قدري المتغير 💙.

"البآرت التآسع عشر "

بسم الله الرحمٰن الرحيم ✨.

يوسف "فتح السبيكر" : اصبري لحظة "وحط الموبايل " اهو هكي تمام "بنبرة أسف " اممممم والله صار ان لقيتها مقرنة حواجبها "ضحك" بس الحمد لله لقيتها بدلت ونظمت جوها .

انا "معاش عرفت كيف نعبر ع فرحتي عيطت " .

يوسف "ضحك" : تي بلا هبال .

انا "بديت نضحك بطريقة هستيرية" : اااخخخخ مستحيل ، اخيييراً ؛ تعرف منن امبكري ع اعصابي ، وقلت مش حنمشي خلاص قررت .

يوسف : انا من الاول قلتلك توا ندير حل ، علاش الاعصاب ؟

انا : منعرفش "وبدت دموعي تعبي ف عيوني".

يوسف : دموع وبكا لا ، اكيد كملتي توا .

انا "خانقتني العبرة" : اي كملت .

يوسف : به متبكيش ، خلاص كل شي كيف ما تبيه مشى .

انا "قمت رأسي وقعدت نحاول نخلي دموعي يجفوا " .

يوسف : باهي حبيبي .

انا "قاعدة ف نفس الوضعية" : لحظة بس .

يوسف : هي نستنى .

انا "حسيت دموعي بطلوا ، مشى ساويت روحي " : نعم .

يوسف "بصوت هادي" : منبيكش تبكي ، منبيكش تضايقي ، منبيكش تنخنقي ، منبيكش تزعلي ، منبيكش تحزني بككككككل ! نحبك هلبا وقسماً بالله ؛ بجد وقت سكرتي موبايلك امس ومعاش فتحتي ، خفت تمرضي وتصيرلك نفس القصة ، المهم عارف ان قاعد خاطرك واجعك ع اللي صار بس حنتنافشوا فيه الموضوع اكيد ونديروا حل يرضيني ويرضيك ! توا انا منبيش انكد عليك بس بنطلب منك طلب واحد .

انا "كنت نسمع ومستمتعة " : نعم !

يوسف : نبي نشوفك اليوم .

انا : اليوم ؟

يوسف "ضحك" : اي مش عيب ره خطيبتي .

انا "بأسف" : يوسف انتَ تعرف الوضع ، هما مش راضيين من ربي يا بال بيخلوني نشوفك ؟

يوسف "تنهد" : باهي حاجة ثانية!

انا : شنو .

يوسف : بتباتي غادي انتِ ؟

انا : ع ما اعتقد لا ، بنروح .

يوسف : بااااهي تمام ؛ خلينا "سكت شوية" ولا نقولك فوتي خلاص .

انا "استغربت" : خيرك ترعى حبيبي ؟