انهارت تماما و هي فحضن باها.. گاع ديك القوة و الصلابة اختفت قدام الشخص الوحيد الي تقدر تبين ضعفها قدامو.. شاهدة بقرب الاب ديالها شخص مختلف على شاهدة مع الآخرين.. ماشي هي الظابطة القاسية الي باردة المشاعر.. بل كترجع البنت المددلة من طرف باها الي تقدر تحس بالأمان من جديد و هي جنبو..
ربت ركان على ظهرها بحنان و هو كيقبل راسها عدة مرات.. هز وجها و مسح ليها دموعها بقلق.. هادي أول مرة يشوفها منهارة هاكة.. واخة عارف هاد اليوم حساس بالنسبة ليها لكن شي حاجة فيها كانت مختالفة.. كأنها مجروحة..
قال ركان و هو كيشوف فنظراتها الضائعة..
ركان : مال أميرتي.. ؟
شاهدة : ' بعدات شعرها على وجها ' غير توحشتك
ركان : ' قبل خدها ' حتى اناا ابنتي ' ضمها بذراعو ' كنت كنتسابق مع الوقت باش نوصل اليوم للمغرب
شاهدة : علاش ماقلتيهاش ليا.. كن ماجيت لهنا مغاديش نعرفك جيتي
ركان : شي ربع ساعة باش وصلت.. يالاه بدلت و كنت جاي لعندكم
شاهدة : على سلامتك
ركان : الله يسلمك.. اجي نچلسو ' جرها جلسو فلي فوطوي ' يالاه عاودي ليا مالك ؟
شاهدة : ما مالي والو ابابا
ركان : متنسايش معامن كتهضري.. عاودي ليا باش ترتاحي
شاهدة : نعاود ليك بصفتك بابا و لا بصفتك الطبيب النفسي
ركان : باباك أكيد.. انا بغيت نعرف شنو زاعجك و خلاك فهاد الحالة
شاهدة : موالفة هاد اليوم كندوزو بوحدي بعيد.. لكن هاد العام تشغلت مع القضية الي عندي.. و كنت محتاجة نبعد باش نكون مرتاحة
ركان : عاد تفكرت بلي ديما كتسافري فهاد الوقت بوحدك
شاهدة : حتى التذكرة مجاتش هاد العام
ركان : إنا تذكرة !!
شاهدة : ' شافت فيه باستغراب ' علاش ماشي نتا الي كتسيفط ليا تذكرة ديال السفر كل مرة فقنت.. كتجي قبل هاد النهار بأيام و هي باش كنت كنسافر
ركان : أنا عمرني سيفط ليك شي تذكرة.. داك العام جيت نيت للمغرب و لقيتك سافرتي فشي رحلة و رجعت ديك الساع لأمريكا
شاهدة : منين ماشي نتا الي كتسيفطهم.. و شكون !!
ركان : واش يسحاب ليك انا و مالك عمرك قلتيها ليا
شاهدة : اه يسحاب ليا نتا.. 4 سنين هادي باش كتوصلني تذكرة فضرف بلا اسم.. قلت شكون غيكون من غيرك.. و حينت مكتساليش تهبط كتسيفطها
ركان : غريب.. ماشي يكون شي حد آخر كتعرفيه
شاهدة : زعما من العائلة منظنش.. فاش كنقول ليهم مسافرة كيبقاو يسولو على فين غادية و شحال غنچلس
ركان : ' ابتاسم ' ياكما شي معجب سري هذا
شاهدة : ' كتفكر بتركيز ' كيفاش هاد البلان !
ركان : و قلتي هاد العام موصلك والو.. يمكن تسيزا السيد هههه
شاهدة : هادشي مكيضحكش.. خاص نعرف شكون كيسيفطها.. موالفة كنلقاها فالمكتب عندي
هزات التليفون و صونات على نبراس..
نبراس : الحووب صاڤا ؟
شاهدة : كاين فالمركز ياك سير للمكتب ديالي و قلب فالأضرفة الي تماك.. لا بان ليك واحد بيض بسميتي حلو و قوليا شنو فيه
نبراس : آش واقع !
شاهدة : دير الي قلت ليك
نبراس : اوك تسناي ' بعد لحظات ' وي كاين.. بلاتي نحلو.. فيه تذكرة لڤيينا.. واش ناوية تسافري
شاهدة : صافي رجعها لبلاصتها حتى نجي بعد غدا.. تلاح
أنت تقرأ
أقْـنعَـة بَـشرِيــة
Tajemnica / Thrillerقصة " أقـنعَـة بَـشرِيــة " كتابة : رجاء موري " Remember, there are two sides to every story " الموسم الثاني لقصة ' قاتلة بروح بريئة '.. غتكون بنفس Theme لكن بموضوع مختلف.. أحداث جديدة مليئة بالتشويق و الغموض كيف العادة.. هي قصة بوليسية مع نكهة...
