بسم الله الرحمٰن الرحيم ✨.
انا : عميمة انتِ سألتي اساساً هو من وين ؟ ولا غر تدوي وخلاص ؟
ايمان : علاش هو من وين ؟
انا "ضحكت بقهرة عليهم وع سذاجتهم " : انا معاش نقدر وربي ؛ اوني اعرفوا التفاصيل من اريج او عيوش !
قنيدلة : غر قوليلنا هو من وين بعدين اطلعي كان تبي !
انا "اووووف " : امازيغي يا عمتي ؛ جبالي !
عفاف "بصدمة" : يتكلم امازيغي يعني ؟
انا : اي !
سهام : وعلاش مقلتيش من الاول ؟
انا "ابتسمت" : تي هما اللي يقروا ف روايتي من ثمانية شهور ، ومتابعين حياتي من الاول ، وقروا قريب ستة وثلاثين بارت ، توا كيف عرفوا ؛ تبوا انتوا اللي كيف عرفتوا بموضوعي تعرفوا طول ؟
كميلة : اي هادوكا متابعينك وفيه برنامجكم البرتقالي اللي تتواصلوا عن طريقه ؛ اما احنى وين نتواصلوا معاك ، وانتِ قبل يا تقري يا مع صاحبتك هاديكا ، وتوا يا تخدمي يا راقدة ؟
انا "جيت بنهرب" : وااااك خلاص معاش نقدر انا ، لينا حلقة ثانية يا عيلتي !
عفاف : اكيد لينا لقاء ، بنبات انا اليوم .
انا : مرحبتين بيك "وطلعت ".
اخخخخخخخخخ ؛ شن هالبشر وشن هالعيشة ؟ زعما كل البنات اللي تزوجوا اللي يحبوهم صار فيهم هكي ؟
مش عارفة بس اهم شي انهم وصلوا لِمُرادهم .
مشيت لجهة المربوعة ومسمعتش اصواتهم ؛ وكيف جاية بنركب تلاقيت انا وحناي قدام الصالون .
حناي "غالية" : ولاء بنيتي ، تعالي نبيك .
انا "استغربت ، اول مرة تكملني هكي ؛ حناي من نوعية الناس اللي حازمة ومش متسهلة ف شي ، ومتهدرزش هلبا " : نعم .
غالية : تعالي خشي للمربوعة .
انا : تمام .
مشينا للمربوعة وسكرت الباب وقعمزت جنبها .
غالية : شوفي هادي ممكن اول مرة نتكلم انا وياك هكي ، بس انا مقدرتش اني مندويش !
انا "حسيت بالاستغراب ف كلامها " : اي به .
غالية : حتى لو انا منعاملش فيك بحنية وجدك هو اللي حنين عليك اكثر مني ، بس برضو انتِ بنت بنتي ونحبككك هلبا .
أنت تقرأ
قدري المتغير 💙.
Akcja#روايات_ليبية . رواية واقعية "مهيآش خيآلية" ، نكتبها بطريقتي ، ونتمنى توصل الفكرة اللي نبيها 💫.
