب فيها مش فاهمة يومها كيف وصلت ، وكيف قدرت نقاوم الخنقة ؛ بجد ربي كبير ! بعد ممكن ستة دقايق استريحت وطحت ع الأرض قعدت نبكي بصوت عالي ".
"بابا وجدي ف حالة صدمة من اللي صاريلي !".
بابا "حط ايده ع كتفي " : حالتك رجعتلك ؛ هادي اول مرة ولا ؟
انا "هزيت راسي بلا ، وقمت ايدي درت أربعة بصوابعي ".
جدي "بخوف" : كيييف يا ولاء ؛ علاش محكيتيش ؟ وامتا اول مرة رجعت ؟
انا "بصوت داهش" : لما ماما عرفت بكل شي !
بابا "بحنية" : ولاء ؛ نوضي استريحي ، باش نفهم منك !
انا "هزيت برأسي ببه" : خليني نستريح هنا ، ربع ساعة وتمشي !
مع اني مكنتش نشوفلهم ؛ بس عارفة نظرتهم ليا كيف كانت ! بالرغم من اللي سمعوه عليا كله ؛ واني درت شي كبيـر بالنسبة ليهم ويخالف مبادئهم إلا ان حنيتهم مخلتهمش قاسيين عليا ؛ مرت حوالي عشرة دقايق ثانية ؛ وحسيت روحي استريحت ، نضت كيف بنسكر الروشن .
جدي : خليه مفتوح !
انا "مشيت وقعمزت بحداه ومسكت ايده ، شفت لبابا " : ممكن تجي تقعمز جنبي ؟
بابا "قرب وقعمز جنبي" .
انا "وعيوني كيف بيدمعوا" : انا والله ما نبي فهالدنيا إلا انتوا !
بابا : ولاء كيف مرضتك رجعت ومتقوليش ؟
انا : جت ورا بعضها وكنت تعبانة من كل النواحي مفكرتش فيها !
بابا : من امتا بالزبط ؟
انا "نزلت رأسي" : اول ما ماما ردت ع امالي معتصم بالموافقة !
بابا : امك غصباتك ع معتصم ع خاطر عرفت انك ع علاقة مع واحد عربي ؟
انا "حسيت قلبي تقطع وقت يحكي ع يوسف هكي ؛ ومقدرتش نرد بشي ؛ قعدت ساكتة شوية وبعدها قمت رأسي " : انا منبيش شي ف حياتي الا انتوا !
جدي "بحزم" : ولاء ! تبينا احنى هالشخص اطلعيه من رأسك ومن حياتك بكككككل بكككككل ! اما باش تفكري انك حتأخذيه هذا مستحيل ، بنتي وع رأسي من فوق وكل شي تبيه حاضر بس هالموضوع خط احمر ، يا بال مع زواري ، يا بال عربي ! انا بارك الله فيا اللي لا عاقبتك لا حرمتك من شي ! بس حنعاملك زي بنت كبيرة وحنخليك تنفذي اللي تعرفيني نبيه بروحك ! موبايلك يقعد عندك وتمسحي اي شي ليه علاقة بهالشخص ؛ طلوعك ، كل شي ف حياتك زي ما هو ؛ بس ردي بالك يا ولاء ، او إياك ثم إياك يتعاود هالموضوع ، حاط فيك هالثقة كإن مش صاير شي وحنتجاهله الموضوع ، بس لو سمعت عليك حتى ذرة كلمة يا ولاء متلوميش إلا نفسك !
أنت تقرأ
قدري المتغير 💙.
Acción#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
