بسم الله الرحمٰن الرحيم ✨.
رقدت ؛ فقت ع صوت موبايلي يرن .
انا "بصوت ناعس " : الوو .
يوسف :شني حبيبتي راقدة ؟
انا "بنفس الصوت" : اي نوضتني مكالمتك .
يوسف "بصوت هادي" : تبي نسكر ؟
انا : لالا ، قصدي ع راحتك .
يوسف : علاش مكلمتينيش وقت طلعتي ؟
انا : مش عارفة الحق ، شكلي نسيت ؛ طلعنا انا وشهد من المحاضرة هدرزنا مع البنات شوية بعدين ف الطريق لهينا ف الهدرزة ووقت وصلت للحوش ملقيتش حد بابا مسافر والباقيين طالعين ، تغديت وقعدت نتفرج ورقدت شكلي .
يوسف : معقولة تفوتيني ومتكلمينيش ؟
انا : سامحني بس كنت تعبانة .
يوسف : عادي غر انشغلت عليك بس .
انا : اي شن درت ؟
يوسف : حضرت محاضرة ، بعدين مشيت لنادر درنا شوية من المشروع وتوا كيف روحت ، بدلت وكلمتك .
انا : اهاا ، حلو ، مشروعك امتا ؟
يوسف : مزال شوية ف شهر ١ .
انا : باهي عندك وقت .
يوسف : اي الحمد لله ، بس قاعدين يعني كيف فتنا النص بشوية .
انا : باهي قريب اتم ماشاء الله ، علاش متناقشش السيم الجاي ؟
يوسف : فيه احتمال اناقشوا شهر ٤.
انا : مكانوش مواعدهم هكي ؟
يوسف : قاعد هو ره ، نعطيك ف مواعيد ومش معروف شي .
انا : ههههههههـ ؛ عادي وشن فيها .
يوسف : اي مافيها شي .
انا : الساعة كم ؟
يوسف : بالزبط الـ٥:١٠ .
انا : يييييهههه يا يوسف مخليتنيش نرقد هلبا .
يوسف : تبي ترجعي ترقدي ؟
انا : مش عارفة ، مرات انوض نقرا .
يوسف : بروحك انتِ توا ؟
انا : ايي .
يوسف : باهي ردي بالك ، سكري البيبان واقعدي فوق .
أنت تقرأ
قدري المتغير 💙.
Ação#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
