بسم الله الرحمٰن الرحيم ✨.
انا : يا يوسف والله ما نقدر ، خيرك متبيش تفهمني ؟!
يوسف : باهي ياما منهم الناس اللي ضحوا ووصلوا لوين ما يبوا !
انا : اي قلتها بروحك ، الناس ، وانا منقدرش نخسر حد ع خاطر علاقة حُب !
يوسف : ااه ؛ هي هكي !
انا : اي .
يوسف : تمام ، تمام ؛ هيا تصبحي ع خير .
انا : وانتَ من أهل الخير "سكرت" .
اتكيت ع السرير وشديت كتاب ، قعدت نقرا فيه لحد ما غفيت ؛ ثاني يوم نضت الصبح ولقيت روحي راقدة مش كويس ورقبتي توجع فيا ، وكيف شديت موبايلي ، هو رن .
"ريـمـآ ✨"
انا : الو .
شهد : صباح الخير .
انا : صباح الورد .
شهد : شني نوم لتوا ؟
انا : علاش كم الساعة ؟
شهد : الساعة توا بالزبط ٨:١٠ مابين ما تنوضي حتكون الـ٩ .
انا : ههههههههههـ ؛ مبردك ، اهو توا انوض !
شهد : هي نستنى !
انا : امتا عندنا اليوم ؟
شهد : الـ١٠ !
انا : يييييهه يا شوشو من توا تنوضي فيا واحنى عندنا الـ١٠ ؟
شهد : اي اي نوضي من توا باش ما بين نوصل فيك ونخطموا نفطروا ف مكان نوصلوا ع الوقت !
انا : امري لله ، اوكِ هي .
شهد : بااااي "سكرت ".
"هههههههههـ والله مهبولة هالبنت " ؛ نضت ساويت سريري ولفيت داري ، خشيت للحمام وتوضيت ، صليت ركعتين ع أمل إن ربي يفرج عليا ، ونزلت لوطا ؛ لقيت ماما كيف بتطلع !
"ريـمـآ ✨"
انا : صباااح الخير .
ماما "جميلة" : صباح النور ، شن هالنشاط ؟
انا : والله يا جوجو شهد هي اللي نوضتني .
ماما : اهاا ؛ باهي حبيبتي اوني الفطور تلقيه واتي غر ف الثلاجة .
انا : لالا مخاطريش توا نفطر ف الجامعة .
أنت تقرأ
قدري المتغير 💙.
Action#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
