الكل جالسين فالطبلة مدورين ريوسهم فالمدخل ديال الدار.. مبتاسمين و هما كيشوفو فغدير فحضن سيف.. ضحكتها شاملة وجها بالكامل و عينيها فيهم فرحة كبيرة.. غدير مع سيف ديما كترجع ديك الفتاة العشرينية المليئة بالمرح..
كأن وجودها كيرجعها لأيامها معاه.. علاقتهم ماشي مجرد صداقة عادية.. بل تعدات داك الرابط.. سيف يمكن يضحي بحياتو على ودها و هي مترددش دير بالمثل.. و تبثو هادشي سنوات قبل.. فشبابهم مرو من الخايبة و الزوينة و هادشي خلاهم أقرب لبعض من افراد العائلة الحقيقيين..
بعدات غدير كتمسح فدموعها و سيف كيمرر صباعو على خدها و كيضحك عليها.. مبتاسمة و دموعها غاديين بوحدهم.. قبل جبهتها و قال..
سيف : باقي نتي هي نتي.. بوحاطية و دموعك غا على سبة
غدير : ماشي حشومة عليك.. 6 سنين دقة وحدة.. شنو دار ليك المغرب
سيف : واش انا لخاطري.. عارفاني اكثر حاجة باغي هي نعيش فبلادي.. و حدا غديرتي هههه
صخر : ' واقف من وراه ' مزال مساليتي
سيف : ' تلفت عندو كيضحااااك ' العميد.. شفت كثرو فيك الشيبات.. قفرتيها غدير غير مزايدة تصغار
صخر : اجي مزال متسالمنا
جرو صخر عندو معنقو و بدا كيضرب على ضهرو ضربات نيت.. سيف بدا يكحب..
سيف : غدير عتقيييي
غدير : ' جراتو و شافت فصخر ' تفرق عليه.. لباقيش دير معاك داك الضحك ديال البناية
صخر : و قوليه يضحك و يقيس
خرجات غدير لسانها لصخر و جرات معها سيف للطبلة.. كانو البقية متبعين المشهد و ميتين بالضحك.. غيرة صخر المبالغة مخافياش عليهم و خاصة فاش كيبان سيف صديق غدير المقرب.. و سيف بدورو عزيز عليه يشد معاه الضد شوية واخة عارف ردات فعل صخر خطار..
شاهدة بان ليها صخر جلس و عاقد حجبانو و هو كيشوف فغدير دايرة كلها عند سيف الي جالس جنبها و كتسول فيه و على احوالو.. بقى فيها صخر حينت عارفاه ظابط راسو على ود ميخصرش لغدير خاطرها.. أما راه عدو عدوه شي راجل يحوم حداها.. و هو ولادو كتجيه الغيرة منهم..
حولات عينيها من صخر و شافت فين جالس هود.. بان ليها حاط مرفقيه على الطبلة كيلعب بالهاتف فيدو و كيشوف فيها.. بدات ترمش فعينيها و هي كتبادلو النظرات.. غير غمزها جفلات و بدات دور وجها يمين و شمال كتشوف واش شي حد شافو..
رجعات شافت فيه مخنزرة و دارت حركة بيدها بمعنى غتفضحنا.. حرك راسو لواحد الجهة شافت فيها و هي تعرف شنو بغا.. حركات ليه راسها بمعنى لا.. عقد حجبانو و هي توثر خافت يدير شي حاجة..
بعدات الكرسي للخلف و ناضت.. شافها سفيان و هو يسولها..
سفيان : فين غادية؟
شاهدة : نسيت ماغسلت يديا
سفيان : حتى نتي بلاش.. شوية عفينة كتزيد البنة
شاهدة : ' نزلات عليه بيدها لراسو ' هي مكتغسلش يدك المعفون
سفيان : كنغسلهم.. بعد لمرات هههه
حركات راسها بلا حول و مشات فاتجاه الكوزينة.. دخلات و هزات الهاتف سيفطات ميساج لهود..
شاهدة : « اش بغيتي واش وقت حماقك دابة »
هود : ' وصلو لميساج قراه و جاوبها ' « خليك هاني جاي »
وقف هود باغي يتبعها و هي تلمحو غدير و قالت..
غدير : حبيبي فين غادي.. راه غنبداو
هود : عندي مكالمة ضرورية.. شوية و نرجع
غدير : واخة اولدي.. متعطلش ' بقات متبعاه حتى غبر و رجعات شافت فسيف و قالت ' شفتي ولدي
سيف : شفتو.. تبارك الله.. ' بصوت منخفض ' باينة عليه تريكة صخر
غدير : لا كيشبه ليا.. هداك هو عويناتي
سيف : ' بمزاح ' و هادشي فخبار راجلك هههه
غدير : هههههه.. واخة هكاك علاقة هود بصخر زوينة.. عمرو خالف هضرتو و لا هضرتي.. الخدمة مبعداه علينا و لكن عاذراه
سيف : ' كيدوز يدو على شعرها ' لا انا فخور بيك.. شكون قال غدير البعلوكة تكبر جوج حلالف و اميرة
صخر : ' كيتسمع لحديثهم ' و نتا جبتي شي حلوف يهز سميتك و لا والو
سيف : ' دار لعندو ' اودي.. عطاني الله غا وحدة و مخرجة ليا العقل.. قالت لولاد حيدو من الطريق
غدير : اه فكرتيني علاش مجبتيهاش معاك هي و سوجين
سيف : سوجين بقات فكوريا.. و ' Lisa ' ليسا جبتها معيا
غدير : و فيناهيا
سيف : لبارح فاش وصلنا ضلات ناعسة.. و اليوم فالصباح قبل منمشي للجريدة أكدت عليها جايين عندكم.. رجعت لقيتها خرجات و مخلية ليا ميساج بلي مع شي صاحبتها
غدير : ' كضحك ' بلما تحكر عليها.. راه خرجات غير ليك
أنت تقرأ
أقْـنعَـة بَـشرِيــة
Mistério / Suspenseقصة " أقـنعَـة بَـشرِيــة " كتابة : رجاء موري " Remember, there are two sides to every story " الموسم الثاني لقصة ' قاتلة بروح بريئة '.. غتكون بنفس Theme لكن بموضوع مختلف.. أحداث جديدة مليئة بالتشويق و الغموض كيف العادة.. هي قصة بوليسية مع نكهة...
