قدري المتغير 💙.

"البآرت الخآمس عشر".

بسم الله الرحمٰن الرحيم ✨.

شهد "بصدمة" : غغغغغدددددووووووةةةةةةة ؟

انا : اي غدوة يا شهد .

شهد : وخيرك توا كيف قلتي ؟ حي معناها عندنا هلبا حاجات ، لازم نشوفوا مزين ونطلعوا الصبح نشوفوا قفطان ! او نقولك انا عندي قفاطين قاعدة ملبستهمش ، واساساً حتى لو لبستهم عادي البسيهم لأن قاعدات جدد ؛ ونشوفوا شن بنحطلوه و لــ.........

انا "قطعت عليها" : غر بالشوية يا شهد ؛ الموضوع مش محتاج كل هذا التفكير .

شهد : تي كيف مش محتاج تفكير ؛ كيف انتِ مبردة روحك هكي يا ولاء ؟ هذا يعتبر بيانك يا ولاء ، لازم تطلعي حلوة هلبا باش امه متقولش انك مش قنينة وباش تزيد تنقهر .

انا "ضحكت بجد من قلبي عليها" : هههههههههههـ ؛ شوشو يا عمري ، معاش تفكري هكي ؛ اول شي امه شايفتني قبل و الموضوع مهواش بالشكل او بشن بنحطلهم يأكلوه ، الموضوع معاملة وابتسامة !

شهد : تي باهي باه ، انا دوتي اساساً مش معاك ؛ غر كان كلمتيني امبكري شوية ره جيتك وهدرزت مع خالتي جميلة واريج .

انا "تعقدت" : به هيا سلام .

شهد "تكنطت" : شن تحسي ؟

انا "بصوت واطي" : ف حوش جدي يا شهد ؛ وتزبطيه كيف مفتوح ع بعضه فمنقدرش ندوي بجوي .

شهد : اااه به ؛ اسمعي غدوة قبل ما تمشي للخدمة اخطمي عليا .

انا : هذا ما ناقص نخطم عليك الساعة ٧ الصبح !

شهد : اي والله حتخطمي ، ولو متجينيش وقسماً بالله يا ولاء ما نجيك ولا نعبرك .

انا : باهي غر نروح ويصير خير ، توا نهدرزوا .

شهد : تمام سلميلي ع اللي معاك .

انا : يوصل ؛ سلميلي ع مروان .

شهد : ههههههعـ ؛ تمام .

وسكرنا .
وف ثواني لقيت خالاتي كلهم مقعمزات بحداي والبنات وخالة ماما وهكي ، قعدنا نهدرزوا والكل كان يوجهلي ف نبرة عتاب ، كان اللي يكلمني بنبرة كره ، كان اللي يشوفلي نحس بعيونه يوجهولي ف حقد غير عادي ؛ بس مع هذا حاولت نكون باردة ومندورش اللي صاير كله ؛ قعدت نفكر ف غدوة امي شبدير ، وكان عندي احساس انها حتتصرف تصرف متع عواويل ؛ وبرضو قعدت سرحانة ف كيف نبرر ليوسف اللي صار .
شوية ومر الوقت ناضت ماما ومجدولين وبنت خالة ماما يديروا ف العشا ؛ وانا وقت عرفت اننا بنقعدوا للعشا زدت انخقنت ، وكان عندي احساس ان ماما حتقول بنباتوا .
المهم استأذنت منهم وقلت بنركب نصلي العشا ، وبالفعل ركبت وصليت وحسيت روحي منهارة ف صلاتي ، معاش قادرة ، ياربي ، معاش قادرة نتحمل اللي صاير ، صعبة عليا والله ؛ ف عشرينياتي نقاوم هالمشاكل كلهم ؛ بجد لو مكنتش انسانة مُصلية وتحاول تحافظ ع صلاتها واتصالها بربي ، ره احتمال درت مصيبة ، ممكن زي عيوش او مرات زي فرح 🤷🏼‍♀️.
كملت الصلاة وبكيت فيها بكا مش طبيعي ، بكيت بكيت بكيت وشكيت لربي لحد ما حسيت روحي كويسة ، كملت الصلاة ونزلت لوطا ؛ مكانش عندي مزاج نشوف حد او نكلم حد ؛ طلعت للجنان من قدام ، وقعمزت ع الأرض ، حاسة بشي حيصير ، يارب سلم ، يارب سلم !
حسيت بشخص قعمز جنبي ، وطول عرفته لأني قبلها كنت سامعة صوت الباب وراي انفتح .