بسم الله الرحمٰن الرحيم ✨.
انا : باهي متبيش تحكيلي انتِ شن صار ؟
شهد : فوتي نوصلوا وتعرفي ،!
انا : اوكِ !
شهد : متبيش تحكي علاش متعاركة انتِ ويوسف ؟
انا : يا ستي معاش فهمته ، تعرفي يوسف كيف يتعامل معاي وكيف يحبني وكيف يدور فيا وكيف يفهم فيا وكيف كل شي !
شهد : اي به .
انا : ع المهم امس مقعمزة انا وعيوش ف الجنان جت خالتي سهام وجايبها حسام ، انا من الصدمة مسلمتش عليها وركبت فوق طول رجعت كل الذكريات ليا ، وقعدت نبكي ف بكا هستيري فهمتش علاش ؛ ع المهم اتصل بيا هو وقعد يسأل انا مبيتش نقوله وقعدت نقوله اخطاني هو تكنطى وخذاها موقف وسكر موبايله ، ع قد ما اتصلت نلقى فيه مقفل وبعدها ميردش؛ لحد ف الليل كلمته قالي مع الولاد وسكر طول وبعدين اتصل بيا قعد يفتفت وخلاص ،!
شهد : يعني كلام والله ما راكب ع بعضه ، علاش يتغير ف لحظة ؟
انا : مه هذا اللي مباش يركب دماغي ومفهمتش شن سببه !
شهد : يلا مهما يصير حتعرفي خير أمه ، وعلاش دار هكي ؛ هدي روحك بس وعاقبيه ، باش يعرف ان زعلك مش بسيط !
انا : تخيلي يا شوشو اول يوم ف حياتي نرقد وانا زعلانة منه ، طول سنتين ؛ حتى لو قبل نرقد نبكي بسبب موضوعنا بس من افكاري اما هو لااااء ولا عمره دارها .
شهد : عادي يا ولو، لازم نتعودوا مرة هكي ومرة هكي .
انا : ايي طبعاً ، انزلي هي وصلنا .
نزلنا انا وشهد حضرنا محاضرة وقعدنا نستنوا ف دكتور الثانية ، جو ربع ساعة وقالوا انه مش حيجي ، بس كنا مضطرات نقعدوا لأن عندنا دكتورة مادة بنسألوها ع بحث وكذا ومحاضرتها اتم بعد ساعة ، قعمزنا ف الكافيتيريا انا وياها ، وقعدنا نهدرزوا ؛ شوية وخش مؤيد وقرب علينا .
انا : اوني صاحب الخرا جاي لعندنا .
شهد : عيب يا تافهة ههههههههـ .
مؤيد " وقف جنب طاولتنا" : شنو معندكمش محاضرات ؟
انا "تلفتتله" : والله حالي الحمد لله ، كيف حالك انتَ ؟
مؤيد "ضحك" : تتسهوكي ؟
انا : نعرف الناس اول ما يشوفوا حد يعرفوه يسألوهم ع حالهم مش ع محاضراتهم ،!
أنت تقرأ
قدري المتغير 💙.
Acción#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
