بسم الله الرحمٰن الرحيم ✨.
ماما : توا تشوف تحسابني كان سكتتني بعلي وحسام بنسكت جديات ، لما نديرلهم العار غدوة ونفركس كل شي !
حناي " بحزم" : جررربي ديري شي قدام الناس ، جربي بس يا جميلة وتشوفي شي ميعجبكش !
ماما : انا ميسيرنيش حد يا أمي !
حناي : انا قلتلك جربي ، وشوفي اللي يصير !
ماما "بنثورة" : عربي ره !
حناي "بصوت عالي" : عربي ولا يهودي ، انا حلفت من قبل كان بديري حاجة قدام المرا غدوة ، متلقيها بنتك الا الاسبوع اللي بعده فاتحتها مقرية !
ماما "بحزم" : فكة ان شاء الله !
حناي : تمام ، مدامها فكة ؛ توا انا نعتبرها بنتي ونكلم المرا ونقوللها نبي العرس بأسرع وقت .
ماما "سكتت وقعدت تكمل اللي ادير فيه ".
انا "كيف خشيت للمطبخ " : هاي يا جماعة الخير .
حناي "بابتسامة رغم وجهها الأحمر والعروق اللي باينة فيه " : اهلين بنيتي ، وين كنتي ؟
انا : مع حسام برا يصلحلي ف موبايلي .
حناي : اهاا ، باهي مقلتيلناش شن بتلبسي غدوة ؟!
انا : الحق كل شي جا مع بعضه ، ومفكرتش !
حناي : شوفي اختك "ع خشت اريج" اهي ، شوفي من عندها وخلاص !
انا : لالا انا غدوة ف الخدمة بنطلع من البريك ، توا نمشي لمحل خو صاحبتي يجيب ف بضاعة قنينة ونأخذ منه .
حناي : تمام حتى هذا رأي .
انا : حناي ره انا بنروح .
حناي : بروحك ؟
انا : بنشوف بابا ، كان هذا يمشوا معاي جودي وعيوش ونور وورانا حسام .
ماما : علاش بتفتحي حضانة غادي ؟
انا "تلفتتلها" : لا بنفتح دار دعارة بيهم !
اريج "بتكشيخ " : ولااااء تحشمي !
انا : مافيش حد كلمك انتِ ، ندوي انا وامي .
خالتي سهام : ولاء تعالي يبيك جدك .
طلعت وانا حاسة بنافورة حتطلعني انا من الحوش نفسه .
مشيت لجدي ف المربوعة وكان مقعمز ع الكنبة يشرب ف قهوة .
أنت تقرأ
قدري المتغير 💙.
Acción#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
