بسم الله الرحمٰن الرحيم ✨.
"لأمتا حنقعدوا هكي ؟" واول ما شفت المسج طول موبايلي رن .
انا :..........
المتصل :..........
قعدنا ساكتين وانا اساساً مش عارفة هل هو او لا ، لمدة قريب ٣ دقايق ، زبطت انه يوسف فرديت عادي وقلت نقوي روحي .
انا : شن تبي ؟
هو :........
انا :.......
يوسف : نبيك انتِ !
انا "قلبي بدا ينبض بسرعة" : هههههههههههههـ ؛ اضحك وربي ، كذبة جديدة هادي ؟
يوسف "بضيق" : ولاء متضغطيش عليا بالله !
انا : شني سافر هشام من هنا ، تحاول ترطب جوك ؟
يوسف : ولاء ادوي كويس !
انا : مش حندوي كويس يا جبان !
يوسف : باهي قولي اللي تبيه بس ردي بالك تسكتي ، نبي نشبع من صوتك !
انا : لا يا عمري ف أحلامك "فجأة استاقضت اني قلت يا عمري وتحشمت" .
يوسف "حس بضعفي" : ولاء بلا عناد !
انا : يوسف شن تبي !؟
يوسف : تي نبيك الزح افهمي !
انا : بتتكلم زي الناس ولا نسكر ف وجهك ؟ اساساً انا علاش نستأذن منك وهي "سكرت ف وجهه" .
اضايقت هلبااااا وقعد قلبي يوجع فيا ، وزاد وجعني وقت شفته عاود اتصل ، رديت لأني مكنتش نبي نوريه اني ضعيفة ، او رديت لأني نحبه ومستاحشاته ، مش عارفة السبب بس رديت عليه.
يوسف : لما تصير مشكلة بيننا تحليها بالكلام مش بالتسكير .
انا : اهههاا زي ما انتَ حليتها بالتسييب !
يوسف : ليا ظروفي ولاء وانتِ عارفتهم !
انا : وشن اللي تغير توا ؟
يوسف : هشام بعد ما كمل من موعده معاك جا هدرز مع بوي وامي وقنعهم عليك وهذا علاش من امس نبعتلك ف مسجات بس انتِ شي شي !
انا "بقلة حيلة" : قول نكذب بالله عليك !
يوسف : تي علااش بنكذب يا ولاااء علاااش ؟ جايلك ونقولك ان امي راضية عليا وتقوليلي قول انك كذاب ؟
أنت تقرأ
قدري المتغير 💙.
Acción#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
