قدري المتغير 💙.

البآرت التآسع عشر .

بسم الله الرحٰن الرحيم ✨.

كان المسج جايني من يوسف ، اتصلت بيه .

انا : ايواه !

يوسف : فمن كنتي تكلمي طول اليوم ؟

انا : تبيت عليا ولا كيف ؟

يوسف "بضحكة" : لا مش قصدي ، بس استغربت طول اليوم وانتِ مشغول .

انا : أشغال يا بيبي ؛ قولي شن جو الغموض ف المسجات هذا ،؟

يوسف : أبديدات يا بيبي ؛ اطورت وبديت واعر .

انا : كككخخعهعههككخههههـ ؛ مستحيل نصدق !

يوسف : ههههههههههـ ؛ شن الضحكة المعاقة هادي ؟

انا : اسمع ره منوضني من النوم وجوي خرا ، خليني توا انوض ندير شاهي خفيف يروقني ونهدرز انا وشهد ونغير جوي ، بعدين نكلمك !

يوسف : امتا تشبعي من النوم ؟

انا : امتا بتسكر ؟

يوسف : وربي زي سعد ولد عمتي النم !

انا : ننننننن ؛ به وجهك هي .

يوسف : باي "وسكر".

"قعدت نضحك علينا ونذكر أول يوم شفته .

انا ماشية ف طريق المدرسة وكان عندي امتحان نصفي للسيمستر الاول سنة ثانية ثانوي واساساً نايضة امخر ؛ خشيت لمحل جنب حوش جدي مه كنت بايتة غادي .

انا : السلام عليكم .

كان المحل فيه زوز ولاد مقعمزين ع الكاسة .

الولد الأول : تفضلي .

انا "نلود ف المحل" : شكراً توا ندور بروحي " قعدت نلود قريب ثلاثة مرات وملقيتش اللي نبيه وقت قدام الكاسة" مافيش بيروات ؟

الولد الأول : لا والله منبيعش فيهم .

انا "بان ع وجهي التوتر" : اهاا باهي شكراً "وجيت بنطلع".

الولد الثاني : تي يا راجل اعطيها اللي تكتب بيه ف الكراسة وبعدين دبرلك ، شكلها تبي واحد ضروري .

الولد الاول : تي لالا فكني ، الشيباني متع المحل نفاخ .

سمعت هالحوار وطلعت ؛ شوية نسمع ف صوت ينادي .

الولد الثاني : يا اختي ، يا اختي ، ههيي انتِ !

انا "تلفتت" : تكلم فيا ؟