قدري المتغير 💙.

البآرت العآشر .

بسم الله الرحمٰن الرحيم ✨.

هشام : علاش مصيبة وقت انها اجنبية اما انتِ وقت مش زواري ، عادي ؟

انا "شفتله بارتباك" : مش قصدي ......

هشام "قطع عليا" : لا قصدك ؛ كل حد يختار ع راحته واللي يشوف فيه هو مناسب لروحه .

انا "بتودد" : مه غر افهمني ، انا يوسف يمشي معاي ، ومتأكدة مافيش زواري او غيره حيفهمني ويحبني زيه ، اي نعم صاير بيناتنا خلافات بس عارفة ربي مستحيل يخذلني ! بس هادي اجنبية وديانتها مختلفة عليها وخوي فيه غيره هلبا يتماشوا معاه .

هشام : بالله ؟ كمية الأنانية اللي انتِ فيها مستحيلة ؛ تلقي من يفهمك وهذا هو الوحيد ، بس خوك يلقى هلباااا ! يا طفلة خوك ماختارهاش إلا ان يعرف انها الوحيدة اللي حتسعده ، انهيلي هالموضوع ، وقولي صبر امي مني ومنه .

انا : معاش تقولي يا طفلة !!

هشام : هيا اختاري اللي بعده !

انا : من مزال ؟

هشام : عيوش ، وشهد !

انا : هيا تسلسل ، خليها عيوش !

هشام "شبك ايديه ف بعضهم" : اصعب موضوع حتلقيه !عيوش اختك ع علاقة مع شخص مش لازم نقول اسمه ، وتحبه هلبا اكثر مما تتصوري ، وهو برضو كان يحبها بس بعد ما عيوش غلطت وخاناته فهو كرهها ورجعلها لأن هي شدت فيه ، بس قاعدة ف نظره البنت الخاينة ؛ واختك الشريفة باش تثبت لحبيبها انها زلة وخلاص ، كانت تحققله ف كل طلباته ، ومن ضمنهم اللي تابعات شهواته ؛ وزيادة ع هذا ، هما موقفوش ف هالنقطة ، لا الموضوع تطور بيهم لحد ما بدوا يتلاقوا ، اول مرة ف سيارة ، والثانية كانت هروبة من المدرسة معاه مع تقعميزة بين الشجر ، والثالثة كانت ف حوشهم ! هو لأن حالته المادية الله يبارك فلذلك عندهم اكثر من حوش ف طرابلس وواحد منهم كان هو الاغلب يستعمل فيه فلذلك ننصحك "ومسك ايدي" خودي اختك للدكتورة .

انا "صعقت ، ومعاش عرفت شن نرد او شن نقول ، انا يجيني كلام ع اختي بالشكل هذا ؟ مصدومة فيها ، اي اي فيها ؛ مش حنقول ماما لأن امي تحساب الاوبن مايند يساعد ف التربية ، يعني بمعنى لما تسكر ع شخص هلبا يبدأ يدير ف الغلط فهي خلتنا ع راحتنا ف هلبا امور وحطت فينا ثقة قوية هلبا " :...............

هشام "سحب ايده لما لقاني منتحركش" : شوفي مقدر اللي صاير فيك ، بس قلت هكي باش تتأكدي ، مرات اختك مغلطتش هلبا ، هكي تقدري تتعاملي معاها ؛ اما لو "وشافلي ، بعدها نزل عيونها" .

انا : لالا انتَ اللي تعرفه قلتهولي وبس ، نشكرك هلبا ، وبجد متحشمة معاك !