بسم الله الرحمٰن الرحيم ✨.
انا "ضغطت ع ايدها" : شوفي ليا فترة سمعت كلام عليك ، وبعدين وقت صارولي القصص ورا بعضهم ؛ الحق قلت نأجلها شوية ! توا وقت وضح كل شي بالنسبة ليا ؛ قررت انبهك وننصحك !.
عيوش "بارتباك" : ولو ممكن توضحي كلامك ، بلا جو ألغاز !!
انا : فيه شخص جا وقالي عليك هلبا حاجات ؛ والحق لحظة اللي قالي تمنيت الأرض تبلعني ؛ وتمنيتك للحظة متكونيش اختي ! لأننا مش هكي ؛ ماما وبابا مربوناش هكي ! ومش لينا كل هالكلام ؛ تربينا ع مبادئ عالية ؛ وحتى لو انحرفنا شوية عليها بس ميعنيش ان ننحرفوا مرة وحدة .
عيوش "ووجهها احمر" : منو اللي قالك كلام عليا ، وشنو هالكلام ؟
انا "تنهدت" : انتِ طالعة مع علي ؟
عيوش "بصدمة وخوف " : لا لا .
انا : عيوش متكذبيش عليا ؛ طالعة معاه ولا ؟
عيوش : تي لا يا ولو شن هالكلام اللي تقولي فيه ؛ معقولة نطلع مع ولد !
انا : طلعتي معاه ، ومشيتوا حتى لحوشهم اللي ف قرجي .
عيوش "هزت رأسها بخوف" : لا لا ؛ حوش شنو ؟
انا : مش حنقول لبابا او ماما ره ؛ بس منبيكش تكذبي عليا !
عيوش "هزت رأسها" : قلتلك لا !
انا : تي الكذب ف عيونك يا عائشة الزح !
عيوش "سكتت" .
انا : منبيش لا نسألك ع التفاصيل ولا نهزبك ؛ بس سؤال واحد ، هو مسك ؟
عيوش "نزلت رأسها" .
انا "هزيتها" : نكلم فيك انا ! صار شي بينكم؟
عيوش "هزت رأسها بلا".
انا : وكنتي تكذبي بخصوص يخون فيك ؟ وانتِ اللي خنتيه !
عيوش : من قالك كل هذا ؟
انا : ميهمش من اللي قالي ؛ بس انتِ متأكدة انه مسمش فيك ولا ؟
عيوش "دموعها فعيونها" : ممسنيش يا ولو وقسماً بالله ما مسمني كيف ما انتِ متخيلة ؛ كان تبي نجيبلك المصحف ونحلف !
انا : حتى لو جبتي المصحف مش حنقدر نرجع ثقتي فيك !
عيوش "قعدت تبكي" : بالله عليك متقوليش لماما ؛ والله نموت بعدها!
أنت تقرأ
قدري المتغير 💙.
Acción#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
