قدري المتغير 💙.

"البآرت الثآلث عشر ".

بسم الله الرحمٰن الرحيم ✨.

انا "حاسة روحي سخنت فجأة ووجهي بدا احمر " : ااااا ءءءءء ههههذذذااااا ، اااااممممممم .

يوسف "بعصبية" : تي خيرك النم ادوي يا ولاء خير ما نفصل جديات .

انا "بتوتر" : باهي غر اهدى ، واهو انا نفهمك .

يوسف "بصوت عالي شوية " : تي شن تفهميني ، من هو هذا اللي مقعمزة وتضحكي معاه ؟ من هواا ؛ ادوي النم !

انا : يوسف نقص صوتك احنى ف الشارع .

يوسف : وحق ربي يا ولاء ما تحكي من هوا هذا "بعدين سكت " ولا نقولك ؛ تمام ، تمام ؛ مدايرتيني بقروني انا ، خلاص كملي معاه وفوتي امي .

انا "بصدمة " : يوسف شن تقول ؛ بعد يوم من مقابلتنا تقول هكي ؟

يوسف "وخر شوية " : اي بعد يوم من مقابلتنا لأنك مش قادرة تحكي وداسة عليا موضوع زي هو وكل الكلام اللي ف دماغي حق ؛ اصلاً صحة لأمه الـ***** اللي حصلها الصورة ، نهنيه "ومشى فجأة ، ركب ف سيارته وطلع بسرعة ".

حسيت بكمية وجع ف قلبي وقتها مش طبيعية ؛ يا ربي ، كيف بندير توا ؟
غبية يا ولاء ، غبية واكثر بني آدمة غبية ف الدنيا ؛ مش كان حكيتيله عليه من قبل ره قدر يتعامل مع الموقف ؟
اخخخخخخ بس والله لو كنت ف مكانه ، كنت ندير اكثر من هكي ؛ يعني مقعمزة ف الكافيتيريا متع الخدمة ع كرسي ووائل مقعمز ع الطاولة ونضحكوا وقريب مني هلبا ؛ بجد لو كان الوضع عكسي ره سبيت يوسف ونهيتها معاه .
يوسف من النوعية اللي حتى لو تملكاته الغيرة بس ميتكلمش لأن مش حقه بما اننا علاقة ، حتى لو كنا نحبوا بعض ؛ وعندنا طبع مشترك بيني وبينه ، ان حتى لو ضعف واحد من الاطراف ووصلت بيه للخيانة ، يجي ويحكي ويقول كل التفاصيل والطرف الثاني من واجبه يتقبل الموضوع ؛ وهو كان يدير هكي ، حتى لو تعرف ع بنات اول ما يصير يجي ويقولي وهكي ؛ هكي احنى اهم شي نعطوا علم لبعض !
بس موضوع وائل اهو ليه سنين ومقررتش ولا نتجرأ اني نحكيهوله ؛ هكي ديما كان عندي احساس اني وقت بنحكيله يا حنخسره يا حنخسر وائل ، وفي الحالتين انا حنتوجع .
طلعت بالسيارة وانا بنطربق خلاص ، مش قادرة نبكي بس عندي رغبة قوية فيها ؛ يا ربي حلها يا ربي هونها ، والله الموضوع معقد وحيصير فيها هلبا كلام !
قبل ما نوصل لحوش اريج درست ونزلت للكوفينو خديت الشنطة السودة اللي من قبل ما نطلع حاطتها فيه ؛ ورجعت وانطلقت لحوش اريج ؛ خديتها وخطمنا ع عمتي ، ومشينا لحوش جدي ؛ خشينا وكان وقتها كيف يحطوا ف الغدا ، وزحمة هلباااااا ، عمامي كلهم وعماتي والصغار والاحفاد والدنيا خاشة بعضها ، باش سلمت ع الكل قعدت قريب ٢٠ دقيقة ، وبعدها قعمزنا نتغدوا ، كنت ع السفرة انا وعيوش وبنت عمي نهى واختها سارة وروبي وبنت معرفتهاش الصراحة .