بسم الله الرحمٰن الرحيم ✨.
طق الباب .
انا : منو ؟
بابا : ولاء ممكن ندخل ؟
انا : لا !
بابا "فتح الباب دخل للدار وسكره وراه ".
انا "مقعمزة ع السرير" : لو سمحت ، قلتلك نبي نقعد بروحي .
بابا " جاب كرسي من المكتب وقعمز مقابلني " : ولاء انا عارف اللي داراته امك مش تصرف صح ، بس انتِ قلتي كلام مش كويس !
انا "منزلة رأسي" :..........
بابا : متبيش تردي !
انا : نطلب منك طلب ؟
بابا : نعم قولي ، وكان نقدر عليه نديرهولك اكيد .
انا "شفتله" : نبي نمشي لشهد !
بابا "بصدمة" : علااااش ؟
انا : نبي نمشي لشهد ، نقعد عندها اليوم وغدوة نروح !
بابا : يا بنتي ميجيش الكلام .
انا "والدموع ف عيوني" : بابا لو سمحت ، مش قادرة نقعد هنا ؛ وهما انا متأكدة انهم حيقعدوا كم يوم ، وكان بنقعد ع هالحالة والله ما نقدر ؛ يا بنمشي لشهد ، يا بنمشي لحوش جدي .
بابا : جدودك قاعدين ف زوارة .
انا : به خلاص خليني نمشي لشهد .
بابا : لالا !
انا : لو سمحت ! وعد غدوة قبل الغدا نروح ؛ بابا متتخليش حجم الصدمة اللي انا فيها توا .
بابا : باهي اوك !
انا "بفرحة" : جدياااات ؟
بابا : ايي .
انا "حضنته" : والله نحبك .
بابا : به لاكن قبل الغدا تروحي .
انا : حااضر "زدت تعلقت فيه".
بابا : باهي خلاص يا بنتي ، هيا نوضي وتي روحك "ووقف".
انا : أوك .
بابا "طلع وسكر الباب وراه ".
اخخخ أخيــراً !!
بابا "من ورا الباب" : لما تجي بتطلعي قوليلي .
انا : حااااضر .
أنت تقرأ
قدري المتغير 💙.
Action#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
