بسم الله الرحمٰن الرحيم ✨.
انا "قعدت نبكي وخلاص" .
بابا "بحزن" : بنتي ، شن فيه ؟ مافيش حد ضاغط عليك ره !
انا "زدت نبكي" .
بابا "قرب مني وحضني" : احكيلي شن صاير ووعد مني مش حندير ولا ردة فعل سلبية ؛ حتى لو كان الموضوع كبير .
انا "نشوفله والدموع ف عيني ؛ خايفة نقوله منبيش وماما تحكيله ويطور الموضوع ونلقى روحي مقتولة ؛ وخايفة نقوله كمل معاه ونتزوج معتصم" : يا بابا مش حتفهمني .
بابا : آخر مرة حنسألك تبيه معتصم او لا ؟
انا : يا بابا نبيك تفهمني .
بابا : ولاء هاليوم اللي حتفارقينا فيه حيجي ، كان مش بعد سنة بعد سنتين ، ولو مش معتصم ، حيكون غيره .
انا "رجعت نبكي وقت فهمت وجهة نظره " .
بابا : ياااربي ؛ خيرك ولاء احكيلي .
انا "بعدت شوية عليه ونمسح ف دموعي " : يا بابا انا منبيشي معتصم ، ماستريحتلاشي .
بابا : وكيف امك ردت بالموافقة ؟ مخذتش رأيك ؟
انا "منزلة رأسي" : لاء !
بابا "بعصبية" : تي كيف هالكلام ؟ ككككـييييـففف ؟ شني بتزوجك غصباً عنك ولا كيف ؟
انا : منعرفش !
بابا : هاتي موبايلي !
انا "مه كان جنبي عطيتهوله" : بتكلمها ؟
بابا : اييي !
كانت الطريقة الوحيدة اللي ندافع بيها ع حُبي ليوسف هكي ؛ قررت حتى لو بيوصل الموضوع لجدي حنوقف ونواجهه !
بابا : الوو يا جميلة ..... انتِ وين ؟ ........ اهاا باهي باهي ..... نتكلموا بعدين "سكر وشافلي" قالت ف حوش عمك وعازمينا ع العشا ، بتمشي ؟
انا "هزيت رأسي بلا" : بتجيني شهد !
بابا : اهاا ؛ باهي حتى انا بنقعد !
انا : تيي لااا يا بابا ، عادي من قبل نقعد بروحي ؛ شن تقعد ! قول ولاء مريضة وجايتها صاحبته وبرا ؛ عمي ليك فترة معاش مشيتله .
بابا "شافلي بتردد" : انتِ كويسة ؟
انا : اييي ف احسن حال مدورنيش .
أنت تقرأ
قدري المتغير 💙.
Action#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
