بسم الله الرحمٰن الرحيم ✨.
فقت من ذكريآتي ع صوت يوسف : ولاء خوفتيني عليك ، خيرك مترديش .
انا "ببكاء" : تعبانة يا يوسف ، نبي نرقد !
يوسف "بخوف" : باهي ارقدي ؛ بس قبلها قوليلي خيرك ، شن صايرلك ؟
انا"انهرت" : يا يوسف ، علاش يصير معاي هكي ؟ الذكريات قتلتني !
يوسف : ولاء ، بنقعد نتجدى فيك طول اليوم تحكيلي ولا كيف ؟ متخلينيش مشغول عليك وقوليلي شن صاير معاك ، وإلا والله ما تلقيني إلا قدآم حوشكم .
انا "فقت ع عقلي" : خليني يا يوسف ف حالي بس ، اخطاني ؛ توا نرمم روحي بروحي وإنتَ ابعد بس !
يوسف "بعصبية" : تي مهبولة انتِ ؟ خييرك نبي نفهههم خييرك ! نقولك احكيلي شن صاير معاك وانتِ بتموتي بالبكا تقوليلي اخطاني ؟ هذا جزائك للي خايف عليك ومشغول باله عليك ؟ بارك الله فيك والله .
انا "بأسف" : مش قصدي هكي .
يوسف "ببرود" : لا قصدك وهذا اللي تبيه ديما ، تبعدي فيا ؛ واطلعي فيا من حياتك ! اساساً انا الغالط اللي استعجلت ف كل شي وخطيت هلبا خطوات مدرتش حساب ليهم .
انا "بعصبية" : تتييي شن تقول إنتَ ؟ شن تقول وتخرف ؟ ناقصة انا مشاكل ووجع رأس ؟ ناقصة حرق دم ؟ خيرك متبيش تفهمني !
يوسف "بصوت عالي" : عجزت ع فهمك ياولاء ! عجزت والله ! لا فهمت تحبيني ولا تكرهيني ! لا فهمت تبيني معاك ونساندك لا نكون سطحي ! تعبت وانا نحاول نفهم ولتوا مفهمتش !
انا "بصوت عالي شوية" : صووتك هذا اياااك مرة ثانية تعليه عليا !!! وثاني شي فهمتني ولا مفهمتنيش مشكلتك ، مخصنيش فيك وو....
يوسف " بصوت عالي " : باهي مشكلتي يا ولاء ومخصكش ولا ؟ معاش تقولي انتَ فوتني بس ووقت مندوركش اديري قصص ومواضيع ! وخليها مدام العلّة فيا ، انا نعرف كيف نداويها وانتِ تعرفيني كويس كيف نتعامل مع كل شي .
انا " نبكي" : يوسف مديرهاش !
يوسف " ببرود" : انا بنسكر ، وارقدي ع راحتك "وسكر" .
لعنت نفسي الف مرة اللي كلمته بهالأسلوب وفشيت غلي فيه ؛ عاودت اتصلت بيه لقيت موبايله مسكر ! اشبح عاد توا كيف بنحلها ! الصبر ياااارب ! يوسف يفوت وميدورش وعادي ، وكويس وحنين ويحبني وميرضاش فيا ، بس وقت اللي يزعل معاش يرجع زي قبل نهائي ؛ يلا ان شاء الله ميطولش ف زعله بس ؛ اتكيت ع سرير وقعدت نتقلب بس مجانيش نوم ؛ كنت بالفعل محتاجة نرقد من التفكير ، بس مقدرتش ! نسمع ف دوشة لوطا ما يعني الكل قاعدين ! فلذلك مش حننزل ؛ شوية وقلت نفتح التلفزيون نتفرج اي فيلم نضيع بيه وقتي وباش ميخلينيش نتعب من التفكير هلبا ! كيف بديت نتفرج سمعت الباب يطق ، نقصت ف صوت التلفزيون .
أنت تقرأ
قدري المتغير 💙.
Action#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
