قدري المتغير 💙.

"البآرت الثآلث"

بسم الله الرحمٰن الرحيم ✨.

عيوش : وانا فارضة احترامي وذاتي بأناقتي ووجودي !

انا : ع من تكذبي ؟ اما احترام بهالمنظر ؟ ولا قصدك جري الولاد عليك يا مضحكة !

عيوش : لشن تبي توصلي بكلامك ؟

انا : ديري عقلك ف رأسك خير ما يصير فيها كلام ثاني ويوصل لبوك !

اريج "بعياط" : خلااااص خلااااص صدعتوني "تلفتت لعيوش" انتِ اركبي بدلي حوايجك ووقعمزي ف دارك اقري "وتلفتتلي " وانتِ اطلعي لخدمتك حيديرولك انذار اليوم !

عيوش : بس ..... !

اريج "قطعت عليها" : لا بس ولا شي ؛ ولاء معاها الحق مش منظر بنت من عيلة متحرمة هذا ، وانخمدي ف الحوش لحد ما تعرفي كيف تتكلمي مع اختك وتلبسي زي الناس !

طلعت وكانت جملة اريج هادي اخر حاجة نسمعها ؛ ركبت ف سيارتي ومشيت وحتى التسخين ما سخنتها كويس من كثر ما اضايقت منها الفرخة ؛ المهم وصلت للخدمة وكلموني ع التأخير بس مشت الأمور .
مر الوقت وانا حطيت كل مشاكلي وهمومي ع جنب وانا نخدم ؛ انا من نوعية الناس اللي منحبش نخلط بين اموري ، يعني وقت الخدمة حنخدم بضمير حتى لو صار ما صار ، ووقت القراية برضو نفس الشي ، ووقت يكون صايرة معاي مشكلة مع الصحاب منخلطهاش ع العيلة ، والعكس يعني .
جا وقت البريك والحق كنت مشغولة شوية مقدرتش نطلع ؛ شوية وحسيت بشخص واقف جنبي.

انا "تلفتتله بصدمة" : امتا روحت من السفر يا مهبول ؟

وائل "بابتسامة" : الفجر ، وجيت داومت طول .

انا : حححححيييييي والله فرحت هلبا ؛ تعرف مخلي مكانك هلبا .

وائل : انا سافرت اصلاً باش تعرفي قيمتي .

انا : ههههههههههههههـ ؛ مبردك .

وائل : فطرتي ؟

انا : امممم اي ف الحوش .

وائل : وتوا علاش مطلعتيش للبريك ؟

انا "تلفتت للابتوب " : تشوف اهو بروحك .

وائل : اي خشيت للكافي تحت لقيتهم كلهم قاعدين ، سألتهم عليك قلت مرات غياب قالولي مطلعتش .

انا : تي ايح وينه الغياب ؟

وائل : المهم هي تعالي نفطرك ع حسابي .

انا : اول شي انا اللي فرحانة بجيتك والمفروض نفطرك ، بس مع الأسف منقدرش نطلع توا بككككل .