بسم الله الرحمٰن الرحيم ✨..
فيه يوم اتصل فيا رقم من برا ؛ وهنا قلبي اللي كنت نحسابه وقف حُبه ليه نبض بقوة لدرجة قريب اغمى عليا ، قعدت نشوف ف الرقم وخايفة يطلع هو ، رديت.
انا : ايواه !.
هشام : اهلا .
انا "وقت سمعت صوت هشام ارتحت نوعاً ما انه مش يوسف ، ع الاقل منعاودش اللي ضحيت بيه كله ف مكالمة " : اهلين !
هشام : شنجوك يا بنت !
انا : الحمد لله ، وانتَ ؟
هشام : ماشية اهو الحمد لله .
انا : شن ذكرك فيا متصل توا ؟
هشام : شي جاي نسأل ع صديقتي القديمة بس !
انا : هشاام ، احنى الزوز نعرفوا بعض كويس ، ونعرفوا نوايا كل طرف ؛ فلذلك خش ف الموضوع !
هشام : كالعادة واحل فيك وف ولد عمتي !
انا "زبطت ع من يقصد بس قلت نستغبى " : من ولد عمتك ؟
هشام : جو العبط تعرفيني منحباش !
انا "ببرود خارجي وعاصفة داخلية " : من ولد عمتك !
هشام : زمري ! يوسف الزح !
انا "وقت قال اسم يوسف والله قلبي حسيته بيوقف " : بتقعد تسب بنسكر !
هشام : لالا استني ، وربي معلومات تفيدك !
انا : ميهمنيش !
هشام : بلا تسكير رأس وجو زوارية النفاخ !
انا "بصوت عالي" : هشااام !
هشام : نقصي صوتك وخليك بنت محترمة تسمعي ف الكلام !
انا : هيا لخص لأن عندي كورس عشرة دقايق ثانيات !
هشام : اهاا ، به تمام ! شوفي هو كلمني وقالي وصل هالكلام لولاء ، لأن يزبطني نعرفك كويس اكثر من مؤيد ونادر يعني ؛ وزابط حتى كيف بنوصلك الكلام !
انا : المكالمة شكرانية ف روحك ولا كيف ؟
هشام : القصة وما فيها انك تحسابيه من لما سافر معاش كلمك ع حسب كلامه وخلا لميس تكلمك وتقولك انه ميبيش يوصل فيك ؛ انه جدك فرض عليه هالطلب !
انا "بصدمة " : شندخل جدي ف حياته !
هشام : قولي جدي مدخل ف حياتي ، وحياتي جزء منها مع يوسف ! المهم ، قال يوم اللي مشا وهدرز مع بوك وجدك قاله انتَ معندكش حتى مقومات باش نقبلك بيها بنتي ؛ قاله كحوش عندي وكسيارة برضو والحمد لله بشهادتي وخدمة شهرين وبإذن الله نحصل !
أنت تقرأ
قدري المتغير 💙.
Ação#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
