أقْـنعَـة بَـشرِيــة

•• الفصل السابع ••

وقفات فجأة و دارت للجهة لاخرى.. مبان ليها حد و مع الشمس بدات كتغيب المكان بدا كيظلام.. مع رجعات ضارت باش تكمل على طريقها بان ليها شخص طويل القامة واقف قدامها على بعد مترات فقط.. وجهو مشرط عامر سيكاتريس و على شفايفو ابتسامة قبيحة.. هبطات عينيها ليدو اليمنى و هو يبان ليها هاز سلاح أبيض كيلمع قدو قداش..
ملامحها متبدلوش و حتى الخوف مبانش عليها.. الشيء الي خلا الشخص جمع ابتسامتو و زير على فمو مغدد.. كيفاش وحدة واقفة قدامو بهدوء و هو الي غير اسمو كيرعب حومتو كاملة.. استفزو رد فعلها البارد و قرر يأدي المهمة بسرور..
زير بيدو على قبظة السلاح الي كان بطول السيف و عريض.. و قال بصوت مدعدع..

.......... : ماعرفتش واش ن**** عاد نشلضك و لا نشلضك عاد ن*****
شاهدة : ' شافت العرق فجبهتو ' خود بعدا نفس باينة مشا ليك السوفل و نتا تابعني
........... : زاعمة مع ط**** مك.. راه اليوم منتعاتقش معاك.. كن عرفتي شحال مكره من جدبوكم نتوما البوليس ديال الت* متوقفيش هاد الوقفة
شاهدة : لا جريت مغاديش تشدني.. سو هاني واقفة حتى ترتاح
.............. : زعما باغة تفهميني بلي مخيفاش مني
شاهدة : كن كان شي حد آخر من غيرك يمكن نخاف شوية.. بحاال ' شارت ليه بصبعها ' داك الي دار فيك ديك الحالة مثلا
............... : ' تعصب ' آاااش بغيتي تقولي ابنت الق****
شاهدة : ' زيرات على قبظة يدها عاصراها و قالت ' كان عليهم يسيفطو الي زوق ليك وجهك.. ماشي نتا.. فهمتي

عرفات راسها استافزاتو بعد الي قالت و كانت مستاعدة لهجومو.. كيف شافتو جاي جهتها كيجري و هز يدو الي فيها لمضا لفوق.. رجعات رجلها شوية للخلف و ضربات بيها لقدام معلياها.. تهز معها التراب و جا مباشرة فعنين الشمكار..
وقف و سد عينيه و هو على بعد خطوتين عليها.. يالاه كيحاول يحك عينيه باش يقدر يحلهم.. هزات رجلها لفوق و نزلاتها على يدو بقوة حتى طار السلاح.. تحركات بسرعة أكبر و هاد المرة ضربات على ركبتو..
مع طويل مشات ليه لرجليه باش تحكمو.. و منين طاح على ركابيه و هو مدابز مع عينيه الي كيحرقوه و ماسوگر ليها غير المعيور.. وقفات قدامو مبتاسمة قبل متجيب ليه الضربة هاد المرة بين رجليه مباشرة فحجرو..
طلعات معاه الصفورية و يبس على الحركة.. هنا قربات و هبطات عليه بكوعها لراسو حتى طاح مشروط لأرض.. وقفات كتهنج صدرها كيطلع و يهبط.. شافت فالسلاح الي فالارض للحظات و دارت راجعة ادراجها كأن حتى حاجة موقعات..

وصلات للدار هزات الهاتف ديالها شعلاتو و ديك الساع صونا.. جاوبات..
نبراس : باغة تحمقيني.. علاش طافياه
شاهدة : سيفط الي جمعو واحد الشومور ما بعيدش على الدار بزاف.. قوليهم يخليوه ليا غدا أنا الي غادي نستجوبو
نبراس : ' بنبرة خوف ' ياكما وقعات ليك شي حاجة؟
شاهدة : لا.. سيفطهم و أنا غدا غنجي للمركز
قطعات و لاحت الفون فوق سريرها.. بدات كتحيد فحوايجها و هي متاجهة للحمام بملامح ممحية..

••• هبط من السيارة و حنى راسو عند السائق دار ليه غا سير.. تردد السائق و هو كيشوفو فهاد الحالة و لكن منين غوت عليه.. شغل السيارة و تحرك..
عصام تقاد فالوقفة و تم داخل مع الشركة كيتمايل و بالسيف كيقدر يتمشى مقاد.. حل ليه واحد من رجال الأمن الباب و دخل.. هادي ماشي اول مرة يجي للشركة فبحال هاد الوقت.. و موالفين يشوفوه فهاد الحالة..
ظغط على زر المصعد و دخل.. حط راسو متكى على لمراية و بدا كيفرنس غا بوحدو.. بعدما تحل المصعد خرج و مشا كيتعكل حتى وصل لمكتبو.. دفع لباب و دخل فالظلام.. غير مصابيح الخارج هما الي عاطيين شوية الإضاءة من النافذة الكبيرة ديال الزاج..