قدري المتغير 💙.

البآرت الثآمن عشر،

بسم الله الرحمٰن الرحيم ✨.

شهد : اييي هو .

انا : اي به ؟

شهد : هذا يكون خوه .

انا : فكك منها هالعيلة .

شهد : علاش ؟!

انا : حبيبتي علي هذا هو العيل تابع اختي !

شهد "حطت ايدها ع فمها بصدمة" : ههههههيييييي ! كذااابة .

انا : تي ايي ؛ انا الحق لما قتلي مرتبطة بيه وكذا قلت يلا هي صح هالعلاقة طهقة بس جت مع ولد كويس ؛ اما وقت حكالي حسام كيف عاملها وانتِ بروحك سمعتيه حقدت عليه وربي !

شهد : حسبي الله فيه ! اهي العيادة .

درست ع اليمين ونزلنا الحق كانت عيادة تبارك الرحمٰن ، سألنا ع الدكتورة وخذينا موعد ؛ وبالصدفة لقيناها كيف بتخش .

شهد "مشت سلمت عليها" : اهلين دكتورة ، كيف حالك ؟

د.هند : اهلين شهودة ، الحمد لله وانتِ ؟

شهد : بخير في نعمة .

د.هند "تلفتتلي" : ومن هالأمورة ؟

انا "ابتسمتلها ومديت ايدي" : اهلين كيف حالك ؟

د.هند "سلمت عليا" : الحمد لله .

شهد : هادي صاحبتي ونبوك ف موضوع لو تقدري ، انا كنت بنأخذ منك موعد وبنكلمك مكالمة ؛ بس وجه لوجه أفضل .

د.هند : اوكِ مافيش مشكلة ؛ تفضلوا ع مكتبي "وشافت لمتع الاستعلامات" وخري الكشوفات نفيص ساعة ؛ نكمل موعدي ونبدأ "ومشت".

قعدنا نمشوا وراها ؛ لحد ما موصلنا مكتبها ، خشينا وقعمزنا مقابلينها .

د.هند : شن تشربوا ؟

انا : لا صحيتي والله ما نبوا نتعبوك !

د.هند : ولو انتوا ضيوفي وهذا واجبي .

شهد : لالا والله مستعجلين واصلاً كنا نأكلوا .

د.هند : باهي براحتك ؛ اي شن الموضوع ؟

انا "شفت لشهد ، بعدين تلفتت للدكتورة ".

د.هند "قعدت تشبحلنا الزوز" .

انا : حنحكيلك كل شي بوضوح وياريت تتفهمينا !

د.هند : إجهاض ؟