قدري المتغير 💙.

"البآرت التآسع"

بسم الله الرحمٰن الرحيم ✨.

رن موبايلي وكان .

انا "ببرود" : ايواه .

بابا : وين انتِ ؟

انا : في حوش عادل ***** .

بابا : باهي غر بنقولك اختك تعبت اكثر وجبناها للمستشفى .

انا "بالرغم من ان النار ركبت فيا الا اني مقدرتش نلين قلبي " : وشن المطلوب مني ؟

بابا : ليها ايام هي تنادي باسمك !

انا : به كويس .

بابا "بخوف" : ولاء متحرقيليش دمي .

انا : انتَ متستفزنيش ، اختي من ربع ساعة درت عليها دورة ونعرفها ف دارها ، جو بدير صلح بطريقة غير مباشرة فكني منه .

بابا : به انزلي .

انا : مع الأسف اول مرة نقولك لا ، بس هالمرة نعنيها بجد ، انا مكاني مش معاكم !

بابا "سكر ببرود".

حسيت حرارتي وقتها وصلت الـ٦٠ ، بجد يعني يا بال مدورش ، يا بال مهونش ، يا بال مبررش ، يا بال يبيني انا اللي نمشيلها ؛ عارفتها امي ومهما يصير حتقعد امي ، بس حتى انا بنتها واللي قالاته مهواش ساهل واللي داروه كلهم مهواش ساهل !
مكملتش الفيلم ، وسكرت التلفزيون ، قعدت شادة موبايلي ونقرا ف هدرزتي انا ويوسف القديمة بكككككل ، ممكن ليها فوق الـ٣ سنين ، بجد احلى شعور لما تقرا حاجة نابعة من قلبك بصدق !
قعدت منسجمة هكي لحد ما ، طق باب داري .

انا : منو ؟

حسام : افتحي حسام .

انا "نضت فتحت المفتاح بس مفتحش الباب ؛ ورجعت اتكيت ع السرير" .

حسام "خش للدار وردها ، وقعمز ع الكرسي متع المكتب " : شني يا بنيتة خالتي ، سمعت بديتي اديري ف مشاكل .

انا "نشوف لموبايلي" : اي تعرفني متع مشاكل وهلبا .

حسام : وامتا بتعقلي ؟

انا : اسأل خالتك .

حسام : باهي لما نكلمك نحي الخارب من ايدك واشبحيلي .

انا : مش امر هو ، بندير اللي نبيه .

حسام "مسح ع وجهه" : غر هيا بجد ، ياسرك من العراك مع امك ! قلبها رهيِّف جوجو ره .

انا : اي زي قلبك بالزبط .

حسام "برفعة حاجب" : تلقيحة هي ولا كيف ؟