قدري المتغير 💙.

"البآرت الثآني".

بسم الله الرحمٰن الرحيم ✨.

انا : مجرد ان صار بيناتنا سوء تفاهم وانا باش منقعدش ف حرب معاها جيتكم ، لو معندكمش مانع طبعاً !

حسام "تنهد وقعد يشوفلي هلبا" : شوفي مهما يصير هذا حوشك الثاني ، بس برضو مهما يصير امك ولازم تتحمليها .

انا : تتحملني ، نتحملها .

حسام "بحزم " : ولاء هدي روحك الموضوع مش مستاهل .

انا "بعصبية" : عندكم مش مستاهل انا عندي مستاهل وهلبا ، ولعلمك هلبا حاجات دارتهم هي مينداروش .

حسام : ولاء خليك مذكرة ان هشام صاحبي الروح بالروح ونعرف كل شي تابعك ، ولو نبي نعرف الاكثر نعرفه .

انا "وقفت " : ميهددنيش حد انا ، ونعرف شن ندير كويس ؛ الحمد لله واصلة لسن الرشد وبوي عارف بكل تفاصيلي .

حسام : وبوك يعرف اللي تحكيله فيه ويحكيله فيه الأخ الجديد ، انا نعرف اللي حتى لا انتِ تعرفيه عليه ولا هو يعرفه عليا .

انا : طبيعي هالشي ، ولد خاله صاحبك "ضحكت " الروح بالروح ، وانا بنت خالتك .

حسام : لشن تبي توصلي بنقاشك ! وخدة عربي ماكش واخذتها ره .

انا "هسترت بالكلمة وحسيتها تقطع ف قلبي ، تكلمك بصوت عالي" : مممممششششش اااانننننتتتتتتت ااااللللللييييي تتتتتحححححدددددددد ددددددد مممممسسسسستتتتتقققققببببلللللييييي "حطيت صبعي ف وجهه" فهمت ولا ؟ ولا نذكرك شن درتلي ؟

حسام "بعصبية وصوت عالي " : انا اللي نحدده وانفذه عليك غصباً عنك ونعاودها الكلمة لو خوك مسافر انا خوك وانا ادرى بمصلحتك !

انا "بكل هدوء عكس كلامي الاول " : انتَ غر ادرى بمصحلة ولدك اللي جاي ع الطريق بعدين الهى بيا "ابتسمت " يا ولد خالتي .

ومشيت وخليته مصدوم من اللي سمعه !
خشيت الداخل للحوش وقعمز مع خالتي ومرام وهكي مر هاليوم ومعاش شفت حسام ، لحد الليل بعدها كلمت بابا وقلتله يجي يروح بيا .
روحت للحوش ولحسن حظي كانت عندنا اريج ؛ خشيت عليهم ف دار التقعميز .

انا "واقفة جنب الباب" : كيف حالكم يا عيلة ؟

اريج : تي وين وين ، ملقيتيش الا اليوم اللي بنجي فيه باش تطلعي ؟

انا "ابتسمت" : امس كنت بنمشيلك بعدين لقيته امخر ، واليوم كلمتني مرام من الخدمة ومشيت ؛ كان نندري عليك ره قعدت .

امي "ضحكت " : كويس هلبا يا ولاء .

انا "اضايقت" : انا تعبانة من الصبح ، فلذلك تصبحوا ع خير .